AJU XQʼUQIL Tajlal 3 2020 | Qe kʼiwlabʼil tzul tqʼoʼn Dios te jumajx
¿Alkyeqe kʼiwlabʼil o tzaj ttziyen Dios kye xjal?¿Jakupe tzʼok qeʼ qkʼuʼj tiʼjju tkuʼx toj Tyol Dios? Toj uʼj lu kʼelel qnikʼ kyiʼj junjun ttziybʼil Dios, ax ikx tzul tyekʼin tiquʼn jaku tzʼok qeʼ qkʼuʼj tiʼj qa kjapunel kywiʼ ex tiʼ kbʼantel quʼn tuʼn qtzalaj kyiʼj.
Jaku tzalaja kyiʼj kʼiwlabʼil in tzaj ttziyen Dios
¿Taja tuʼn tanqʼina jatumel mintiʼtl qʼoj, nya bʼaʼn ex yabʼil? Nya jun witzikʼ jlu, atzunju in tzaj ttziyen Dios.
Kʼujlaʼn qoʼ tuʼn Dios ex in ximen qiʼj
In xqʼuqin Dios qiʼj ik tzeʼn in bʼant tuʼn jun mambʼaj kyukʼil toj tja. ¿Alkye tten?
¿Tiʼ in najbʼen tuʼn Dios tuʼn ttzaj tqʼamaʼn qe ttziybʼil kye xjal?
¿Tzeʼn e ajbʼen profeta tuʼn Dios tuʼn tkubʼ kytzʼibʼin tqanil?
¿Ope kubʼ chʼexpuʼn tqanil tkuʼx toj Tyol Dios?
Keʼyinka tiʼ o tzʼel kynikʼ xjal at kyojtzqibʼil tiʼj Tyol Dios toj ambʼil jaʼlo.
¿Tiʼ in tzaj kyqʼamaʼn profeta tiʼj Dios?
In tzaj kyyekʼin oxe profeta alkye tten tuʼn tel qnikʼ tiʼj Dios ex tzeʼn jaku qo tzaj tkʼiwlaʼn.
Qaninxa te Dios tuʼn ttzaj kʼiwlaʼna tuʼn
¿Tzeʼn jaku qo naʼn Dios tuʼntzun qtzaj tbʼiʼn ex tuʼn qtzaj tkʼiwlaʼn?
In tzaj tkʼiwlaʼn Dios qeju bʼaʼn che nimen
Xnaqʼtzana tiʼj kabʼe kʼiwlabʼil jaku tzaj tkʼamoʼna qa ma nimana te Dios.
¿Tzeʼn in kubʼ qyekʼin qkʼujlabʼil kyiʼj txqantl?
At maj kwest tuʼn tkubʼ qyekʼin qkʼujlabʼil kyiʼj txqantl, noqtzun tuʼnj, jaku bʼant.
In che tzaj tkʼiwlaʼn Dios qeju in che onin kyiʼj txqantl
¿Alkye tten jaku qo onin kyiʼj txqantl ex tuʼn qtzaj tkʼiwlaʼn Dios?
Tzalaja kyiʼj kʼiwlabʼil tzul tqʼoʼn Dios
¿Tzeʼn qanqʼibʼil ktel aj tjapun twi yol xi ttziyen Dios te Abraham (Ibrahim)?
¿Ope ximana kyiʼj xjel lu?
Jyonxa tzaqʼwebʼil kyiʼj xjel nim kyoklen ex tiʼj Dios.