Jaku tzalaja kyiʼj kʼiwlabʼil in tzaj ttziyen Dios
¿Taja tuʼn tanqʼina toj jun lugar jatumel ya miʼn ten nimaq qʼoj ex bʼiybʼil?
¿Taja tuʼn tel qʼiʼn yabʼil, kʼixkʼoj ex kamik?
¿Taja tuʼn miʼn t-xobʼa ex tuʼn miʼn ttzaj bʼaj tkʼuʼja?
¿Taja tuʼn tanqʼina jatumel mlay tzaj xitbʼil tuʼnx twitz txʼotxʼ?
Nya noq jun witzikʼ jlu. Aju Dios kubʼ bʼinchante Txʼotxʼ, at nim tkʼujlabʼil ex o tzaj ttziyen qe tuʼn qanqʼin te jumajx ex toj tzalajbʼil.
Toj uʼj lu ok che tzajel tzaqʼweʼn xjel lu:
¿Kʼujlaʼnpe qoʼ tuʼn Dios?
¿Tiʼ in tzaj t-xnaqʼtzaʼn Tyol Dios qe?
¿Tiʼ kyaj kyqʼamaʼn profeta tiʼjju o tzaj ttziyen Dios kye xjal?
¿Tzeʼn in nonin Dios qiʼj tuʼn qtzalaj jaʼlo ex toj ambʼil tzul?
Tnejel, qo xnaqʼtzan tiʼj junjun yekʼbʼil at tiʼj qa kʼujlaʼn qoʼ tuʼn Dios.
