Kukx in bʼant aju tzʼaqli tuʼn ‹Jwes tibʼaj tkyaqil twitz txʼotxʼ›
«Ate Kolol ik tzaʼn jun pik; tzʼaqlxix qe tbʼinchbʼen, tuj tumelxix tkyaqilju in tbʼinchaʼn» (DEUTERONOMIO 32:4).
BʼITZ: 2 EX 11
1. ¿Alkye tten kubʼ tyekʼun Abrahán qa qʼuqli tkʼuʼj qa in kubʼ tbʼinchaʼn Jehová aju tzʼaqli toj tkyaqil ambʼil? (Qʼonka twitza tiʼj tnejel tilbʼilal).
JUN MAJ, tqʼama Abrahán jlu tiʼj Jehová: «Aya jwes kyibʼaj kykyaqil xjal twitz txʼotxʼ, ¿mlaype tbʼinchaya aju tzʼaqlxix?» (Génesis 18:25). Nya tuʼnju mintiʼ qʼuqbʼil tkʼuʼj Abrahán tiʼj Jehová tej tqʼama qe yol lu. Sino tqʼama jlu tuʼn tkubʼ tyekʼun qʼuqbʼil tkʼuʼj tiʼj Jehová qa toj tumel kxel tbʼinchaʼn tiʼj tnam Sodoma ex Gomorra. Qʼuqlitoq tkʼuʼj tiʼj qa mlaytoq kubʼ t-xiten Jehová «qe xjal tzʼaqlxix junx kyukʼil qe bʼinchal mya bʼaʼn». Mintiʼ kubʼ t-ximen Abrahán jun nya bʼaʼn tiʼj Jehová. Tej tikʼtl mas abʼqʼi, tqʼama Jehová jlu tiʼjx: «Ate Kolol ik tzaʼn jun pik; tzʼaqlxix qe tbʼinchbʼen, tuj tumelxix tkyaqilju in tbʼinchaʼn. Ate Dios axix tok tyol, mintiʼ jun mya bʼaʼn in tbʼinchaʼn; tzʼaqlxix te ex jiqun tiʼj tmod» (Deuteronomio 31:19; 32:4).
2. ¿Tiquʼn mlay tzʼok Jehová te nya tzʼaqli?
2 ¿Tiquʼn qʼuqlitoq tkʼuʼj Abrahán qa toj tkyaqil ambʼil in kubʼ tbʼinchaʼn Jehová aju tzʼaqli? Tuʼnju a Jehová in kubʼ Salmo 33:5).
qʼonte tbʼanel techel tiʼjju tzʼaqli. In xi tbʼinchaʼn kyiʼj tiʼchaq toj tumel tuʼnju tzʼaqli qe tkawbʼil. In tzaj tqʼamaʼn Xjan Uʼj qa «in tzalaj Qman qiʼj qa in qbʼinchaʼn aju tzʼaqlxix ex qa in qo bʼet tuj tumelxix» (3. Qʼamantza alkye junjun tiʼchaq nya tzʼaqli in bʼant twitz Txʼotxʼ toj ambʼil jaʼlo.
3 In kubʼ qnaʼn tzalajbʼil tuʼnju in nel qnikʼ tiʼj qa tzʼaqli Jehová. Noqtzun tuʼnj, at nim tiʼchaq nya tzʼaqli in bʼant twitz Txʼotxʼ. Jun techel, ateʼ junjun xjal o kubʼ qʼoʼn kysentens tuʼn kykyim ex o che okx qʼoʼn toj cárcel tiʼj jun il mintiʼ o bʼant kyuʼn. Aj tel ambʼil, at junjun in che etz tzaqpiʼn tuʼnju mintiʼ jun yekʼbʼil at qa otoq bʼant jun nya bʼaʼn kyuʼn. Aj kyikʼ tiʼchaq ik tzeʼn jlu, at junjun xjal in kubʼ kynaʼn qʼoj ex bʼis tuʼn. Atzun qe okslal, at junjuntl nya bʼaʼn jaku tzaj kyiʼj ex jakulo kubʼ kynaʼn mas bʼis tuʼn jlu. ¿Alkyeqe jlu?
QE NYA BʼAʼN IN CHE TZAJ KYXOL KʼLOJ OKSLAL
4. ¿Tiʼ jaku tzʼok qʼonte toj malbʼil aju qʼuqbʼil tkʼuʼj jun okslal?
4 Ojtzqiʼn kyuʼn okslal qa jaku tzʼok bʼinchaʼn jun nya bʼaʼn kyiʼj kyuʼn xjal nya okslal. Noqtzun tuʼnj, jaku tzʼok qʼuqbʼil qkʼuʼj toj malbʼil qa ma tzʼok bʼinchaʼn jun nya bʼaʼn qiʼj moqa tiʼj juntl tuʼn jun erman. Qa ma bʼaj jlu, ¿alkye qmod kbʼel qyekʼun? ¿Kxelpe qqʼoʼn ambʼil te jlu tuʼn tok te jun tolsabʼil toj qajbʼebʼil te Jehová?
5. ¿Tiquʼn mintiʼ tuʼn qjaw labʼin tiʼj qa ma tzʼok tbʼinchaʼn jun erman jun nya bʼaʼn qiʼj moqa tiʼj juntl?
5 Mintiʼ jun qe tzʼaqli ex qkyaqilx in qo el txalpaj. Tuʼntzunju, jakulo tzʼok tbʼinchaʼn juntl erman jun nya bʼaʼn qiʼj moqa a qoʼ jaku tzʼok bʼinchante jun nya bʼaʼn tiʼj juntl erman (1 Juan 1:8). Nya tkyaqil ambʼil in bʼaj jlu. Noqtzun tuʼnj, qa ma bʼaj jlu mlay che jaw labʼin okslal in che ajbʼen te Jehová tiʼj jlu ex mlay tzʼok te jun tolsabʼil te kye. In tzaj tqʼoʼn Jehová nabʼil qe toj Tyol tuʼntzun kykubʼ qqʼoʼn toj xnaqʼtzbʼil, ex jaku che onin qiʼj tuʼn kukx qajbʼen te qa at jun erman ma tzʼok tbʼinchaʼn jun nya bʼaʼn qiʼj (Salmo 55:12-14).
6, 7. a) ¿Tiʼ nya bʼaʼn ok bʼinchaʼn tiʼj jun erman kyuʼn txqantl? b) ¿Alkyeqe tbʼanel mod onin tiʼj erman?
6 Qo xnaqʼtzan tiʼjju ikʼ tiʼj ermano Willi Diehl. Toj 1931 tzyet tajbʼen tuʼn tkyaqil tkʼuʼj toj Betel te tnam Berna (Suiza). Toj 1946 xiʼ toj Xnaqʼtzbʼil te Galaad atz Nueva York (Estados Unidos). Tej tikʼtl mas ambʼil tetzlen bʼaj t-xnaqʼtzbʼil toj Galaad, tzyet tajbʼen te ansyan in bʼet kyojele Ja te Chmabʼil toj tnam Suiza. Tej tqʼama erman Diehl aju ikʼ toj tanqʼibʼil, tqʼama qa toj mayo te 1949 xi tqʼamaʼn kye erman te ninja qʼil twitz aqʼuntl toj tnam Suiza qa kbʼeltoq mojeʼ. Xi kyqʼamaʼn erman te qa kʼelel qʼiʼntoq tkyaqil tbʼanel oklenj te. Oʼkx jakutoq tzʼok te precursor. «Mintiʼ tzaj qʼoʼn ambʼil weye tuʼn tex nqʼoʼne jun chikʼbʼabʼil» chi. Ex tqʼamatl jlu: «Ateʼ nim mintiʼ e tzaj qʼolbʼen qeye, tuʼnju o ok qʼoʼne kyuʼn ik tzeʼn otoq qo ex lajoʼne toj ttnam Jehová».
7 ¿Alkye tmod ermano Diehl kubʼ tyekʼun? Tuʼnju ojtzqiʼntoq tuʼn tukʼil t-xuʼjil qa nya jun il qa ma che kubʼ mojeʼ ik * (qʼonka twitza tiʼj tqanil). Yajtzun qe, ¿tiʼ kbʼantel quʼn qa ma tzʼok bʼinchaʼn jun nya bʼaʼn qiʼj ik tzeʼn jlu? ¿Ktelpe qpasens ex qo yolpe tuʼn t-xi tbʼinchaʼn Jehová tiʼj nya bʼaʼn? ¿Moqa kʼokel qeʼ qkʼuʼj qiʼjx ex kʼokel tilil quʼn tuʼn t-xi qbʼinchaʼn tiʼj tuʼn qex qximbʼetz? (Proverbios 11:2; kjawil uʼjit Miqueas 7:7).
tzeʼn in tzaj tqʼamaʼn Tyol Dios. Tuʼntzunju xi kyqanin onbʼil toj naʼj Dios te Jehová ex ok qeʼ kykʼuʼj tiʼj. Maske mintiʼ el kynikʼ junjun erman alkye t-ximbʼetz Jehová at tiʼj mejebʼleʼn, tej tbʼet ambʼil el kynikʼ tiʼj ex xi qʼoʼn juntl maj qe toklen ermano Diehl toj ttnam Jehová. Tzaj kʼiwlaʼn tuʼn Jehová tuʼnju kukx ajbʼen teBʼaʼn tuʼn ttzaj qnaʼn qa junxitl jaku tzʼok jun tiʼ toj qwiʼ tuʼnju nya tzʼaqli qoʼ
8. ¿Tiquʼn jaku qo el txalpaj aj tkubʼ qximen qa at jun nya bʼaʼn o tzʼok bʼinchaʼn qiʼj moqa tiʼj juntl?
8 Qa in kubʼ qximen qa o bʼant jun nya bʼaʼn kyxol erman, bʼaʼn tuʼn ttzaj qnaʼn qa at maj jaku qo el txalpaj. Tuʼnju nya tzʼaqli qoʼ, junxitl jaku tzʼok jun tiʼ toj qwiʼ. Ax ikx mintiʼlo o tzʼok qbʼiʼn tkyaqil tqanil tiʼjju otoq bʼaj. Il tiʼj tuʼn qnaʼn Dios te Jehová tiʼjju in bʼaj, maske toj tumel moqa nya toj tumel aju in kubʼ qximen. Nya oʼkxju, il tiʼj tuʼn kukx tok qeʼ qkʼuʼj tiʼj Jehová ex tuʼn kukx qajbʼen te. Iktzun tten mlay tzaj qqʼoj tiʼj Jehová (kjawil uʼjit Proverbios 19:3).
9. ¿Tiʼ kbʼel qxnaqʼtzaʼn toj xnaqʼtzbʼil lu ex toj juntl?
9 Qo xnaqʼtzan tiʼj oxe techel kyiʼj tmajen Dios aju ok bʼinchaʼn nya bʼaʼn kyiʼj toj ambʼil ojtxe. Toj xnaqʼtzbʼil lu, qo xnaqʼtzal tiʼj techel José, aju tbisnieto Abrahán. Kʼelel qnikʼ tiʼj nya bʼaʼn tzaj tiʼj tuʼn kypaj terman. Ex toj juntl xnaqʼtzbʼil qo xnaqʼtzal tiʼjju kubʼ t-ximen Jehová tuʼn tbʼant tuʼn tiʼj aj kawil Acab, ex tiʼjju bʼant tuʼn Pedro tej tten toj Antioquía te Siria. Aj qxnaqʼtzan kyiʼj techel lu, qo ximen tiʼj tzeʼn jaku ten qximbʼetz kyiʼj tiʼchaq ik tzeʼn te Jehová ex alkye tten kukx jaku ten qamiwbʼil tukʼil. Aju xnaqʼtzbʼil lu nim kʼonil qiʼj ex mas qa in kubʼ qximen qa o tzʼok bʼinchaʼn jun nya bʼaʼn qiʼj.
OK BʼINCHAʼN NYA BʼAʼN TIʼJ JOSÉ
10, 11. a) ¿Alkyeqe nya bʼaʼn ikʼx tuʼn José? b) ¿Alkye tten ajbʼen ambʼil tuʼn José tej tyolin tukʼil nejenel kyxol qʼol tkʼaʼ aj kawil?
10 Kukx ajbʼen José te Jehová ex ikʼx nim nya bʼaʼn tuʼn. Noqtzun tuʼnj, aju nya bʼaʼn mas tzaj tbʼis tuʼn, aju ok kybʼinchaʼn qe ttzik tiʼj. Tej qʼiʼntoq 17 abʼqʼi tuʼn, xi elqʼan kyuʼn ttzik ex xi kykʼayin ik tzeʼn jun majen kye junjun xjal, aʼyeju xi qʼinte te toj tnam Egipto (Génesis 37:23-28; 42:21). Tej tpon toj tnam aju, ok qʼoʼn tpaj qa tajtoq tuʼn tkubʼ tviolarin jun xuʼj, ex nya ax tok jlu. Mintiʼ xi qanin junjun xjel te ex okx qʼoʼn toj cárcel (Génesis 39:17-20). Ten José te majen ex toj cárcel junlo 13 abʼqʼi. ¿Alkye tten jaku tzʼonin techel kyaj tqʼoʼn José qiʼj qa ma tzʼok kybʼinchaʼn erman jun nya bʼaʼn qiʼj?
11 Akux attoq José toj cárcel, ax ikx okx qʼoʼn aju nejenel kyxol qʼol tkʼaʼ aj kawil. Toj jun qonikʼen, ok jun twitzikʼ nejenel lu ex tuʼn tonbʼil Jehová xi tchikʼbʼaʼn José te tiʼ t-xilen twitzikʼ. Tqʼama José te nejenel kyxol qʼol tkʼaʼ aj kawil qa kʼeletztoq tzaqpiʼn toj cárcel ex qa ok kmeltzʼajeltoq te tmajen faraón. Noqtzun tuʼnj, ax ikx ajbʼen ambʼil lu tuʼn José tuʼn t-xi tchikʼbʼaʼn aju in bʼajtoq tiʼj te nejenel. Jaku tzʼel qiʼn nim xnaqʼtzbʼil tiʼjju tqʼama José ex tiʼjju mintiʼ tqʼama (Génesis 40:5-13).
12, 13. a) ¿Alkye tten in nel qnikʼ tiʼj qa mintiʼ kubʼ tyoʼn José aju nya bʼaʼn ok bʼinchaʼn tiʼj? b) ¿Tiʼ mintiʼ xi tqʼamaʼn José te nejenel kyxol qʼol tkʼaʼ aj kawil?
12 (Kjawil uʼjit Génesis 40:14, 15). Bʼaʼn tuʼn tok qqʼoʼn qwiʼ tiʼj qa ajbʼen yol ‹elqʼan› tuʼn José tuʼn t-xi tqʼamaʼn aju otoq bʼaj tiʼj. Qʼuqli qkʼuʼj tiʼj qa otoq tzʼok bʼinchaʼn jun nya bʼaʼn tiʼj José. Ax ikx tqʼama José qa mintiʼ otoq kubʼ tbʼinchaʼn aju il otoq qʼamanjtz tiʼj. Tuʼntzunju xi tqʼamaʼn te nejenel kyxol qʼol tkʼaʼ aj kawil tuʼn tyolin tiʼj twitz faraón tuʼn tetz tzaqpiʼn toj cárcel.
13 ¿Jakupe txi qqʼamaʼn qa noq kubʼ tyoʼn José aju nya bʼaʼn tzaj tiʼj ex mintiʼpe Génesis 45:16-20).
jyon onbʼil tiʼj jlu? Mlay. Ojtzqiʼntoq tuʼn José qa otoq tzʼok bʼinchaʼn nya bʼaʼn tiʼj. Tuʼntzunju xi tqʼamaʼn teju nejenel kyxol qʼol tkʼaʼ aj kawil aju otoq bʼaj tiʼj, ex tuʼn jlu ok qeʼ tkʼuʼj qa tzultoq onin tuʼn. Noqtzun tuʼnj, mintiʼ in tzaj tqʼamaʼn Tyol Dios qa ok ten José qʼamalte kye txqantl qa tuʼn kypaj ttzik otoq txi elqʼaʼn. Ax ikx, mintiʼ xi tqʼamaʼn te faraón. Nya oʼkxju, tej kypon terman José toj tnam Egipto ex tej tkyaj nya bʼaʼn toj ttxolil, xi tqʼoʼn faraón jun bʼaʼn kyulen. Ax ikx xi tqʼamaʼn faraón kye tuʼn kykyaj ten toj tnam ex tuʼn kytzalaj «tiʼj tbʼanil wabʼj ktzajel tuj txʼotxʼ» (Mas kxel nya bʼaʼn toj il qa ma qo ok ten yolil nya bʼaʼn kyiʼj txqantl. (Qʼonka twitza tiʼj taqikʼ 14).
14. Qa o tzʼok bʼinchaʼn jun nya bʼaʼn qiʼj, ¿tiʼ kʼonil qiʼj tuʼn miʼn t-xi qqʼamaʼn nya bʼaʼn yol kyiʼj txqantl?
14 Qa at jun nya bʼaʼn o tzʼok bʼinchaʼn qiʼj kyuʼn erman, il tiʼj tuʼn tok qxqʼuqin qibʼ tuʼn miʼn qok ten qʼamalte kye txqantl. Ax tok, qa at jun erman ma kubʼ tbʼinchaʼn jun matij il, il tiʼj tuʼn qyolin kyukʼil ansyan ex tuʼn t-xi qqanin onbʼil kye (Levítico 5:1). Noqtzun tuʼnj, at maj mintiʼ otoq bʼant jun matij il. Kyoj ambʼil lu, jaku txi qbʼinchaʼn tiʼj nya bʼaʼn tukʼil erman ex nya il tiʼj tuʼn qyolin tiʼj kyukʼil txqantl. Axpe ikx, nyalo il tiʼj tuʼn t-xi qqʼamaʼn kye ansyan (kjawil uʼjit Mateo 5:23, 24 ex 18:15). Kukx qo ajbʼen te Jehová ex qqʼonku toj xnaqʼtzbʼil qe nabʼil in tzaj tqʼoʼn Tyol tiʼj jlu. Axpe ikx jaku tzʼel qnikʼ tiʼj qa nya toj tumel aju otoq kubʼ qximen ex qa mintiʼ otoq tzʼok bʼinchaʼn jun nya bʼaʼn qiʼj. Qa ma bʼaj jlu, kbʼel qnaʼn tbʼanel tuʼnju mintiʼ otoq txi mas nya bʼaʼn toj il noq tuʼnju otoq qo yolin nya bʼaʼn tiʼj erman. Qa toj tumel ex qa nya toj tumel aju in kubʼ qximen, mlayx kyaj bʼant tiʼj nya bʼaʼn qa ma txi qqʼamaʼn jun nya bʼaʼn yol tiʼj juntl. Qa kukx in qo ajbʼen te Jehová ex kye erman, kʼonil qiʼj tuʼn miʼn tkubʼ qbʼinchaʼn jun tiʼ nya toj tumel. Tqʼama jun aj tzʼibʼil kyiʼj bʼitz qa «aju xjal in bʼet tuj tumelxix», mintiʼ in najbʼen taqʼ tuʼn tuʼn t-xi tqʼamaʼn jun nya ax tok yol kyiʼj txqantl, nix tuʼn tok tbʼinchaʼn jun nya bʼaʼn kyiʼj (Salmo 15:2, 3; Santiago 3:5).
MAS NIM TOKLEN QAMIWBʼIL TUKʼIL JEHOVÁ
15. ¿Alkye tten onin tiʼj José aju tamiwbʼil attoq tukʼil Jehová?
15 Ax ikx jaku tzʼel qiʼn juntl tbʼanel xnaqʼtzbʼil tiʼj techel kyaj tqʼoʼn José. Kyoj qeju 13 abʼqʼi ok bʼinchaʼn nya bʼaʼn tiʼj, kubʼ tyekʼun qa ten t-ximbʼetz kyiʼj tiʼchaq ik tzeʼn te Jehová (Génesis 45:5-8). Mintiʼ ok tqʼoʼn tpaj Jehová tiʼjju bʼaj tiʼj. Ax tok, mintiʼ ikʼ tnaʼl tuʼn José qeju nya bʼaʼn ok bʼinchaʼn tiʼj, noqtzun tuʼnj mintiʼ tzaj tqʼoj kyuʼn jlu. Ex aju mas nim toklen, mintiʼ xi tqʼoʼn ambʼil tuʼn tel tpan tibʼ tiʼj Jehová tuʼn nya bʼaʼn kybʼinchbʼen txqantl. Tuʼnju kukx ajbʼen José te Jehová, ok tkeʼyin tzeʼn xi tbʼinchaʼn kyiʼj nya bʼaʼn ok bʼinchaʼn tiʼj ex tzeʼn tzaj kʼiwlaʼn tuʼn Jehová ex qe toj tja.
Mintiʼ xi tqʼoʼn José ambʼil tuʼn tel tpan tibʼ tiʼj Jehová tuʼn nya bʼaʼn kybʼinchbʼen txqantl
16. ¿Tiquʼn il tiʼj tuʼn qok laqʼeʼ mas ttxlaj Jehová aj tok bʼinchaʼn jun nya bʼaʼn qiʼj?
16 Ik tzeʼn te José, ax ikx qe il tiʼj tuʼn tok qqʼoʼn toklen qamiwbʼil tukʼil Jehová ex tuʼn tok qxqʼuqin. Miʼn txi qqʼoʼn ambʼil kye nya bʼaʼn kybʼinchbʼen erman tuʼn qel kypan tiʼj Jehová, aju Qdios kʼujlaʼn quʼn ex in qo kʼulin te (Romanos 8:38, 39). Qa ma tzʼok bʼinchaʼn jun nya bʼaʼn qiʼj tuʼn jun erman, bʼaʼn tuʼn tel qkanoʼn techel kyaj tqʼoʼn José ex bʼaʼn tuʼn qok laqʼeʼ mas ttxlaj Jehová. Tzʼok tilil quʼn tuʼn tten qximbʼetz ik tzeʼn te Jehová t-ximbʼetz. Ax ikx bʼaʼn tuʼn kykubʼ qqʼoʼn toj xnaqʼtzbʼil qe nabʼil in tzaj tqʼoʼn Tyol Dios qe aj t-xi qbʼinchaʼn tiʼj jun nya bʼaʼn. Ex yajxitl, bʼaʼn tuʼn tkyaj qqʼoʼn toj tqʼabʼ Jehová. Jaku tzʼok qeʼ qkʼuʼj tiʼj qa kxel tbʼinchaʼn Jehová tiʼj nya bʼaʼn toj ambʼil mas bʼaʼn toj twitz ex ik tzeʼn te tajbʼil.
QEʼK QKʼUʼJ TIʼJJU ‹JWES TIBʼAJ TKYAQIL TWITZ TXʼOTXʼ›
17. ¿Alkye tten jaku kubʼ qyekʼun qa qʼuqli qkʼuʼj tiʼjju Jwes tibʼaj tkyaqil twitz Txʼotxʼ?
17 Akux in qo anqʼin jatumel at nim nya bʼaʼn, jaku tzʼok bʼinchaʼn jun nya bʼaʼn qiʼj. At maj jaku kubʼ qnaʼn qa otoq tzʼok bʼinchaʼn jun nya bʼaʼn qiʼj moqa tiʼj juntl erman. Miʼn tzʼok qqʼoʼn jlu te jun tolsabʼil toj qbʼe (Salmo 119:165). Kukx qo ajbʼen te Jehová, qqaninx onbʼil te ex qeʼk qkʼuʼj tiʼj. Bʼaʼn tuʼn ttzaj qnaʼn qa at maj junxitl jaku tzʼok jun tiʼ toj qwiʼ tuʼnju aj il qoʼ, moqa mintiʼ otoq tzʼok qbʼiʼn tkyaqil tqanil tiʼj. Qkanoʼmil techel tiʼj José ex miʼn qo yolin nya bʼaʼn, tuʼnju mas jaku txi nya bʼaʼn toj il. Ex te mankbʼil, mintiʼ tuʼn tok qeʼ qkʼuʼj qiʼjx sino bʼaʼn tuʼn kukx qajbʼen te Jehová ex tuʼn ten qpasens tuʼn t-xi tbʼinchaʼn tiʼj nya bʼaʼn. Qa ma bʼant jlu quʼn, qo kxel tkʼamoʼn Jehová ex tzul tkʼiwlaʼn qoʼ ik tzeʼn te José. Jaku tzʼok qeʼ qkʼuʼj tiʼj qa toj tkyaqil ambʼil in bʼant aju tzʼaqli tuʼn «jwes kyibʼaj kykyaqil xjal twitz txʼotxʼ», tuʼnju «tuj tumelxix tkyaqilju in tbʼinchaʼn» (Génesis 18:25; Deuteronomio 32:4).
18. ¿Tiʼ qo xnaqʼtzal tiʼj toj juntl xnaqʼtzbʼil?
18 Toj juntl xnaqʼtzbʼil kʼelel qnikʼ kyiʼj juntl kabʼe nya bʼaʼn tzaj toj ttnam Jehová toj ambʼil ojtxe. Kyuʼn qe techel lu kʼelel qnikʼ tiʼj alkye tten jaku tzʼonin aju tuʼn tkubʼ qin qibʼ ex aju tuʼn tkubʼ qnajsaʼn kyil txqantl tuʼntzun tten qximbʼetz ik tzeʼn te Jehová tiʼj alkye tzʼaqli.
^ taqik' 7 Qʼonka twitza tiʼj aju ikʼ toj tanqʼibʼil Willi Diehl, aju tok tbʼi «Jehová es mi Dios, en quien de veras confiaré», aju etz toj uʼj La Atalaya te 1 te noviembre te 1991.