Bʼaʼn tuʼn tkubʼ qyekʼun qʼuqbʼil qkʼuʼj ex qo jyon tiʼjju mas bʼaʼn
«Qeʼxix tkʼuʼj xjal tiʼj Dios ok t-xi tqanin, ex miʼn jawjeʼ tkʼuʼj» (SANTIAGO 1:6).
BʼITZ: 54 EX 42
1. ¿Tiquʼn jaw tjyoʼn Caín aju nya bʼaʼn ex tiʼ tzaj tuʼn jlu?
ILTOQ tiʼj tuʼn tjaw tjyoʼn Caín tiʼ tuʼn tbʼant tuʼn. Jakutoq kubʼ kyiʼj nya bʼaʼn t-ximbʼetz tuʼn, ex tuʼn jlu jaku tzaj tiʼntoq tbʼanel te. Ex jaku txi tqʼoʼn ambʼil tuʼn tkubʼ tiʼj kyuʼn nya bʼaʼn t-ximbʼetz ex tuʼn jlu jaku tzaj tiʼntoq nya bʼaʼn tiʼj. In tzaj tqʼamaʼn Tyol Dios qa jaw tjyoʼn aju nya bʼaʼn. Tuʼntzunju, kubʼ tbʼyoʼn Abel, aju titzʼin, ex xi tnajsaʼn tamiwbʼil tukʼil Jehová, aju Bʼinchal te (Génesis 4:3-16).
2. ¿Tiʼ tbʼanel jaku tzaj tiʼn qe qa ma jaw qjyoʼn aju mas bʼaʼn?
2 Ax ikx qe il tiʼj tuʼn tkubʼ qximen tiʼ kbʼantel quʼn. At junjun tiʼchaq nim kyoklen ex junjuntl nya nim kyoklen. Noqtzun tuʼnj, nim kyxol jlu jaku chʼexpaj jun tiʼ toj qanqʼibʼil kyuʼn. Qa ma jaw qjyoʼn aju mas bʼaʼn, jaku tzʼonin tuʼn miʼn ttzaj nim nya bʼaʼn qiʼj ex jaku qo anqʼin toj tzalajbʼil. Qatzun ma jaw qjyoʼn Proverbios 14:8).
aju nya bʼaʼn, jaku tzaj nim nya bʼaʼn qiʼj ex jaku tzaj qbʼis kyuʼn (3. a) ¿Alqiʼj il tiʼj tuʼn tok qeʼ qkʼuʼj qa qajbʼil tuʼn tjaw qjyoʼn tbʼanel qbʼe? b) ¿Alkyeqe xjel che xeʼl tzaqʼwet toj xnaqʼtzbʼil lu?
3 ¿Tiʼ kʼonil qiʼj tuʼn tjaw qjyoʼn tbʼanel qbʼe? Bʼaʼn tuʼn tten qʼuqbʼil qkʼuʼj tiʼj Jehová ex tuʼn tok qeʼ qkʼuʼj tiʼj qa taj tuʼn tonin qiʼj, ex qa tzul tqʼoʼn qnabʼil. Ax ikx jaku tzʼonin qiʼj qa ma tzʼok qe qkʼuʼj tiʼj Tyol ex kyiʼj nabʼil in tzaj tqʼoʼn qe (kjawil uʼjit Santiago 1:5-8). Qa ma tzʼok tilil quʼn tuʼn tchʼiy qamiwbʼil tukʼil Jehová ex qa ma tzʼok qkʼujlaʼn Tyol, kʼokel qeʼ qkʼuʼj tiʼj qa ojtzqiʼn tuʼn alkye mas tbʼanel te qe. A jlu kʼonil qiʼj tuʼn qjyon onbʼil toj Tyol naʼmxtoq tkubʼ qximen tuʼn tbʼant jun tiʼ quʼn. Noqtzun tuʼnj, ¿alkye tten jaku jaw qjyoʼn aju mas tbʼanel? Ex qa ya o jaw qjyoʼn jun qbʼe, ¿ape t-xilen jlu qa mlay kubʼ qchʼixpuʼn?
QKYAQILX IL TIʼJ TUʼN TKUBʼ QXIMEN TIʼ KBʼANTEL QUʼN
4. ¿Tiʼ bʼant tuʼn Adán ex tiʼ tzaj tuʼnju jaw tjyoʼn?
4 Atxix tej tkubʼ tbʼinchaʼn Jehová tnejel xinaq, Adán, tzaj tzyet tuʼn tjaw kyjyoʼn xjal tiʼ tuʼn tbʼant kyuʼn. Jun techel, iltoq tiʼj tuʼn tjaw tjyoʼn Adán qa tuʼn t-xi tbʼiʼn Jehová ex qa tuʼn t-xi tbʼiʼn tyol Eva. Jaw tjyoʼn Adán tuʼn t-xi tbʼiʼn tyol Eva, tuʼn tpaj Eva jaw tjyoʼn Adán aju nya bʼaʼn. Tuʼn jlu etz tlajoʼn Jehová te toj tbʼanel najbʼil Edén ex yajxitl kyim. Tuʼn tpaj nya bʼaʼn jaw tjyoʼn Adán kukx in che tzaj nya bʼaʼn qiʼj toj ambʼil jaʼlo.
Qa ma txi qqʼoʼn ambʼil kye txqantl tuʼn ttzaj kyqʼamaʼn qe tiʼ kbʼantel quʼn, in xi qqʼoʼn ambʼil kye tuʼn ttzaj kyyekʼun qbʼe
5. ¿Alkye tten jaku tzʼajbʼen qnabʼil o tzaj tqʼoʼn Jehová tuʼn tkubʼ qximen tiʼ kbʼantel quʼn?
5 Ateʼ junjun xjal in kubʼ kyximen qa maslo bʼaʼn qanqʼibʼil noqwit mintiʼ tuʼn tkubʼ qximen tiʼ tuʼn tbʼant quʼn. Yajtzun qe, ¿ikpe qximbʼetz ik tzeʼn kye? Bʼaʼn tuʼn ttzaj qnaʼn qa mintiʼ o qo kubʼ tbʼinchaʼn Jehová ik tzeʼn jun robot, aju mintiʼ in ximen ex mintiʼ in yolin. O tzaj tqʼoʼn Jehová Tyol qe tuʼntzun tonin qiʼj tuʼn tjaw qjyoʼn tbʼanel qbʼe. Nya oʼkxju, ax ikx taj tuʼn tajbʼen qnabʼil quʼn tuʼntzun tkubʼ qximen tiʼ kbʼantel quʼn ex jun oklenj jlu te qe. Qo xnaqʼtzan tiʼj jun techel.
6, 7. a) ¿Tiʼ iltoq tiʼj tuʼn tbʼant kyuʼn aj Israel? (Qʼonka twitza tiʼj tnejel tilbʼilal). b) ¿Tiquʼn kwest ela toj kywitz aj Israel tuʼn tel kynikʼ tiʼj tiʼ tuʼn tbʼant kyuʼn?
6 Tej ya in che anqʼintoq aj Israel toj Txʼotxʼ tzaj Tziyen kye, iltoq tiʼj tuʼn tjaw kyjyoʼn qa tuʼn kykʼulin te Jehová ex qa kye txqantl dios (kjawil uʼjit Josué 24:15). Kubʼlo kyximen qa nya nim toklen jlu. Noqtzun tuʼnj, tuʼn jlu jakutoq che anqʼin moqa jakutoq che kyim. Toj ambʼil tej kykawin qe jwes kyibʼaj aj Israel, kukx jaw kyjyoʼn aju nya bʼaʼn. Ya mintiʼ e kʼulin twitz Jehová ex e ok ten kʼulil kywitz nya ax tok dios (Jueces 2:3, 11-23). Toj tqʼijlalil aj sanjel Elías, iltoq tiʼj tuʼn tkubʼ kyximen qa tuʼn kyajbʼen te Jehová ex qa te Baal (1 Reyes 18:21). Jakulo kubʼ qximen qa nya kwest tuʼn tjaw kyjyoʼn tiʼ tuʼn tbʼant kyuʼn, tuʼnju bʼaʼn quʼn qa mas tbʼanel tuʼn qajbʼen te Jehová. Jun xjal at tnabʼil mlay tzʼajbʼen te jun dios kyimni. Noqtzun tuʼnj, kwest ela toj kywitz aj Israel tuʼn tel kynikʼ tiʼj tiʼ tuʼn tbʼant kyuʼn. Tuʼntzunju, tzaj tqanin Jehová jlu kye: «¿Jtoj txi kykoline tuʼn tten kabʼe kyximbʼetze?». Ten tnabʼil Elías ex onin kyiʼj aj Israel tuʼn kykʼulin te Jehová, aju Dios itzʼ.
7 ¿Tiquʼn kwest ela toj kywitz aj Israel tuʼn tel kynikʼ tiʼj tiʼ tuʼn tbʼant kyuʼn? Tnejel, tuʼnju mintiʼ qʼuqbʼil kykʼuʼj tiʼj Jehová ex nyatoq kyaj tuʼn kynimen te. Mintiʼ ok qeʼ kykʼuʼj tiʼj Jehová ex mintiʼ el kypaʼn ambʼil tuʼn tok kyojtzqiʼn te, ex mintiʼ e xnaqʼtzan kyiʼj tbʼanel nabʼil tkuʼx toj Tyol. Noqwit bʼant jlu kyuʼn, xilo kyxnaqʼtzan kyibʼ tuʼn tjaw kyjyoʼn aju mas bʼaʼn (Salmo 25:12). Tkabʼin, mintiʼ jaw kyjyoʼn aju mas bʼaʼn tuʼnju xi kyqʼoʼn ambʼil tuʼn tten kyximbʼetz ik tzeʼn qe xjal te txqantl tnam. Axpe ikx, xi kyqʼoʼn ambʼil kye xjal tuʼn t-xi kyqʼamaʼn kye tiʼ tuʼn tbʼant kyuʼn. Aju tzaj kyiʼj tuʼn jlu, e ok ten bʼinchalte aju in bʼant kyuʼn txqantl ex e ok ten kʼulil kywitz nya ax tok dios. Ya otoq tzikʼ nim abʼqʼi tej t-xi tqʼamaʼn Jehová kye qa jakutoq bʼaj jlu kyiʼj (Éxodo 23:2).
MIʼN TXI QQʼOʼN AMBʼIL KYE TXQANTL TUʼN TTZAJ KYQʼAMAʼN TIʼ TUʼN TBʼANT QUʼN
8. ¿Tiʼ tbʼanel xnaqʼtzbʼil in tzaj tyekʼun qe aju techel kyaj kyqʼoʼn aj Israel?
8 Aju techel kyaj kyqʼoʼn aj Israel in tzaj tyekʼun qa il tiʼj tuʼn qjyon onbʼil toj Tyol Dios tuʼntzun tkubʼ qbʼinchaʼn aju bʼaʼn. In tzaj tqʼamaʼn Gálatas 6:5 qa teyele te junjun tuʼn t-xi tiqan tex tiqtz. Tuʼntzunju, mintiʼ tuʼn t-xi qqʼoʼn toj kykwent txqantl tuʼn ttzaj kyqʼamaʼn qe tiʼ kbʼantel quʼn. Aju kbʼantel quʼn, kʼelel qnikʼ tiʼj alkye bʼaʼn in tzaj tqʼamaʼn Dios ex kbʼel qbʼinchaʼn.
Kubʼ tchʼixpuʼn Jehová t-ximbʼetz kyiʼj xjal te Nínive tej tok tqʼoʼn twitz tiʼj qa otoq kubʼ kychʼixpuʼn kymod ex qa otoq kyaj kykolin nya bʼaʼn
9. ¿Tiquʼn jaku tzaj nya bʼaʼn qiʼj qa ma txi qqʼoʼn ambʼil kye txqantl tuʼn ttzaj kyqʼamaʼn qe tiʼ kbʼantel quʼn?
9 ¿Tiquʼn jaku kubʼ qbʼinchaʼn aju in tzaj kyqʼamaʼn txqantl? Tuʼnju jaku tzʼok tilil kyuʼn tuʼn ttzaj kyqʼamaʼn qe tiʼ kbʼantel quʼn (Proverbios 1:10, 15). Qa ma txi qqʼoʼn ambʼil kye txqantl tuʼn ttzaj kyqʼamaʼn qe tiʼ kxel qbʼinchaʼn, jaku tzaj nya bʼaʼn qiʼj. O tzaj qʼoʼn ambʼil qe tuʼn t-xi qbʼiʼn aju in tzaj tqʼamaʼn qximbʼetz xnaqʼtzaʼn maj tuʼn Tyol Dios. Tuʼntzunju, qa ma txi qqʼoʼn ambʼil kye txqantl tuʼn ttzaj kyqʼamaʼn qe tiʼ kbʼantel quʼn, in xi qqʼoʼn ambʼil kye tuʼn ttzaj kyyekʼun qbʼe. Ex tuʼn jlu, jaku tzaj tiʼn bʼis toj qanqʼibʼil.
10. ¿Tiʼ xi tqʼamaʼn apóstol Pablo kye okslal te Galacia?
10 Xi tqʼamaʼn apóstol Pablo kye okslal te Galacia tuʼn miʼn t-xi kyqʼoʼn ambʼil tuʼn ttzaj kyqʼamaʼn txqantl tiʼ tuʼn tbʼant kyuʼn (kjawil uʼjit Gálatas 4:17). Ok tilil kyuʼn junjun erman kyxol kʼloj okslal tuʼn t-xi kyqʼamaʼn kye txqantl tiʼ tuʼn tbʼant kyuʼn. Aqe okslal lu oʼkx kyajbʼil tuʼn tkubʼ kybʼinchaʼn erman aju kye xi kyqʼamaʼn, ex nya aju xi kyqʼamaʼn apóstol. Jaw kynimsan kyibʼ ex mintiʼ xi kyqʼoʼn ambʼil kye erman tuʼn tkubʼ kyximen tiʼ tuʼn tbʼant kyuʼn.
11. ¿Alkye tten jaku qo onin kyiʼj txqantl aj tkubʼ kyximen tiʼ kbʼantel kyuʼn?
11 Qkyaqilx jaku tzʼel qiʼn tbʼanel xnaqʼtzbʼil tiʼj techel kyaj tqʼoʼn apóstol Pablo. Xi tqʼoʼn ambʼil kye erman tuʼn tkubʼ kyximen tiʼ tuʼn tbʼant kyuʼn (kjawil uʼjit 2 Corintios 1:24). Toj ambʼil jaʼlo, jaku tzʼel kykanoʼn ansyan tbʼanel techel kyaj tqʼoʼn Pablo aj kyonin tiʼj jun erman taj tuʼn tbʼant jun tiʼ tuʼn. Tuʼn tkyaqil kykʼuʼj in xi kyxnaqʼtzaʼn kye aju in tzaj tqʼamaʼn Tyol Dios. Noqtzun tuʼnj, in ten kynabʼil tuʼn miʼn t-xi kyqʼamaʼn tiʼ tuʼn tbʼant kyuʼn, tuʼnju ojtzqiʼn kyuʼn qa ax erman kʼokel weʼ twitzju ktzajel tiʼj tuʼnju kjawel tjyoʼn. ¿Tiʼ xnaqʼtzbʼil in tzaj tqʼoʼn jlu qe? Qa jaku txi qyekʼun kye erman aju in tzaj tqʼamaʼn Tyol Dios tiʼjju in kubʼ kyximen. Noqtzun tuʼnj, aʼyex che kbʼel ximen tiʼ kbʼantel kyuʼn. Aj tbʼant jlu kyuʼn, kʼonil kyiʼj. Mintiʼ tuʼn tkubʼ qximen qa at qoklen tuʼn t-xi qqʼamaʼn kye txqantl tiʼ kbʼantel kyuʼn.
Tukʼil kʼujlabʼil in che onin ansyan kyiʼj erman tuʼntzun tkubʼ kyximen tiʼ kbʼantel kyuʼn.(Qʼonka twitza tiʼj taqikʼ 11).
MIʼN KUBʼ QBʼINCHAʼN AJU IN TZAJ TQʼAMAʼN QXIMBʼETZ
12, 13. ¿Tiquʼn nya bʼaʼn tuʼn tkubʼ qbʼinchaʼn jun tiʼ qa in qo qʼojin ex qa in qo bʼisun?
12 Toj ambʼil jaʼlo, in xi kyqʼoʼn xjal ambʼil teju in kubʼ kynaʼn aj tkubʼ kybʼinchaʼn jun tiʼ. Noqtzun tuʼnj, jaku tzaj nya bʼaʼn kyiʼj tuʼn jlu. In tzaj tqʼmaʼn Tyol Dios qa mintiʼ tuʼn t-xi qqʼoʼn ambʼil teju in kubʼ qnaʼn ex te qximbʼetz, tuʼnju aj il qo (Proverbios 28:26). Jaku qo kubʼ sbʼuʼn tuʼn qanmi ex jaku tzaj nya bʼaʼn qiʼj tuʼn, tuʼntzunju mintiʼ tuʼn tok qeʼ qkʼuʼj tiʼj (Jeremías 17:9). In yolin Tyol Dios kyiʼj nim xjal ok qeʼ kykʼuʼj tiʼjju kubʼ kynaʼn, ex tzaj nya bʼaʼn kyiʼj tuʼn (1 Reyes 11:9; Jeremías 3:17; 13:10). Qa ikju, ¿tiʼ jaku tzaj qa ma txi qqʼoʼn ambʼil te qanmi aj tjaw qjyoʼn tiʼ kbʼantel quʼn?
13 Nim toklen qanmi tuʼnju in tzaj tqʼamaʼn Mateo 22:37-39). Noqtzun tuʼnj, il tiʼj tuʼn tok qxqʼuqin qibʼ. Aʼyeju taqikʼ Tyol Dios ma qo yolin kyiʼj, in tzaj kyyekʼun qa jaku tzaj nya bʼaʼn qiʼj qa ma txi qqʼoʼn ambʼil tuʼn tkubʼ qbʼinchaʼn jun tiʼ noq tuʼnju in kubʼ qnaʼn ex in kubʼ qximen qa bʼaʼn. Jun techel, nya bʼaʼn tuʼn tjaw qjyoʼn jun tiʼ qa in qo qʼojin (Proverbios 14:17; 29:22). Ex nya bʼaʼn qa ma jaw qjyoʼn jun tiʼ qa in qo bʼisun (Números 32:6-12; Proverbios 24:10). Bʼaʼn tuʼn t-xi qqʼoʼn ambʼil kye tkawbʼil Jehová tuʼn kytzaj kyqʼoʼn tbʼanel qximbʼetz (Romanos 7:25). Tuʼntzunju, aj tkubʼ qximen jun tiʼ nim toklen, miʼn txi qqʼoʼn ambʼil tuʼn tkubʼ qbʼinchaʼn aju in kubʼ qnaʼn.
Xjan Uʼj qa il tiʼj tuʼn tok qkʼujlaʼn Jehová ex qe txqantl tuʼn tkyaqil qanmi (¿ALKYE AMBʼIL KBʼEL QCHʼIXPUʼN JUN TIʼ OTOQ BʼAJ QXIMEN?
14. ¿Tiquʼn ojtzqiʼn quʼn qa bʼaʼn tuʼn tkubʼ qchʼixpuʼn jun tiʼ otoq kubʼ qximen?
14 Qkyaqilx il tiʼj tuʼn tjaw qjyoʼn aju mas bʼaʼn. Maske ikju, aju xjal at tnabʼil ojtzqiʼn tuʼn qa at maj kbʼel t-ximen juntl maj aju taj tuʼn tbʼant tuʼn ex qa il tiʼj tuʼn tkubʼ tchʼixpuʼn. Qo ximen tiʼj tmod Jehová kubʼ tyekʼun kyiʼj xjal te Nínive toj ambʼil tej tten Jonás. In tzaj tqʼamaʼn Tyol Dios jlu: «Tej ttil Dios aju kybʼincha xjal tuj Nínive, tzaʼn tten ok tilil kyuʼn tuʼn tkyaj kykolin kybʼinchbʼen mya bʼaʼn, kubʼ t-ximen Dios tuʼn miʼn tbʼinchante mya bʼaʼn kyiʼj, ex mintiʼ tzaj tqʼoʼn kastiw kyibʼaj, aju otoq tma nej» (Jonás 3:10). Kubʼ tchʼixpuʼn Jehová aju otoq kubʼ t-ximen tej tok tqʼoʼn twitz tiʼj qa kubʼ kychʼixpuʼn xjal te Nínive kymod ex tej tkyaj kykolin nya bʼaʼn. Iktzun tten kubʼ tyekʼun Jehová qa at tnabʼil, qa mintiʼ jaw tnimsan tibʼ ex qa at qʼaqʼbʼil tkʼuʼj. Nya ik tmod Jehová ik tzeʼn qe xjal, tuʼnju tnejel in kubʼ t-ximen tiʼ kbʼantel tuʼn ex mintiʼ in kubʼ tbʼinchaʼn jun tiʼ qa in qʼojin.
15. ¿Toj alkye ambʼil bʼaʼn tuʼn tkubʼ qchʼixpuʼn jun tiʼ otoq bʼaj qximen?
15 At maj il tiʼj tuʼn tkubʼ qximen juntl maj qa bʼaʼn aju qaj tuʼn tbʼant. Jakulo qo ximen tiʼj qa ma chʼexpaj jun tiʼ toj qanqʼibʼil. Bʼaʼn tuʼn ttzaj qnaʼn qa at maj kubʼ tchʼixpuʼn Jehová aju otoq kubʼ t-ximen tuʼn tbʼant tuʼn (1 Reyes 21:20, 21, 27-29; 2 Reyes 20:1-5). Ax ikx jaku kubʼ qchʼixpuʼn aju qaj tuʼn tbʼant quʼn aj ttzaj qʼoʼn jun akʼaj tqanil qe. Qqʼonk qwiʼ tiʼjju bʼant tuʼn aj kawil David. Tej ttzaj qʼoʼn jun nya ax tok tqanil te, kubʼ t-ximen tuʼn tbʼant jun tiʼ tuʼn tukʼil tchman Saúl. Noqtzun tuʼnj, tej tzaj qʼoʼn axix tok tqanil te, kubʼ tchʼixpuʼn aju otoq kubʼ t-ximen (2 Samuel 19:24-29). At maj, ax jlu bʼaʼn tuʼn tbʼant quʼn.
16. a) ¿Alkye nabʼil jaku tzʼonin qiʼj aj tkubʼ qximen tuʼn tbʼant jun tiʼ quʼn? b) ¿Tiquʼn bʼaʼn tuʼn qximen juntl maj tiʼj jun tiʼ qaj tuʼn tbʼant quʼn ex tiʼ kʼokel tilel quʼn tuʼn tbʼant?
16 In tzaj tqʼamaʼn Tyol Dios qa mintiʼ tuʼn tkubʼ qbʼinchaʼn naj jun tiʼ nim toklen (Proverbios 21:5). Il tiʼj tuʼn tel qpaʼn ambʼil tuʼn qximen tiʼj. Iktzun tten kbʼel qbʼinchaʼn aju mas bʼaʼn (1 Tesalonicenses 5:21). Jun techel, il tiʼj tuʼn tel kypaʼn wibʼaj toj ja tuʼn kyjyoʼn onbʼil toj Tyol Dios ex kyoj quʼj naʼmxtoq tkubʼ kybʼinchaʼn jun tiʼ. Ax ikx bʼaʼn tuʼn tok kyqʼoʼn kywiʼ tiʼjju in tzaj kyqʼamaʼn txqantl toj kyja. Bʼaʼn tuʼn ttzaj qnaʼn qa xi tqʼamaʼn Jehová te Abrahán tuʼn t-xi tbʼiʼn tyol t-xuʼjil (Génesis 21:9-12). Ax ikx il tiʼj tuʼn tel kypaʼn ansyan ambʼil tuʼn kyxnaqʼtzan. Aj tkanet jun akʼaj tqanil kyuʼn ex in nel kynikʼ tiʼj qa il tiʼj tuʼn tkubʼ kychʼixpuʼn junjun tiʼ, in kubʼ kybʼinchaʼn ex mintiʼ in che tzaj xobʼ qa mintiʼ in che nimen kye txqantl. Aqeju ansyan at kynabʼil ex mintiʼ in jaw kynimsan kyibʼ, in xi kyqʼoʼn ambʼil tuʼn tkubʼ kychʼixpuʼn kyximbʼetz ex junjun tiʼ otoq kubʼ kyximen. Tbʼanel qa qkyaqilx ma tzʼel qkanoʼn techel in kubʼ kyqʼoʼn, tuʼnju jaku tzʼonin qiʼj tuʼn tten tzalajbʼil qxol ex mujbʼabʼil (Hechos 6:1-4).
BʼAʼN TUʼN TKUBʼ QBʼINCHAʼN AJU IN KUBʼ QXIMEN TUʼN TBʼANT
17. ¿Tiʼ jaku tzʼonin qiʼj tuʼn tkubʼ qbʼinchaʼn aju mas bʼaʼn?
17 At junjun tiʼ in kubʼ qximen tuʼn tbʼant quʼn mas nim kyoklen kywitz txqantl. Jun techel, nim toklen qa ma kubʼ qximen tuʼn qmojeʼ ex alqukʼil qo kbʼel mojeʼ. Ax ikx nim toklen qa ma kubʼ qximen jtoj ktzyetel qajbʼen toj tkyaqil ambʼil te Jehová. Naʼmxtoq kybʼant jlu quʼn, il tiʼj tuʼn tel qpaʼn ambʼil tuʼn qximen kyiʼj ex tuʼn t-xi qqanin onbʼil te Jehová. Kxeʼl tiʼn ambʼil tuʼn qximen tiʼj lu. Noqtzun tuʼnj, qa qajbʼil tuʼn tjaw qjyoʼn aju mas bʼaʼn, il tiʼj tuʼn tok qeʼ qkʼuʼj tiʼj Jehová, tuʼn t-xi qbʼiʼn aju in tzaj tqʼamaʼn qe ex tuʼn qok lepeʼ tiʼjju onbʼil in tzaj tqʼoʼn (Proverbios 1:5). In tzaj tqʼoʼn Jehová qe tbʼanel nabʼil qe toj Tyol, tuʼntzunju nim toklen tuʼn tkubʼ qxnaqʼtzaʼn ex tuʼn t-xi qqanin onbʼil te. Jaku tzaj tqʼoʼn Jehová qnabʼil tuʼntzun tkubʼ qbʼinchaʼn aju mas bʼaʼn ik tzeʼn tajbʼil. Naʼmxtoq tkubʼ qbʼinchaʼn jun tiʼ nim toklen, il tiʼj tuʼn tkubʼ qxjelin jlu: «¿Kbʼelpe nyekʼune tuʼn jlu qa kʼujlaʼn Jehová wuʼne? ¿Kʼonilpe kyiʼj toj njaye tuʼn kytzalaj ex tuʼn tten mujbʼabʼil kyxol? Ex ¿kbʼelpe tyekʼun qa at npasense ex nkʼujlabʼile?».
18. ¿Tiquʼn taj Jehová tuʼn awoʼx tuʼn qximen tiʼj tiʼ kbʼantel quʼn?
18 Mintiʼ in qo ok t-obligarin Jehová tuʼn tok qkʼujlaʼn te ex tuʼn qajbʼen te. O tzaj tqʼoʼn ambʼil qe tuʼn tkubʼ qximen qa qo ajbʼel te moqa miʼn, ex in nok tqʼoʼn toklen aju ambʼil o tzaj tqʼoʼn qe (Josué 24:15; Eclesiastés 5:4). Maske ikju, taj Jehová tuʼn tkubʼ qbʼinchaʼn aju in kubʼ qximen ex tuʼn qok lepeʼ tiʼjju in tzaj tqʼamaʼn Tyol. Qa ma tzʼok qeʼ qkʼuʼj tiʼj Jehová ex qa ma txi qbʼiʼn qeju kawbʼil in tzaj tqʼoʼn qe, kjawil qjyoʼn aju mas bʼaʼn. Nya oʼkxju, ax ikx kbʼel qyekʼun qa tuʼn tkyaqil qkʼuʼj kbʼel qbʼinchaʼn jun tiʼ ex kukx kʼokel tilil quʼn tuʼn tbʼant aju in kubʼ qximen (Santiago 1:5-8; 4:8).