Junjun nabʼil tuʼn qxnaqʼtzan
Qe xnaqʼtzbʼil jaku bʼant kyuʼn kʼwal
O txi qʼoʼn responsabilidad kye mambʼaj tuʼn t-xi kyqʼoʼn xnaqʼtzbʼil kye kykʼwal (Efes. 6:4). Tuʼn tbʼant jlu kyuʼn, o kubʼ tbʼinchaʼn ttnam Jehová nim xnaqʼtzbʼil jaku tzʼonin kyiʼj. ¿Tzeʼn jaku tzʼajbʼen kyuʼn mambʼaj?
Bʼaʼn tuʼn kyjyon tqanil. Toj jw.org, jaku kanet nim xnaqʼtzbʼil kyuʼn mambʼaj o che kubʼ bʼinchaʼn kye kʼwal ex kye kuʼxun ik tzeʼn qe video ex qe hoja de ejercicio. a Tuʼn kykanet xnaqʼtzbʼil lu tuʼna, jaku tzʼokxa jatumel in tzaj tqʼamaʼn «Qe xnaqʼtzbʼil toj Tyol Dios» ex «Kye kʼwal» moqa «Kye kuʼxun».
Jyonxa xnaqʼtzbʼil mas tbʼanel. Toj parte jatumel in tzaj tqʼamaʼn «Kye kuʼxun», jaku jaw tjyoʼna xnaqʼtzbʼil mas jaku tzʼonin tiʼj tkʼwala. Jun techel, jaku txiʼya jatumel in tzaj tqʼamaʼn «Pizarrón at tilbʼilal twitz».
Yolina tiʼj xnaqʼtzbʼil tukʼil tkʼwala. Miʼn che ajbʼen video ex qe xnaqʼtzbʼil tuʼna noq oʼkx tuʼn miʼn kymolestarin tkʼwala. Sino xnaqʼtzana kyukʼil ex tzʼonina kyiʼj tuʼn kyok te tamiw Jehová.
a Jaku che kanet kykyaqil video o che kubʼ bʼinchaʼn kye kʼwal ex kye kuʼxun tuʼna toj aplicación JW Library®. Noqtzun tuʼnj, naʼmx kykubʼ qʼoʼn kykyaqil hoja de ejercicio.
