In tzaj tqʼamaʼn Biblia jlu tiʼj Jehová: «Mlay kubʼ t-xkʼayin tuʼn ttzaj tqʼoʼn aju bʼaʼn kye qeju in che bʼet tuj tumelxix» (Salmo 84:11). ¿Tiʼtzun t-xilen tuʼn qbʼet «tuj tumelxix»? A t-xilen tuʼn tok tilil quʼn tuʼn tjapun twi qyol xi qtziyen te Jehová tej naʼmxtoq qbautisarin ex tuʼn tkubʼ qyekʼin jlu tukʼil qbʼinchbʼen (Eclesiastés 5:4, 5). Tiʼ jaku bʼant tuʼna tuʼn kukx tbʼeta toj tumelxix otoqxi bautisarina?

Toj xnaqʼtzbʼil lu, kʼelel qnikʼ tiʼj jlu:

•  Kukx qʼonka tilil tuʼn texa kywitz nya bʼaʼn

•  Qʼonka tilil tuʼn miʼn tkubʼ tiʼja kyuʼn nya bʼaʼn

•  Bʼaʼn tuʼn tkubʼ tyekʼina qa kukx in tzalaja

 Texto nim toklen: «Ilxix tiʼj tuʼn ttzaj nim yajbʼil qe, tuʼntzun qokx tuj tkawbʼil Dios» (Hechos 14:22).

 Aju t-xilen: Kykyaqilx tmajen Jehová che okel weʼ twitz nya bʼaʼn. Kyxol qe nya bʼaʼn in che ok weʼ twitz, at ikʼbʼil ex in che xmayin txqantl kyiʼj. Ax ikx, jaku tzaj junjuntl nya bʼaʼn kyiʼj ik tzeʼn kye txqantl xjal, ik tzeʼn jun yabʼil moqa mintiʼ in kanin kypwaq.

 Aju jaku bʼaj: At maj jaku tzul jun chʼixpubʼil toj tanqʼibʼila ex nya bʼaʼn jaku tzʼela toj twitza. In tzaj tqʼamaʼn Tyol Dios qa jaku tzaj nya bʼaʼn tiʼj alkyexku xjal, qa okslal moqa nya okslal (Eclesiastés 9:12).

 Aju jaku bʼant tuʼna: Ya ma tzʼel tnikʼa tiʼj qa jaku tzʼok weʼya twitz nya bʼaʼn, tuʼntzunju, jaku kubʼ tbʼinchaʼn ttena. Bʼaʼn tuʼn tkubʼ t-ximana qa jaku che onin nya bʼaʼn lu tiʼja tuʼn tok qeʼ mas tkʼuʼja tiʼj Jehová (Santiago 1:2, 3). Aj tbʼet ambʼil, jaku txi tqʼamaʼna aʼyex yol ik tzeʼn te apóstol Pablo: «Tkyaqil tiʼchaq in nikʼx wuʼne noq tuʼn wipumale in tzaj tqʼoʼn aju qʼolte ipumalj» (Filipenses 4:13, La Biblia. Traducción del Nuevo Mundo).

 Nabʼil: Bʼaʼn tuʼn tok tojtzqiʼna tanqʼibʼil José. Jaku jaw tuʼjina aju bʼaj tiʼj kyoj capítulo 37 ex 39 a 41 toj uʼj te Génesis. Ok weʼ José kywitz junjun nya bʼaʼn mintiʼ ximen tuʼn. Xjelinkuya jlu: «¿Alkyeqe nya bʼaʼn ok weʼ twitz? ¿Tiʼ bʼant tuʼn? ¿Ex tzeʼn onin Jehová tiʼj?».

 ¿Taja mas onbʼil?

•   Uʼjinktza qe xnaqʼtzbʼil lu:

   «¿Qué puedo hacer si sufro una desgracia?».

   «¿Me considero una persona resiliente?».

   «Cómo adaptarse a los cambios».

•   Jaku kutz tdescargarina xnaqʼtzbʼil lu:

   «Cuando uno de tus padres está enfermo».

 Texto nim toklen: «Teyle junjun nnoʼk tuj joybʼil tiʼj, ax tnabʼl in xmoxin te tuʼn tpon tkʼuʼj tiʼj ju mya bʼaʼn, ax tnabʼl in sbʼunte te» (Santiago 1:14).

 Aju t-xilen: Qkyaqilx o ten jun qxim aju o tzʼok te jun prueba te qe. Qa mintiʼ ma tzʼok qxqʼuqin qibʼ, jaku kubʼ qbʼinchaʼn jun nya bʼaʼn.

 Aju jaku bʼaj: Tej otoqxi bautisarina, kukx kʼokel t-xqʼuqin tibʼa tiʼjju tajbʼil tchibʼjala (2 Pedro 2:18). Atlo maj, jaku kubʼ t-ximana tuʼn tkubʼ tena tukʼil jun xjal ex naʼmx tkubʼ mojeʼya tukʼil.

 Aju jaku bʼant tuʼna: Bʼaʼn tuʼn tkubʼ t-ximana tiʼ kxel tbʼinchaʼna jaʼlo naʼmxtoq tok weʼya twitz jun prueba tuʼntzun miʼn txi tbʼinchaʼna jun nya bʼaʼn. Bʼaʼn tuʼn ttzaj tnaʼna aju tqʼama Jesús: «Mi jun xjal jaku bʼant tuʼn tajbʼen te kabʼe patrón» (Mateo 6:24). Teyele junjun qe kbʼel t-ximen alkye kʼokel te tpatrón. Noqtzun tuʼnj, bʼaʼn tuʼn tjaw tskʼoʼna tuʼn tok Jehová te tpatróna. Maske kukx jaku tzul jun nya bʼaʼn ximbʼetz toj twiʼya, jaku kubʼ t-ximana tuʼn miʼn tkubʼ tiʼja tuʼn (Gálatas 5:16).

 Nabʼil: Bʼaʼn tuʼn tel tnikʼa tiʼj alkyeqe tiʼchaq kwest in nela toj twitza ex alkyeqe nya. Jyonxa qe tamiwa jaku che onin tiʼja tuʼn kyten tbʼanel tmoda. Ex miʼn txiʼya kyoj lugar ex kyukʼil xjal mlay che onin tiʼja tuʼn tkubʼ tbʼinchaʼna bʼaʼn (Salmo 26:4, 5).

 ¿Taja mas onbʼil?

•   Uʼjinktza qe xnaqʼtzbʼil lu:

   «¿Qué puedo hacer para resistir las tentaciones?».

   «¿Cómo puedo dejar de pensar en el sexo?».

   «Cómo resistir la presión de tus compañeros».

   «¿Ikpe qximbʼetz ik tzeʼn te Jehová?».

 Texto nim toklen: «Teyle junjun kyeye kukx tuʼn tok tilil kyuʼne tuʼntzun tqeʼxix kykʼuʼje tiʼj ju in che ayone tiʼj. Miʼn waje tuʼn kyoke kyʼaj» (Hebreos 6:11, 12).

 Aju t-xilen: Qa mintiʼ in nok tqʼoʼn jun xjal twiʼ tiʼjju in xi tbʼinchaʼn, ya mlay tzʼok tilil tuʼn ex jaku tzʼok te kyʼaj.

 Aju jaku bʼaj: Kubʼlo tnaʼna nim tzalajbʼil tej tbautisarina ex chʼiy mas tkʼujlabʼila tiʼj Jehová. Pero aj tikʼ ambʼil, atlo maj kwest jaku tzʼela toj twitza tuʼn kukx tnimana te Jehová toj tkyaqil. Tuʼn jlu jaku tzaj bʼaj tkʼuʼja ex aj tikʼ ambʼil, ya mlay tzalaja (Gálatas 5:7).

 Aju jaku bʼant tuʼna: Kukx bʼinchama aju bʼaʼn maske at maj kwest jaku tzʼela toj twitza (1 Corintios 9:27). Noqtzun tuʼnj, kukx qʼonka tilil tuʼn kukx tok laqʼeʼya ttxlaj Jehová. ¿Tzeʼn jaku bʼant jlu tuʼna? Bʼaʼn tuʼn tnaʼna Dios ex tuʼn tel tpaʼna ambʼil tuʼn tok tojtzqiʼna. Ax ikx, bʼaʼn tuʼn t-xi tjyoʼna qe tamiwa in che tzalaj tuʼn kyajbʼen te Jehová.

 Nabʼil: Bʼaʼn tuʼn ttzaj tnaʼna qa kʼujlaʼna tuʼn Jehová ex qa taj tuʼn tonin tiʼja. Miʼn kubʼ t-ximana qa in qʼojin Jehová tiʼja noq tuʼnju ya mintiʼxix in tzalaja. In tzaj tqʼamaʼn Biblia jlu: «In tzaj tqʼoʼn tipun aju xjal sikni, ex aju mintiʼ tipun in tzaj tqʼoʼn txqantl tipun» (Isaías 40:29). Aj tikʼ ambʼil, tzul tkʼiwlaʼn Jehová tkyaqilju in bʼant tuʼna tuʼn ttzalaja juntl maj.

 ¿Taja mas onbʼil?

•   Uʼjinktza qe xnaqʼtzbʼil lu:

   «Aqeye kuʼxun, ‹japunx kyuʼne aju in tmaʼn kolbʼil kyeye›».

   «¿Y si no me atrae la idea de ser testigo de Jehová?».

•   Qʼonka twitza tiʼj video:

   Aju in tzaj kyqʼamaʼn junjuntl kuʼxun: Mintiʼ juntl anqʼibʼil mas tbʼanel.

 Toj chʼin yol: Qa kukx ma bʼeta toj tumelxix, ktzalajel tanmi Jehová tuʼna (Proverbios 27:11). ¿Tiquʼn? Tuʼnju ma jaw tjyoʼna tuʼn kukx tajbʼena te ex ktzajel tqʼoʼn tipumala tuʼn miʼn tkubʼ tiʼja tuʼn Tajaw il.