In najbʼen tqan Qʼij kyuʼn mariposa tuʼntzun tmeqʼt kyxmilal naʼmxtoq kyikʼ lipen. Pero qa at muj twitz kyaʼj, jaku txi tzyet tuʼn tlipen mariposa blanca de la col ex mintiʼ in bʼant jlu kyuʼn txqantl mariposa. ¿Tzeʼn in bʼant jlu tuʼn mariposa blanca?

 Ximana tiʼj jlu: Naʼmxtoq kyikʼ lipen mariposa, in che kubʼ ten toj tqan Qʼij ex ateʼ junjun mintiʼ in xi kylikʼen kyxikʼ, atzun junjuntl, in xi kylikʼen. Atzunte mariposa blanca de la col, aj in kubʼ ten toj tqan Qʼij, in che jaw tiʼn qe t-xikʼ ik tzeʼn jun letra «V» ex atlo jun 17 grados kyxol. In tzaj kyqʼamaʼn xjal at kyojtzqibʼil qa tuʼn jlu mas in che meqʼt. Tuʼn jlu, in pon tqan Qʼij tiʼj kytórax ex jun rat in che meqʼt tuʼntzun kyjaw lipen.

 E jyon jun kʼloj aj xnaqʼtzal te Universidad de Exeter te tnam Inglaterra, tqanil tiʼj tzeʼn tuʼn kyok panel solar te mas tbʼanel. Ex kubʼ kyximen tuʼn tel kykanoʼn tiʼj mariposa blanca de la col. ¿Tiquʼn? Tuʼnju in chex tlikʼen t-xikʼ ik tzeʼn jun letra «V». Tej tbʼant jlu kyuʼn aj xnaqʼtzal, el kynikʼ tiʼj qa e meqʼt qe panel solar junlo 50% mas.

 Ax ikx el kynikʼ kʼloj xjal lu tiʼj qa at nim tipumal ttxaʼn t-xikʼ mariposa lu tuʼn tel qoptzʼaj tqan Qʼij tiʼj. Tej tel kykanoʼn xjal lu tiʼjju tzeʼn bʼinchabʼin kye t-xikʼ mariposa blanca de la col ex tiʼjju tzeʼn in lipen ik tzeʼn letra «V», mas tbʼanel o che bʼant panel solar kyuʼn ex nyaxix al qe. Tqʼama aj xnaqʼtzal Richard ffrench-Constant, jun kyxol qeju e xnaqʼtzan kyiʼj txkup lu, qa bʼinchan maj qe mariposa blanca de la col tuʼn kychmon tiʼj tqan Qʼij moqa tuʼn t-xi kyjukʼuʼn.

 What do you think? Is the cabbage white butterfly’s V-shaped pose the product ¿Tzeʼn teya toj twitz? Aj tkubʼ ten mariposa blanca de la col ik tzeʼn jun letra «V», ¿jakupe tzaj tqʼamaʼna qa at jun Bʼinchal kye moqa mintiʼ?