Albert Wright/iStock via Getty Images
¿ATPE JUN BʼINCHAL KYE MOQA MINTIʼ?
Tja faisán te australia
Toj sur te tnam te Australia in nanqʼin jun pájaro faisán tbʼi moqa talégalo leipoa. In ten junlo 34 grado kyaq toj tpaqbʼil pájaro lu ex noq kabʼe moqa oxe grado in chʼexpaj te kyaq moqa te cheʼw. ¿Tiʼ in bʼant tuʼn pájaro lu tuʼn tten kyaq toj tpaqbʼil qʼijtl ex qonikʼan toj tkyaqil abʼqʼi?
Aj tetz jbʼal, in kubʼ kybʼinchaʼn pájaro Faisán kypaqbʼil toj arena telo jun metro t-xeʼ ex oxe metro toj. Yajxitl aju tman pájaro in kux tiʼn kʼul, t-xaq tzeʼ ex txqantl tiʼchaq toj jul, tuʼn tok te tpaqbʼil. Aj tikʼ ambʼil te jbʼal in tzqij kʼul aju otoq bʼaj tchmoʼn tman pájaro Faisán ex in nok tilil tuʼn, tuʼn tbʼant juntl jul tuʼn toj axju jul. Aj tikʼ ambʼil in kubʼ tzqij kʼul ex tuʼn jlu in ten kyaq tjunalx toj kypaqbʼil.
Tuʼn kymeq’te jos (A), Aju pájaro faisán te Australia in najbʼen tqan qʼij tu’n ex aju kyaq in jaw t-xol kʼul (B). Tuʼn kymeqʼte jos il tiʼj tuʼn tten 34 °C (93 °F), kyoj junjun xjaw il tiʼj tuʼn tokx tnojsaʼn tman faisán tja tukʼil arena (C). In bʼant jlu tuʼn aj tok ten leʼl tukʼe tqan moqa aj tok ten lukul arena (D).
Aj tpon ambʼil tuʼn tkubʼ tqʼoʼn ttxuʼ pájaro tjos, in aqʼunan tman pájaro tuʼn tjatz tlukuʼn arena tuʼntzun tkub’ tq’o’n txu pájaro tjos toj jul otoq b’ant. Aj tbʼant jlu tuʼn, jun rat in kux tmaquʼn juntl maj jul tuʼn arena. Jaku kubʼ junlo 35 tjos ttxuʼ pájaro kyoj t-xjawil septiembre tuʼn tpon bʼaj toj febrero jatumel mintiʼxix jbʼal. a
In najbʼen twi kytziʼ qe pájaro faisan kyuʼn tuʼn tel kynikʼ tiʼj jniʼ tipumal kyaq moqa cheʼw at toj arena, ex iktzun tten in xi kybʼinchaʼn junjun chʼixpubʼil toj kyja. Ik tzeʼn:
Toj amb’il aj kytzaj xulin tzeʼ ex aj tkubʼ tzqij kʼul toj tpaqbʼil pájaro faisán, in ten mas kyaq toj tpaqbʼil. Tuʼntzunju, in nel tiʼn tman pájaro chʼin arena tkubʼ tibʼaj kyjul tuʼntzun tchewix chʼin ex in kubʼ tjupuntl juntl maj tuʼn cheʼw arena.
Aj t-xi’ qʼijel, in jax tqʼoʼn tman pájaro mas arena tibʼaj kypaqbʼil tuʼntzun miʼn kytzʼey jos tuʼn qʼij. Pero tkyaqil qʼij aj qsqix, in nel tiʼn tman pájaro chʼin arena, in kubʼ tyoʼn tuʼn tchewix kypaqbʼil ex in kubʼ tqʼoʼntl arena cheʼw tibʼaj.
Aj tel bʼaj kyxaq tzeʼ ex aj tkubʼ tzqij tkyaqil kʼul, in nel tiʼn tman pájaro chʼixmi tkyaqil arena kyibʼaj jos tuʼntzun kymeqʼte jos ex arena tuʼn qʼij. Yajxitl, in kux tmaquʼntl tpaqbʼil tuʼn arena otoq meqʼte tuʼntzun miʼn kychewix jos te qonikʼen.
Jweʼlo or in nok ten tman pájaro lukul 1,874 libra arena tkyaqil qʼij. Tbʼanel aju in bʼant tuʼn tman pájaro lu tuʼnju in nonin tuʼn tten arena te bʼunin. Iktzun tten nya kwest tuʼn kyjatz kyal toj arena aj kyetz toj kyxkʼomil.
Keʼyinka jun pájaro faisán in lukun arena toj tja.
¿Tiʼ t-xima tiʼj? ¿Noqpe minabʼen in bʼant aqʼuntl tuʼn pájaro faisán te Australia tuʼn tok tpaqbʼil te kyaq moqa te cheʼw? ¿Atpe jun bʼinchal kye moqa mintiʼ?
a In lo xe ti’n siete moqa ocho semana tu’n kyjaw tal pájaro toj jos, tuʼntzunju il tiʼj tuʼn taqʼunan tman pájaro tuʼn t-xqʼuqin tiʼj tja.
Bʼalo ax ikx tgana jlu
¿ATPE JUN BʼINCHAL KYE MOQA MINTIʼ?
Aju t-xikʼ tukru
Aju alkye tten bʼinchaʼn t-xikʼ tukru jaku tzʼonin kyiʼj científico tuʼntzun kybʼant junjun ventilador kyuʼn aqeju mintiʼ in che qʼajt.
QE XNAQʼTZBʼIL TOJ TYOL DIOS
¿Atpe jun kubʼ bʼinchante kyaʼj ex Txʼotxʼ?
In kubʼ kyximen nim xjal qa nya ax tok aju in tzaj tqʼamaʼn Biblia tiʼj tbʼinchbʼen Dios ex qa noq jun txʼolbʼabʼil. ¿Axpe tok aju in tzaj tqʼamaʼn Biblia tiʼj jlu?