¿Jakupe kanet qʼuqbʼil nkʼuʼje toj Biblia?
Aju tzaqʼwebʼil in tzaj tqʼoʼn Tyol Dios
Jaku (Romanos 15:4). Toj ambʼil jaʼlo, ateʼ nim xjal in che ok weʼ twitz nim nya bʼaʼn ex in kubʼ kyximen junjun tiʼchaq nya toj tumel. Pero o kanet qʼuqbʼil kykʼuʼj toj Biblia.
Toj xnaqʼtzbʼil lu, kʼelel qnikʼ kyiʼj junjun texto ex jaku che onin tiʼja toj ambʼil lu:
Aj tok weʼya kywitz problem
Salmo 23:4: «Maske ma chin bʼete kyxol qe witz qloljxix wen, mlay chin xobʼe teju mya bʼaʼn, tuʼnju ata wukʼile Nman».
¿Tiʼ t-xilen jlu?: Qa ma naʼna Dios ex qa ma jyona onbʼil toj Biblia, kʼonil tiʼja tuʼn tten tipumala tuʼn texa kywitz problem.
Filipenses 4:13, Traducción de Nuevo Mundo: «Tkyaqil tiʼchaq in nikʼx wuʼne noq tuʼn wipumale in tzaj tqʼoʼn aju qʼolte ipumalj».
¿Tiʼ t-xilen jlu?: Jaku tzaj tqʼoʼn Dios tipumala tuʼn texa twitz alkyexku problem.
Aj tkyim jun xjal kʼujlaʼn tuʼna
Eclesiastés 9:10: «Ok tpona ma tuj kynajbʼil kyimni, mi jun tiʼxti kbʼantel tuʼna ex mintiʼ jun tuʼn t-ximana tiʼj, porke ma chixin mintiʼ nabʼl ex mintiʼ ojtzqibʼl at».
¿Tiʼ t-xilen jlu?: Mintiʼ jun tiʼ in kynaʼn xjal o che kyim, tuʼntzunju, nya toj kʼixkʼoj ateʼ ex mlay tzʼok kybʼinchaʼn nya bʼaʼn qiʼj.
Hechos 24:15: «Ok che jawil anqʼin qe kyimni».
¿Tiʼ t-xilen jlu?: Qa o kyim jun xjal kʼujlaʼn quʼn, jaku txi tqʼoʼn Dios tchwinqlal juntl maj.
Aj tkubʼ tnaʼna qa mintiʼ in kubʼ najsaʼn tila
Salmo 86:5: «Porke bʼaʼna Nman ex in kubʼ tnajsaʼna kyil xjal; nimxix tkʼujlalila kyiʼj qeju in che kubʼsan kywitz teya».
¿Tiʼ t-xilen jlu?: Taj Dios tuʼn tkubʼ tnajsaʼn kyil qeju ax tok in najtz tiʼj kyanmi ex in kubʼ kyximen tuʼn miʼn tkubʼ kybʼinchaʼn ax il juntl maj.
Salmo 103:12: «Ik tzaʼn tjawitz qʼij ex telex qʼij najchaq kyxol, ax ikxtzun qe qil najchaq ma tzʼel tlaqʼbʼaʼn Dios qiʼj».
¿Tiʼ t-xilen jlu?: Aj in kubʼ tnajsaʼn Jehová qil, mintiʼ in tzaj tnaʼn jun ex juntl maj tuʼntzun tkubʼ tqʼoʼn qkastiw. Najchaq in che el tlaqʼbʼaʼn, mas najchaq ik tzeʼn jaku kubʼ qximen.
Aj ttzaj tbʼisa
Salmo 31:7: «Ma tila qe nbʼise, ojtzqiʼn tuʼna aju kʼixkʼoj in tzaj wiʼje».
¿Tiʼ t-xilen jlu?: Ojtzqiʼn tuʼn Dios tkyaqil nya bʼaʼn in nok weʼya twitz. In nel tnikʼ tiʼj tkyaqilju in kubʼ tnaʼna maske mintiʼ in nel kynikʼ txqantl tiʼja.
Salmo 34:18: «Niqayin taʼ Qman tuʼn kyklet qe xjal ma tzʼok taʼw bʼis tiʼj kykʼuʼj ex mintiʼtl jatum tuʼn tok qeʼ kykʼuʼj».
¿Tiʼ t-xilen jlu?: In tzaj ttziyen Dios qa ktel tukʼila aj tkubʼ tnaʼna bʼis. Jaku tzaj tqʼoʼn tipumala tuʼn tikʼx bʼis tuʼna.
Aj ttzaj yabʼil tiʼja
Salmo 41:3: «Kxel tqʼoʼn Qman tipun ok ttzaj yabʼil tiʼj».
¿Tiʼ t-xilen jlu?: Jaku tzʼonin Dios tiʼja tuʼn texa twitz jun yabʼil aj tten t-ximbʼetza toj tumel, aj ttzaj tqʼoʼn tipumala tuʼn tikʼx tuʼna ex aj ttzaj tqʼoʼn tnabʼila tuʼn tel tnikʼa tiʼj alkye mas bʼaʼn.
Isaías 33:24: «Mi jun xjal najl tuj tnam ok tmaʼ kyjaʼ: Yabʼ qine».
¿Tiʼ t-xilen jlu?: In tzaj ttziyen Dios qa kpol ambʼil jatumel kʼelel tiʼn yabʼil kyiʼj xjal tzalu twitz Txʼotxʼ.
Aj ttzaj bʼaj tkʼuʼja ex aj ttzaj estrés tiʼja
Salmo 94:19: «Ok in tzaj nximbʼetze ex in bʼaj nkʼuʼje, in tzaj tqʼuqbʼaʼna nkʼuʼje ex in tzaj tqʼoʼna tzalajbʼil».
¿Tiʼ t-xilen jlu?: Qa ma jyona onbʼil tukʼil Dios aj ttzaj estrés tiʼja, kʼonil tiʼja tuʼn tchewix tanmiya.
1 Pedro 5:7: «Tkyaqilju in bʼaj kykʼuʼje tiʼj, kyqʼonxe tuj tkwent Dios, porke ate Dios kwentil kyeye».
¿Tiʼ t-xilen jlu?: In ximen Dios tiʼj tkyaqilju in bʼaj qiʼj, tuʼntzunju, taj tuʼn t-xi qqʼamaʼn te tkyaqilju in bʼaj qkʼuʼj tiʼj.
Aj ttzaj qʼoj
Salmo 46:9: «Ma weʼ tkyaqil qʼoj tuʼn tuj tkyaqil twitz txʼotxʼ».
¿Tiʼ t-xilen jlu?: Toj chʼintl ambʼil, kbʼel tnajsaʼn Tkawbʼil Dios tkyaqil qʼoj.
Salmo 37:11, 29: «Atzun qe xjal mans che okel etzal teju txʼotxʼ, ex puro tuj txubʼtxaj che tel». «Qe xjal bʼaʼn ok che etzal tiʼj ju txʼotxʼ, ex ax che tel tuj te jumajx».
¿Tiʼ t-xilen jlu?: Ktel mujbʼabʼil kyxol tbʼanel xjal tzalu twitz Txʼotxʼ ex che anqʼil te jumajx.
Aj ttzaj bʼaj tkʼuʼja tiʼj ambʼil tzul
Jeremías 29:11: «Bʼaʼn wuʼne alkye nximbʼetze kyiʼje; ximan wuʼne tuʼn nbʼinchanteye bʼaʼn kyiʼje ex mya tuʼn nbʼinchanteye mya bʼaʼn. In xi nmaʼne jlu tuʼntzun tqeʼ kykʼuʼje tiʼj oybʼil, ex mas bʼaʼn che tele te yajxitl».
¿Tiʼ t-xilen jlu?: In tzaj ttziyen Dios kye tmajen qa ktel tbʼanel kyanqʼibʼil toj ambʼil tzul.
Apocalipsis 21:4: «Kʼelel t-suʼn Dios taʼl kywitz kykyaqil; ex mintiʼtl kamik, ex mintiʼtl bʼis, ex mintiʼtl oqʼel, ex mintiʼtl kʼixkʼoj; porke aqeju at tnejel ma che naj».
¿Tiʼ t-xilen jlu?: In tzaj ttziyen Dios qa kʼelel tiʼn tkyaqil nya bʼaʼn in bʼaj toj ambʼil jaʼlo.
Bʼalo ax ikx tgana jlu
AJU XQʼUQIL
¿Tzeʼn jaku tzaj tbʼanel teya tuʼn tkʼujlabʼil Dios?
In chʼiy qʼuqbʼil qkʼuʼj kyiʼj ttziybʼil Jehová tuʼn Xjan Uʼj.
QE XJEL TIʼJ TYOL DIOS
¿Jatumel jaku kanet qʼuqbʼil qkʼuʼj?
Jaku tzʼonin Biblia tiʼja toj ambʼil jaʼlo ex jaku tzaj tqʼoʼn qʼuqbʼil tkʼuʼja tiʼj ambʼil tzul.
JUNJUNTL XNAQʼTZBʼIL
Aju bʼis in kubʼ qnaʼn aj tkyim jun xjal kʼujlaʼn quʼn
Aj tkyim jun xjal kʼujlaʼn quʼn in kubʼ qnaʼn qa nijun in nel tnikʼ qiʼj. Noqtzun tuʼnj, in nel tnikʼ Dios qiʼj ex jaku tzʼonin qiʼj.
AJU XQʼUQIL
Aj tkubʼ tnaʼna qa mlayx tzʼexa twitz nya bʼaʼn
Maske in qo ok weʼ twitz nya bʼaʼn, at tiquʼn tuʼn kukx qanqʼin.
QE XNAQʼTZBʼIL NIM KYOKLEN TOJ TYOL DIOS
¿Tiquʼn in tzaj tqʼoʼn Dios ambʼil te yajbʼil?
In kanet tzaqʼwebʼil quʼn toj Tyol Dios aju in tzaj tqʼuqbʼaʼn qkʼuʼj.
QE XNAQʼTZBʼIL TOJ TYOL DIOS
Qaninxa jun t-xnaqʼtzbʼila tiʼj Biblia
Kʼamonxa jun t-xnaqʼtzbʼila tiʼj Tyol Dios noq kukx tukʼil jun testigo de Jehová.