Ok María Magdalena te t-xnaqʼtzbʼen Jesús. Bʼalo atz tzajni tbʼi María Magdalena tiʼj tnam Magdala moqa Magadán aju nqayin tok tiʼj mar te Galilea ex atzlo anqʼin María Magdalena.

 Ax ikx ten María Magdalena kyxol qe xuʼj e bʼet tukʼil Jesús ex qe t-xnaqʼtzbʼen, ex ajbʼen junjun tiʼchaq at te tuʼn tonin kyiʼj (Lucas 8:1-3). Ok tkeʼyin tej tkubʼ bʼyoʼn Jesús ex ten kyxol qeju tnejel xjal ok keʼyinte Jesús tej otoq jaw anqʼin (Marcos 15:40; Juan 20:11-18).

•  ¿Okpe te prostituta?

•  ¿Okpe te apóstol kyxol txqantl apóstol?

•  ¿Okpe te t-xuʼjil Jesús?

•  ¿Jteʼ María in yolin Tyol Dios tiʼj?

 Mintiʼ in tzaj tqʼamaʼn Tyol Dios qa ok María Magdalena te prostituta. Oʼkx in tzaj qʼamaʼn qa etz wuq demonio toj t-xmilal tuʼn Jesús (Lucas 8:2).

 Qa ikju, ¿tiquʼntzun in kubʼ kyximen junjun qa ok María Magdalena te prostituta? Tej otoq tzikʼ junjun syent abʼqʼi tkyimlen María Magdalena, e ok ten junjun xjal qʼamalte qa atoq María Magdalena ok te xuʼj el ttxʼajoʼn tiʼj tqan Jesús tuʼn taʼl twitz ex el tsuʼn tuʼn ttzmal twiʼ (Lucas 7:36-38). Pero mintiʼ in kanet tqanil lu quʼn toj Tyol Dios.

 Mintiʼ. In nok tqʼoʼn Iglesia católica tbʼi María te «Santa María Magdalena» ex in tzaj tqʼamaʼn qa ok te apóstol kyxol txqantl apóstol. ¿Tiquʼn in nok qʼoʼn tbʼi ik tzeʼn jlu? Tuʼnju atzun jun kyxol qe tnejel xjal xi qʼamante kye apóstol qa otoq jaw anqʼin Jesús (Juan 20:18). Pero nya tuʼn jlu ok te apóstol. Ex mintiʼ in tzaj qʼamaʼn tbʼi ik tzeʼn jlu toj ni jun texto toj Biblia (Lucas 6:12-16).

 Bʼaj tzʼibʼin Tyol Dios tej chʼixtoq tkubʼaj tnejel syent abʼqʼi. Pero kyoj qe abʼqʼi 500, kubʼ kyximen nejenel kye okslabʼil tuʼn tok kyqʼoʼn tbʼi María Magdalena te santa. In tzaj kyqʼamaʼn junjun uʼj mintiʼ tkuʼx toj Tyol Dios ex e kubʼ tzʼibʼin kyoj tkabʼin ex toxin syent abʼqʼi qa tzaj loʼchj tiʼj kykʼuʼj t-apóstol Jesús tiʼj María. Noq jaw kynabʼin xjal jlu tuʼnju mintiʼ in kanet jun tqanil quʼn toj Biblia tiʼj jlu.

 Mintiʼ. In tzaj tqʼamaʼn Tyol Dios qa mintiʼ kubʼ mojeʼ Jesús. a