Junjun xnaqʼtzal aʼyeju e pon visitaril qe oficina ex aju kʼuxbʼil jatumel in che etz uʼj kye testigos de Jehová te México kyqʼama qa a jlu onin kyiʼj tuʼn tkubʼ «kychʼixpun nya bʼaʼn kyximbʼetz», tqʼama aju qʼol tqanil te ja xnaqʼtzbʼil.

Kyqʼama xnaqʼtzal jlu:

• «O jaw labʼine [tiʼj] junjun kymod ok qqʼoʼn qwitze kyiʼj ik tzeʼn [...:] bʼaʼn che nimen, in che tzalaj qukʼil, junx kyoklen kykyaqil xjal toj kywitz [ex] tuʼnju saq taʼ tkyaqil.»

• «Tuʼnju in xi kyqʼoʼn xjal ambʼil tuʼn kyonin, a jlu in tzaj tyekʼun jun techel [...] alkye tten [tuʼn] qaqʼunan junx.»

• «Ok qqʼoʼn qwitze tiʼj qa tokxix kywiʼ xjal tiʼj kyaqʼun in bʼanttoq kyuʼn ex qʼanchaʼlxixtoq qa in che tzeʼnxix wen.»

• «Tbʼanelxix ela toj qwitze tuʼnju nukʼunxix taʼ tkyaqil [toj] ja lu jatumel in che etz uʼj toj kʼuxbʼil.»

Aʼyeju xnaqʼtzal lu in che xnaqʼtzan toj Escuela Nacional de Biblioteconomía y Archivonomía te tnam te México.

Toj mas te 100 tnam ex kojbʼil, in xi kyyekʼun testigos de Jehová qe ninja qʼil twitz aqʼuntl ex aju kʼuxbʼil jatumel in che etz uʼj. Qa at jun ja xnaqʼtzbʼil tajbʼil tuʼn kyxi tiʼn qe xnaqʼtzal tuʼn tok kyojtzqiʼn qe ja lu, jaku tzʼok kyqʼoʼn kywitz tiʼj jatumel ateʼ qe ninja ex alkye or jaku che ul bʼetil toj «Ojtzqinka qe ninja», toj xnaqʼtzbʼil «Tqanil kyiʼj testigos de Jehová». In qo tzalaje qa ma tzul alkyexku xjal tuʼn t-xi yekʼet ninja, qa tjunalx moqa nim kybʼet.