Nabʼitz Tkyimlen Jesucristo
Toj sábado 12 te abril te 2025
In kubʼ kyikʼsaʼn testigos de Jehová Nabʼitz Tkyimlen Jesucristo jun maj toj abʼqʼi ik tzeʼn tej tqʼama jlu: «Kybʼinchame jlu te nabʼl weye» (Lucas 22:19).
In qo txokine tiʼja tuʼn tpona toj chmabʼil lu.
Aʼyeju xjel mas in che tzaj qanin
¿Jniʼ ambʼil kxel tiʼn?
Kxel tiʼn junlo or.
¿Jatumel kʼokel?
Bʼaʼn tuʼn t-xi tqanina tqanil te jun testigo de Jehová.
¿In xi chjet tuʼn qokx?
Mintiʼ.
¿In tzaj qanin ofrenda qe?
Mintiʼ.
¿Tzeʼn qxbʼalun il tiʼj tuʼn tok aj qxiʼ toj chmabʼil lu?
Mintiʼ in xi kyqʼamaʼn testigo de Jehová alkye tten tuʼn tok kyxbʼalumin kyibʼ xjal, pero in nok tilil kyuʼn t-xi kybʼiʼn aju in tzaj tqʼamaʼn Biblia aj tyolin tiʼj qa nim toklen tuʼn tok qxbʼalumin qibʼ toj tumel ex tuʼn miʼn tjaw qnimsan qibʼ toj qxbʼalun (1 Timoteo 2:9). Nya il tiʼj tuʼn t-xi tiʼna jun t-xbʼaluna moqa jun tiʼja aju nim twiʼ nix aju oʼkx qe xjal nim kyoklen in nok kyqʼoʼn.
¿Tiʼtzun in bʼaj toj Nabʼitz Tkyimlen Jesucristo?
In xi tzyet tukʼil jun bʼitz ex in nok tqʼoʼn jun testigo de Jehová jun naʼj Dios. Yajxitl, in netz qʼoʼn jun chikʼbʼabʼil in jatz toj Biblia aju in yolin tiʼj jniʼ toklen aju tej tkyim Jesús ex tzeʼn jaku tzʼonin qiʼj ex kyiʼj toj qja aju bʼant tuʼn Dios ex tuʼn Jesucristo. Tuʼn tkubʼaj, in xi bʼitzet juntl bʼitz ex in nok juntl naʼj Dios tuʼn juntl testigo de Jehová.
Qa taja chʼintl tqanil, jyonxa xnaqʼtzbʼil «¿Tiquʼn junxitl alkye tten in kubʼ kyikʼsaʼn testigos de Jehová aju Wabʼj te Qale te Jesús kywitz txqantl okslabʼil?»
¿Jtoj che ok mastl Nabʼitz Tkyimlen Jesucristo?
Sábado 12 te abril te 2025.
Jueves 2 te abril te 2026.
Bʼalo ax ikx tgana jlu
NABʼITZ TKYIMLEN JESUCRISTO
Nabʼitz Tkyimlen Jesucristo
In qo txokine tiʼja tuʼn tpona qukʼile tojju qʼij lu nim toklen. Jatumel jaku tzʼel tnikʼa tiʼ tbʼanel jaku tzaj teya tuʼnju tkyimlen Jesús.
QE XNAQʼTZBʼIL NIM KYOKLEN TOJ TYOL DIOS
¿Tiquʼn kyim Jesús?
B’alo jaku tzʼel ik’un aju kyim tuʼn tchjet qil. Pero ¿jakupe tzʼonin oʼkx jun chojbʼil kyiʼj nim millón xjal?