Kychmabʼil testigos de Jehová
Ojtzqinka mas kyiʼj qe qchmabʼile. Jyontza jun Ja te Chmabʼil nqayin taʼ jatumel najliya.
¿Tzeʼn qe kychmabʼil testigos de Jehová?
In nok qchmon qibʼe aqoye testigos de Jehová tuʼn tjaw qnimsaʼne Dios kabʼe maj toj jun seman (Hebreos 10:24, 25). Kyoj qe chmabʼil lu, atz jatumel jaku tzʼokx alkyexku xjal, in qo xnaqʼtzane tiʼj Tyol Dios ex in nel qnikʼe tzeʼn jaku che japun xnaqʼtzbʼil ateʼkux toj Tyol Dios quʼne toj qanqʼibʼile.
Chʼixme kyoj kykyaqil qchmabʼile at junjun xnaqʼtzbʼil jatumel in chex qanet xjel ex in chex tzaqʼwet, ex aʼyeju in che bʼin jaku txi kyqʼoʼn jun kyyol. Kykyaqil chmabʼil in xi tzyet ex in pon bʼaj tukʼe jun bʼitz ex jun naʼj Dios.
Nya il tiʼj tuʼn qok te testigo de Jehová tuʼn qokx kyoj chmabʼil; jaku pon alkyexku xjal. Nya chjoʼn tuʼn qokx ex mintiʼ in jaw chmet pwaq.
Bʼalo ax ikx tgana jlu
AʼYEJU XJEL MAS IN CHE TZAJ QANIN
¿Alkye tten nukʼun kyten kʼloj okslal kyxol testigo de Jehová?
Bʼaʼn tuʼn tel tnikʼa alkye tten in qo tzaj xnaqʼtzaʼne.
MEETINGS
¿Tiʼ in bʼaj toj jun Ja te Chmabʼil?
Qʼoʼnk twitza kyiʼj qe qtembʼile jatumel in nok qchmoʼn qibʼe ex qʼonk twitza tiʼjju in bʼant quʼne kyoj.