Mintiʼ. At nimxix xjal e anqʼin toj ambʼil ojtxi ex nya testigo de Jehová qe, kxel qʼet juntl ambʼil kye tuʼn kyklet. In tzaj tchikʼbʼaʼn Tyol Dios qa toj akʼaj twitz txʼotxʼ ok tzul in tzaj ttziyen Dios jlu: «Qa ok che jawil anqʼin qe kyimni, tzaʼnx qeju tzʼaqlxix, ax ikx qeju mya tzʼaqlxix» (Hechos 24:15). Nya oʼkxju, ax ikx atx nimku xjal jaku txi tzyet tuʼn kyajbʼen te Dios ex jaku che klet. Noqtzun tuʼnj, nya aqoʼye ximil te alkye qe che kletel ex alkye qe miʼn che klet. Aju at toklen tuʼn kyok xjal toj xjel a Jesucristo (Juan 5:22, 27).