Toj kywitz nimku xjal aju cruz atzun techel okslabʼil. Okslal qoʼye, noqtzun tuʼnj, mintiʼ in najbʼen cruz quʼne ex mintiʼ in qo kʼulune twitz. ¿Tiquʼn?

 Tnejel, tuʼnju mintiʼ in tzaj tqʼamaʼn Tyol Dios qa kyim Jesús twitz jun cruz, sino kyim twitz junx tzeʼ. Tkabʼ, tuʼnju in tzaj tqʼamaʼn Tyol Dios lu: «Kyel oqe tuʼn miʼn kykʼulune kywitz qe tilbʼilal». Ex toxin, qa ma tzʼajbʼen cruz toj kʼulbʼil jun yekʼbʼil jlu qa in qo kʼulin twitz jun dios (1 Corintios 10:14; 1 Juan 5:21).

 Ax ikx kyaj t-xnaqʼtzaʼn Jesús alkye tten kʼelel kynikʼ xjal kyiʼj qeju in che ajbʼen te Dios tej tqʼama: «Qa ma kykʼujla kyibʼe kyxolxe, tuʼntzun jlu kʼelel kynikʼ kykyaqil xjal kyiʼje qa nxnaqʼtzbʼen qeye» (Juan 13:34, 35). Tuʼntzunju, nya a te cruz moqa juntl tilbʼilal kyechel okslal. ¿Alkyetzun kyechel okslal? Aju axix kʼujlabʼil kyiʼj xjal.