¿Jakupe kyaj ttzaqpiʼn jun xjal tuʼn miʼn tok te testigo de Jehová?
Jaku. At kabʼe tten tzeʼn jaku kyaj ttzaqpiʼn jun xjal tuʼn miʼn toktl te testigo de Jehová:
Jaku txi tqʼamaʼn qa nya tajtl. Jaku txi tchikʼbʼaʼn jun xjal aju ma kubʼ t-ximan tuʼn tbʼant tuʼn, toj jun uʼj moqa jaku txi tqʼamaʼn tukʼil yol qa ya nya tajtl tuʼn tok te testigo de Jehová.
Tuʼn tmod. Jakulo kubʼ tbʼinchaʼn jun xjal jun tiʼ noq tuʼn tkubʼ tyekʼun qa ya nya tajtl tuʼn kukx tten kyxol testigos de Jehová (1 Pedro 5:9). Jun techel, jakulo txiʼ toj juntl okslabʼil ex jakulo kubʼ tyekʼun qa taj tuʼn kukx tten toj (1 Juan 2:19).
¿Yajtzun qa mintiʼtl in pakbʼan jun xjal ex mintiʼtl in xiʼ kyoj chmabʼil kye testigo de Jehová? ¿In xi kyqʼamaʼne qa ya nya testigo de Jehová?
Nya ik ttenju. Nya ax t-xilen qa at jun xjal nya tajtl tukʼilju qa in chewix qʼuqbʼil tkʼuʼj. Aʼyeju in kyaj kyin kyibʼ moqa in kyaj kytzaqpin tuʼn kykʼulun te Jehová toj chʼin ambʼil, naʼmx tkyaj kytzaqpin qʼuqbʼil kykʼuʼj, noq oʼkx in tzaj bʼaj kykʼuʼj. Tuʼntzunju, in nok tilil quʼne tuʼn t-xi qqʼuqbʼaʼne kykʼuʼj ex mintiʼ in che el qikʼine (1 Tesalonicenses 5:14; Judas 22). Qa taj xjal onbʼil, aʼyeju ansyan kyxol kʼloj okslal, in nok tilil kyuʼn tuʼn t-xi kyqʼuqbʼaʼn kykʼuʼj (Gálatas 6:1; 1 Pedro 5:1-3).
Noqtzun tuʼnj, mintiʼ kyoklen ansyan tuʼn kyok ten obligaril te alkyexku xjal tuʼn kukx tok te testigo de Jehová. Teyele te junjun xjal in kubʼ t-ximan tiʼ kbʼantel tuʼn tiʼj okslabʼil (Josué 24:15). Qʼuqli qkʼuʼje qa aʼyeju in che kʼulun te Dios il tiʼj tuʼn tbʼant kyuʼn kyuʼnx kyibʼ ex tuʼn tkyaqil kyanmi (Salmo 110:3; Mateo 22:37).
Bʼalo ax ikx tgana jlu
QE YEKʼBʼIL TIʼJ PAKBʼABʼIL
¿Alkyeqe testigos de Jehová?
Nimku xjal kyajbʼil tuʼn tel mas kynikʼ kyiʼj testigos de Jehová. Qʼonxa ambʼil kye tuʼn ttzaj kytzaqʼweʼn t-xjela.
AʼYEJU XJEL MAS IN CHE TZAJ QANIN
¿Mintiʼpe in che yolin testigo de Jehová kyukʼil qeju ya mintiʼtl ateʼkx toj kyokslabʼil?
At junjun xjal il tiʼj tuʼn kyex lajet toj ttnam Dios ex jaku chex onit tuʼn kymeltzʼaj toj ttnam Dios.
QE XJEL TIʼJ TYOL DIOS
¿Ilpe tiʼj tuʼn tten jun qokslabʼil?
¿Bʼaʼnpe in nela toj twitz Dios qa aʼyex xjal in che kubʼ ximente tzeʼn tuʼn kykʼulin te?
AʼYEJU XJEL MAS IN CHE TZAJ QANIN
¿Ilpe tiʼj tuʼn woke te testigo de Jehová qa ma chin xnaqʼtzane kyukʼil tiʼj Biblia?
In xi kyqʼoʼn testigo de Jehová xnaqʼtzbʼil tiʼj Tyol Dios kye xjal twitz tkyaqil Txʼotxʼ. Qa ma xnaqʼtzana kyukʼil, ¿Ilpe tiʼj tuʼn toka te testigo de Jehová?
TQANIL KYIʼJ TESTIGOS DE JEHOVÁ
Tuʼn tten toj jun chmabʼil
Ojtzqinka mas kyiʼj qe qchmabʼile. Jyontza jun Ja te Chmabʼil nqayin taʼ jatumel najliya.