Nya il tiʼj. Ateʼ nim millón xjal in che xnaqʼtzan qukʼile ex mintiʼ in che ok te testigo de Jehová. a Aj t-xi qqʼoʼne xnaqʼtzbʼil tiʼj Biblia, in bʼant jlu quʼne tuʼntzun tel tnikʼa tiʼjju in tzaj t-xnaqʼtzaʼn. Ajtzun tel tnikʼa tiʼj Biblia, aya kbʼel ximante qa kxel tbʼinchaʼna aju in tzaj tqʼamaʼn. Teyele te junjun xjal kbʼel t-ximen alkye tokslabʼil ktel (Josué 24:15).

 Jaku tzʼajbʼen tuʼna. Noqtzun tuʼnj, mas in najbʼen Traducción del Nuevo Mundo quʼne. ¿Tiquʼn? Tuʼnju mas nya kwest in nel qnikʼ kyiʼj yol tkuʼx toj. Qa taja, jaku txi qqʼoʼne jun teya Tbiblia noq kukx. Qa mas bʼaʼn toj twitza, ax teya Tbiblia jaku tzʼajbʼen tuʼna. Noq alkyexku Biblia jaku tzʼajbʼen tuʼna, ax tqanil tkuʼx toj ex jaku tzʼonin qiʼj tuʼn qklet.

•   In bʼant jlu quʼne tuʼnju kʼujlaʼn Jehová quʼne ex taj tuʼn t-xi qyekʼine kye xjal aju in nel qnikʼe tiʼj (Mateo 22:37, 38; 28:19, 20). Toj qwitze, jun oklenj aj qajbʼene te Dios ex aj qonine kyiʼj xjal tuʼn tel kynikʼ tiʼjju in tzaj t-xnaqʼtzaʼn Biblia (1 Corintios 3:6-9).

•   Ax ikx, in xi qqʼone xnaqʼtzbʼil kye txqantl tuʼnju kʼujlaʼn qe xjal quʼne (Mateo 22:39). Qgane tuʼn t-xi qqʼamaʼne kye txqantl aju tbʼanel xnaqʼtzbʼil o tzʼel qnikʼe tiʼj (Hechos 20:35).