¿Atpe jun tajlal película, uʼj moqa bʼitz kyuʼn testigo de Jehová aju nya bʼaʼn tuʼn tajbʼen?
Mintiʼ jun tajlal. ¿Tiquʼn?
Tuʼnju in tzaj tqʼamaʼn Tyol Dios qa qkyaqilx il tiʼj tuʼn tten qnabʼil tuʼn tel qnikʼ tiʼj alkye bʼaʼn ex alkye nya bʼaʼn (Hebreos 5:14).
Tuʼnju at nim kawbʼil tkuʼx toj Tyol Dios aʼyeju jaku qo tzaj kyonin tuʼn tkubʼ qximin alkye kjawil qjyoʼn. a Ik tzeʼn toj alkyexku tten qanqʼibʼil, kukx qaj tuʼn kyjapun qeju yol ateʼkux toj Efesios 5:10 quʼn: «Tzʼelx kynikʼe tiʼj alkyeju bʼaʼn tuj twitz Qajaw»
Tuʼnju o txi tqʼoʼn Dios kyoklen qeju wibʼaj toj jun ja xjal, tuʼntzunju, aʼye at kyoklen tuʼn t-xi kyqʼamaʼn qa bʼaʼn moqa nya bʼaʼn jun bʼitz, película moqa uʼj (1 Corintios 11:3; Efesios 6:1-4). Noqtzun tuʼnj, toj kʼloj okslal, mintiʼ o txi qʼoʼn oklenj te jun tuʼn ttzaj tqʼamaʼn qa bʼaʼn moqa nya bʼaʼn jun película, bʼitz, aj bʼitzel moqa juntl nix tuʼn tkubʼ tqʼoʼn jun kawbʼil (Gálatas 6:5).
a Junjun techel tiʼj jlu, in tzaj tqʼamaʼn Tyol Dios qa nya bʼaʼn tkyaqilju at toklen kyukʼil chman, aj qʼij, tukʼil yaẍbʼil ex bʼiybʼel; tuʼntzunju, tkyaqilju in tzaj t-xnaqʼtzaʼn jlu nya bʼaʼn (Deuteronomio 18:10-13; Efesios 5:3; Colosenses 3:8).
Bʼalo ax ikx tgana jlu
PIZARRÓN AT TILBʼILAL TWITZ
Qe videojuego: ¿Alkye in kambʼan?
Jaku tzalaja kyiʼj videojuego, pero ax ikx jaku tzaj nya bʼaʼn tiʼja kyuʼn. ¿Tiʼ jaku bʼant tuʼna tuʼn miʼn tbʼaj jlu tiʼja ex tuʼn kybʼant tbʼanel tiʼchaq tuʼna?
CAMPAÑA ESPECIAL
Qaninxa jun t-xnaqʼtzbʼila tiʼj Biblia
Kʼamonxa jun t-xnaqʼtzbʼila tiʼj Tyol Dios noq kukx tukʼil jun testigo de Jehová.