¿Protestant qe testigo de Jehová?
Nya. Okslal qe testigos de Jehová, noqtzun tuʼnj, nya protestant qe. ¿Tiquʼn?
At nim xjal in kubʼ kyximin qa aʼyeju protestant o tzʼel kyikʼen t-xnaqʼtzbʼil Iglesia Católica Romana. Ax tok in nel qikʼine nim xnaqʼtzbʼil in tzaj t-xnaqʼtzaʼn Iglesia Católica, noqtzun tuʼnj, nya protestant qoʼye. Qo xnaqʼtzan tiʼj tiquʼn:
At nim kyxnaqʼtzbʼil protestant junxitl twitzju in tzaj t-xnaqʼtzaʼn Tyol Dios. Lu qe junjun techel lu, mintiʼ in tzaj tqʼamaʼn Xjan Uʼj qa at Oxe Kybʼet Dios, sino noq «junx Dios at» (1 Timoteo 2:5; Juan 14:28). Ax ikx mintiʼ in tzaj tqʼamaʼn Tyol Dios qa che kbʼelex tqʼoʼn Dios qeju xjal bʼinchal nya bʼaʼn toj qʼaqʼ te jumajx, sino aju in tzaj tqʼamaʼn aju qa che najel te jumajx (Salmo 37:9; 2 Tesalonicenses 1:9).
Nya qeye qaj tuʼn tchʼixpet Iglesia Católica moqa juntl kʼloj okslabʼil. Quʼn aqeye qaj aju tuʼn t-xi qpakbʼane tbʼanel tqanil tiʼj Tkawbʼil Dios ex tuʼn qonine kyiʼj xjal tuʼn tok qeʼ kykʼuʼj kyiʼj tbʼanel tqanil lu (Mateo 24:14; 28:19, 20). Nya qaje tuʼn tchʼixpet jun okslabʼil, sino tuʼn t-xi qxnaqʼtzaʼne axix tiʼj Dios ex tiʼj Tyol kye qeju in qo ok bʼiʼne kyuʼn (Colosenses 1:9, 10; 2 Timoteo 2:24, 25).
Bʼalo ax ikx tgana jlu
AʼYEJU XJEL MAS IN CHE TZAJ QANIN
¿Okslal qe testigo de Jehová?
Ximana tiʼj tiquʼn okslal qoʼye, ax ikx tiʼj tiquʼn junxitl qoʼye kywitz qe txqantl kʼloj xjal in kyqʼamaʼn qa okslal qe.
QE XJEL TIʼJ TYOL DIOS
¿In che oninpe kykyaqil okslabʼil qiʼj tuʼn qok laqʼeʼ ttxlaj Dios?
In tzaj tqʼamaʼn Tyol Dios kabʼe tiʼ nim toklen tuʼn tel qnikʼ tiʼj xjel lu.
QE XNAQʼTZBʼIL NIM KYOKLEN TOJ TYOL DIOS
¿In xipe tkʼamoʼn Dios kykyaqil okslabʼil?
Nim xjal in kubʼ kyximen qa jaku ten alkyexku qokslabʼil.
TQANIL KYIʼJ TESTIGOS DE JEHOVÁ
Tuʼn tten toj jun chmabʼil
Ojtzqinka mas kyiʼj qe qchmabʼile. Jyontza jun Ja te Chmabʼil nqayin taʼ jatumel najliya.