Aju in tzaj kyqʼamaʼn xjal: Mintiʼ in kubʼ kyikʼsaʼn testigos de Jehová Navidad tuʼnju nya okslal qe.

 Aju axix tok: In nok qeʼ qkʼuʼje tiʼj Jesucristo aju Klol qe ex in nok tilil quʼne tuʼn tjapun quʼne aju in tzaj tqʼamaʼn Tyol Dios: «Kyaj tyekʼun kyeye tuʼn kyok lpeʼye tiʼj» (1 Pedro 2:21; Lucas 2:11).

Aju in tzaj kyqʼamaʼn xjal: Mintiʼ in nok qeʼ kykʼuʼje qa jatz anqʼin Jesús.

 Aju axix tok: Nya oʼkx in nok qeʼ qkʼuʼje qa jatz anqʼin Jesús, ax ikx qʼuqli qkʼuʼje qa atzun jun xnaqʼtzbʼil nim toklen toj okslabʼil. Axpe ikx nim toklen jlu tukʼilju tqanil in qo pakbʼane tiʼj (1 Corintios 15:3, 4, 12-15).

Aju in tzaj kyqʼamaʼn xjal: Mintiʼ in xi kyqʼoʼn ambʼil kye kykʼwaʼl tuʼn kytzalaj toj ninqʼij lu.

 Aju axix tok: In che ok qkʼujlaʼne qkʼwaʼle ex in nokxix tilil quʼne tuʼn t-xi qʼet tbʼanel xnaqʼtzbʼil kye tuʼntzun kytzalaj toj kyanqʼibʼil (Tito 2:4).

•   Tkyaqilju at toklen tukʼil Domingo de Pascua mintiʼ in jatz toj Tyol Dios.

•   Kyaj tqʼamaʼn Jesús tuʼn tkubʼ qikʼsaʼn tkyimlen, nya aju qʼij tej tjatz anqʼin. In kubʼ qikʼsaʼne tkyimlen Jesús tkyaqil abʼqʼi toj tajlal xjaw tej tkyim ik tzeʼn tajlal xjaw kye aj judiy toj ambʼil ojtxi (Lucas 22:19, 20).

•   Ojtzqiʼn quʼne qa tkyaqilju at toklen tukʼil Domingo de Pascua tzajni tukʼil ojtxi kybʼinchbʼen xjal nya okslal, nya bʼaʼn in nela jlu toj twitz Dios. In tzaj tqʼamaʼn Tyol jlu tiʼjju in tnaʼn: «Mintiʼ in kubʼ tuj nwitze tuʼn kykʼulune twitz juntl dios» ex nya bʼaʼn in nela toj twitz qa in che kubʼ qikʼsaʼn ninqʼij nya bʼaʼn in nela toj twitz (Éxodo 20:5; 1 Reyes 18:21).

 Qʼuqlixix qkʼuʼje qa mintiʼ in tzaj tqʼamaʼn Tyol Dios tuʼn tkubʼ ikʼset Domingo de Pascua. Ex in nonin Tyol Dios qiʼje tuʼn tajbʼen qnabʼile ex tuʼn miʼn qok lepeʼye tiʼj kykostumbr xjal mtzʼun qwitze (Proverbios 3:21; Mateo 15:3). Ax tok in xi qchikʼbʼaʼne tukʼe kʼujlabʼil aju qxnaqʼtzbʼile kye qeju in tzaj kyqanin qeye, noqtzun tuʼnj, ax ikx nim toklen toj qwitze aju in kubʼ kyximin xjal tiʼ kbʼantel tuʼn (1 Pedro 3:15).