Aju Watch Tower Bible and Tract Society of Pennsylvania jun kʼloj xjal aju mintiʼ in nok tilil tuʼn tuʼn tkambʼet pwaq tuʼn, aju kʼloj xjal lu tzaj qʼoʼn toklen tuʼn ley toj tnam te Pennsylvania, Estados Unidos. In najbʼen lu kyuʼn testigos de Jehová tuʼn tbʼant aqʼuntl twitz tkyaqil Txʼotxʼ aju tuʼn kyetz Tyol Dios ex tuʼn kyetz uʼj onbʼil tiʼj Tyol Dios.

 Ik tzeʼn in tzaj tqʼamaʼn uʼj kyaj bʼant tiʼj, in tzaj tqʼamaʼn qa aju taqʼun kʼloj xjal at toklen tukʼil «okslabʼil, qʼol xnaqʼtzbʼil, ex tuʼn tonin kyiʼj xjal,» ex aju mas nim toklen aju «tuʼn t-xi pakbʼet ex tuʼn t-xi xnaqʼtzet tbʼanel tqanil tiʼj Tkawbʼil Dios tjaqʼ tkawbʼil Jesucristo». Aʼyeju at kyoklen tiʼj kʼloj xjal lu noq in che tzaj txkoʼn, noqtzun tuʼnj, nya tuʼnju in xi kyqʼoʼn pwaq. Aʼyeju at kyoklen tiʼj kʼloj xjal lu ex qeju directores in che onin tiʼj Kʼloj Xjal Qʼil Twitz Aqʼuntl kye testigos de Jehová.

 Nya oʼkx Watch Tower Bible and Tract Society of Pennsylvania in najbʼen kyuʼn testigos de Jehová ax ikx at txqantl kʼloj xjal o tzaj qʼoʼn kyoklen tuʼn ley kyoj txqantl tnam ex in che ajbʼen kyuʼn. Tiʼj tbʼi junjun kʼloj ateʼku yol lu «Watch Tower,» moqa «Watchtower,» moqa noq alkyexku kybʼi tkubʼ kyoj txqantl yol.

 Nim in che onin qe kʼloj lu atxix tej kykubʼ bʼinchaʼn tuʼn tbʼant aqʼuntl. Kyxol qe aqʼuntl in che bʼant aʼyetzun jlu:

•   In che kubʼ tzʼibʼet ex in che etz uʼj toj kʼuxbʼil. O che etz junlo 220 millón Tyol Dios ex chʼixmi 40 mil millón uʼj onbʼil tiʼj Tyol Dios toj mas te 900 yol. Tuʼnju tembʼil at toj Internet jw.org, jaku kubʼ kyuʼjin xjal Tyol Dios toj Internet noq kukx toj mas te 160 yol ex jaku kanet tzaqʼwebʼil kyuʼn xjal kyiʼj xjel ik tzeʼn jlu «¿Tiʼ aju Tkawbʼil Dios?».

•   In xi qʼet xnaqʼtzbʼil. In nok junxichaq xnaqʼtzbʼil tiʼj Tyol Dios. Jun techel, atxix toj abʼqʼi 1943, o chex onit mas twitz 9,000 tuʼn Xnaqʼtzbʼil te Galaad te Watchtower tuʼn kyxiʼ pakbʼal moqa tuʼn kyonin tiʼj ttnam Dios tuʼn tkubʼ weʼxix toj tokslabʼil ex tuʼn tel bʼaʼn tkyaqilju in bʼant tuʼn. Ax ikx, nimxix xjal —axpe ikx qe xjal nya testigo de Jehová qe— in tzaj kykʼamoʼn xnaqʼtzbʼil kyoj chmabʼil in che ok kyojele kʼloj okslal kye testigo de Jehová tkyaqil seman. Ax ikx in che ok xnaqʼtzbʼil tuʼn tbʼant kytzʼibʼin ex kyuʼjin xjal ex o bʼant jun uʼj quʼne tuʼn tonin kyiʼj xjal aju in netz toj 110 yol.

•   In xi qʼet onbʼil. In xi qqʼoʼne onbʼil aju in najbʼen naj kye qeju in tzaj jun xitbʼil kyiʼj aju in tzaj kyuʼn xjal ex tuʼnx twitz txʼotxʼ. Jun techel, xi qqʼoʼne onbʼil kye qeju ok bʼinchaʼn nya bʼaʼn kyiʼj toj tnam Ruanda toj abʼqʼi 1994 ex tej ttzaj kyaqʼnajnabʼ toj tnam Haití toj abʼqʼi 2010.

 O bʼant nim tiʼchaq kyuʼn qe kʼloj lu, noqtzun tuʼnj, nya kyuʼn jlu in bʼant tkyaqil aqʼuntl. Teyele te junjun okslal at toklen tuʼn tok tilil tuʼn tuʼn tpakbʼan ex tuʼn t-xi t-xnaqʼtzaʼn tbʼanel tqanil (Mateo 24:14; 28:19, 20). Qʼuqli qkʼuʼje qa ate Dios in nonin tiʼj aqʼuntl ex qa kukx kʼonil tiʼj (1 Corintios 3:6, 7).