PÁJINA JW.ORG
Jósʼin kjoásjai xo̱n kʼoa tsa jmesani xi kjaʼaí én faʼaitʼa
Kʼiatsa kjaʼaí én tichotʼayai kʼoa tsa melije̱ nga tjín xi koakolai jme xi faʼaitʼa ya jw.org xi kjaʼaí én tjítʼa, koaan kʼoasʼiain tojñanile nga jan koya xi tso ibi.
Jósʼin si̱kʼantjaiyai én xi bakó jw.org
Ya tisennelai jñani Jngo én chjoejin tso ánni nga koakosínili ngayeje én xi jetjío jw.org.
Ya ngʼaskónle nga jngó jngó én kui tjíotʼa jebi:
Kui xi tsonile nga jetíjna jw.org nga kui én. Tsa ya kuisennelai kʼoantjaiya jw.org kʼoa kui én koakoli.
Kui xi tsonile nga kje tíjnajin jw.org nga kui én. Tonga koaan chʼa̱jain xo̱n kao grabación xi jetjío xi kui én. Tsa ya kuisennelai tokui koakoli je xo̱n kao grabación xi jetjío nga kui én.
Kui xi tsonile nga én seña.
Tsa jetíjna jw.org nga kui én seña kʼoa ya kuisennelai, kʼoantjaiya jw.org kʼoa kui én koakoli.
Tsa kje tíjnajin jw.org nga kui én seña kʼoa ya kuisennelai, tokui koakoli video xi jetjío nga kui én.
Siento én faʼaitʼa. Kʼianga ngisa sasa koa̱nsjainili én xi tifasjai, koaan i̱ sʼiain:
Chjoéjin én xi ngisa si̱chjain. Ya tʼainni kui koakoli nga ño én xi chriansʼa kichjoejin.
Chjí joʼmi én xi tifasjai. Chjí letra xi fitsʼiani én xi tifasjai. Koaan kʼoasʼin chjí josʼin chji nga kao énli kʼoa tsa maije̱ josʼin chji kao én xi tifasjai. Tobʼelañá, tsa énná tíjnali jw.org kʼoa meli nga én alemán katasʼejna, koaan “alemán” tso xi chjí kʼoa tsa maije̱ koaan “deutsch” tso xi chjí. Sa choa sa choa én koakoli tsa nkjínsa letra chjí, kʼoa tokui én koakoli xi koa̱nngóson kao letra xi tichji.
Jósʼin si̱kʼantjaiyai én xi faʼaitʼa jme xi tibʼexkiai
Jngo koya xi koa̱n sʼiain. Koaan i̱ sʼiain kʼiatsa bakóli jñani tso Tʼexkiai nga én.
Títjon kjoanla tjasjai jme xi meli kʼoéxkiai kʼoa tsakuije̱ xi meli nga koakolai tsa ʼyani. Xijekoa̱n, chjoéjin jngui én xi koa̱ntsen ya jña Tʼexkiai nga én tso. Kʼoa kui én koakoli. (Tsa tsín je én xi tifasjai kui xi tsonile nga kje bitjojin kjoaʼmiya jebi nga kui én.)
Kataʼyai jebi: Je én xi bakó tjío xi audífono tjíotʼale. Jebi kui xi tsonile nga kʼoati koa̱n kuinóʼyalai je grabaciónle kjoaʼmiya jebi.
Kʼiatsa ya kuisennelai jñani tso Tʼexkiai nga én, tokui kʼoantjaiya je kjoaʼmiya xi tibʼexkiai.
Ijngo koya xi koa̱n sʼiain. Kʼiatsa tsín bakóli kao én xi tibʼexkiai jñani tso Tʼexkiai nga én, ya tisennelai jñani Jngo én chjoejin tso kʼoa chjoéjin jme én xi meli nga koakoli jw.org. Tsa jetíjna kjoaʼmiya xi tibʼexkiai jme én xi chjoéjin, kui koakoli. Tonga tsa kje tíjnajin, yaa koakoli jña fitsʼiani jw.org.
Jósʼin kjoásjai xo̱n kʼoa tsa grabación xi kjaʼaí én
Titjásʼain jñani XO̱N KAO GRABACIÓN > XI MACHJÉN NGA KATAʼYAI tso. Xijekoa̱n, jngo én chjoéjin kʼoa ya tisennelai jñani Tjasjai tso.
Kʼianga ngisa sasa koa̱nsjainili én xi tifasjai, koaan i̱ sʼiain:
Chjoéjin én xi ngisa si̱chjain. Ya tʼainni kui koakoli nga ño én xi chriansʼa kichjoejin.
Chjí joʼmi én xi tifasjai. Chjí letra xi fitsʼiani én xi tifasjai. Koaan kʼoasʼin chjí josʼin chji nga kao énli kʼoa tsa maije̱ josʼin chji kao én xi tifasjai. Tobʼelañá, tsa énná tíjnali jw.org kʼoa meli nga én alemán katasʼejna, koaan “alemán” tso xi chjí kʼoa tsa maije̱ koaan “deutsch” tso xi chjí. Sa choa sa choa én koakoli tsa nkjínsa letra chjí, kʼoa tokui én koakoli xi koa̱nngóson kao letra xi tichji.
Tsa nʼio nkjín xo̱n kao grabación jetjío jme én xi chjoéjin, je pájina XI MACHJÉN NGA KATAʼYAI ʼmi, tochoa koakoli. Kʼianga jchasai jme xo̱n kao grabación xi tjío kʼianga kui én, koaan kjaʼaí pájina kuitjásʼain, jolani tsa ya jña LIBRO KAO FOYETO tso kʼoa tsa yaje̱ jña REBISTA tso.
Tsa tsín jme xo̱n kao grabación koakoli pájina jña kuitjásʼain, kui koakoli pájina jñani koa̱n koa̱nsjai kʼali xo̱n kao grabación kʼianga kui én.
