Ngayeje pájina xi tsʼe jw.org xi bakó ya computadora kʼoati koa̱n jchai ya tabletali kʼoa tsa ya celularli. Tonga nga ngisa ʼndí kjoan pantallale, kjaʼaísʼin bakó jme xi faʼaitʼa ánni nga ngisa nda koa̱ntsensíni. Kataʼyai josʼin nga ngisa nda si̱chjain jw.org.

•  Jósʼin matsen jme xi faʼaitʼa

•  Jósi̱koai nga katamatsen je kjoaʼmiya xi tjínle jngo xo̱n

•  Jósʼin koa̱n kʼoéxkiai je Biblia

•  Jósʼin koa̱n kuinóʼyalai jngo grabación

Ya computadora, jotjín koya tjínle je jw.org yaa tʼainni satío jaʼaínle kʼoa jotjín pájina tjínle yaa ngʼaskónle pantalla satío.

Tonga ya pantallale jngo tableta kʼoa tsa jngo celular, je jaʼaínle jotjín koya tjínle jw.org kao jotjín pájina tjínle satíongi chʼin chʼinle xínkjín, kʼoa satíoʼma nga tsín kjimachjén nga ngisa nda katamatsen.

• Tisennelai je cuadro Xi faʼaitʼa ʼmi tsa meli nga katasʼejnaʼma kʼoa tsa meli nga katasʼejnatsen. Tsa ya kuisenne jngolai je jaʼaínle jotjín koya tjínle jw.org, yaa kuichokaoli jña fitsʼiani xi kui pájina.

• Kʼianga jchai jotjín pájina tjínle nga jngó jngó koya, ya tisennelai je flecha xi tíkotsenjen. Tsa ya kuisenne jngolai jme xi faʼaitʼa yaa kuichokaoli jña fitsʼiani xi kui pájina.

• Tsa meli nga sa̱tíoʼma jme xi faʼaitʼa nga jngó jngó koya, ya tisennelai je flecha xi tíkotsenmi.

• Tsa ya kuisennelai tʼainni jña tíjna jw.org yaa kuichokaoli jña fitsʼiani.

• Tisennelai jñani Tikʼantjaiyai je én xi faʼaitʼa tso ánni nga jchasíni jotjín koya én tjío.

• Tisennelai jña tíjna je lupa xi Tjasjai tso kʼoa yaa koakoli jñani koa̱n kjoásjai (kje tsínjin jebi xi kao énná).

Ya computadora matsen jaʼaínle ngayeje kjoaʼmiya xi tjínle jngo xo̱n. Tonga satíoʼma ya celular kʼoa tsa ya tableta.

• Ya tisennelai jñani bakó je flecha xi ngʼaskón tíkotsen ánni nga koakosínili jaʼaínle ngayeje kjoaʼmiya xi tjínle je xo̱n xi tibʼexkiai.

• Ya tisennelai jñani Xi kafaʼato tso kʼoa kui koakoli kjoaʼmiya xi kafaʼato.

• Ya tisennelai jñani Xi fisani tso kʼoa kui koakoli kjoaʼmiya xi fisani.

• Ya tisennelai jñani bakó je flecha xi ngakixi tíkotsen ánni nga sa̱tíoʼmasíni jaʼaínle ngayeje kjoaʼmiya, kʼoa tosi tonda kui kʼoéxkiasíni kjoaʼmiya xi tichotsenlai.

Titjásʼain jñani XO̱N KAO GRABACIÓN > BIBLIA tso, jngo én chjoéjin kʼoa Tjasjai. Tsa maije̱, ya tisennelai jñani “Tʼexkiai Biblia xi faʼaitʼa” tso ya pájina jña fitsʼiani, jngo én chjoéjin kʼoa Tjasjai.

Ya Barra de navegación xi tsʼe Biblia, chjoéjin jngui libro kao jngo kapítulo kʼoa ya tisennelai jñani Buscar tso.

Kʼianga kʼoéxkiai, tojo koa̱ntsen je Barra de navegación kao Barra del menú ánni nga choa ñʼai koa̱nsínili tsa kjaʼaí kapítulo chjoéjin.

• Tsa meli nga tsesa koa̱ntsen jme xi tibʼexkiai, ya tisennelai cuadro jebi ánni nga sʼe̱jnaʼmasíni je Barra de navegación. Tonga tsa meli nga kjaʼaí kapítulo kʼoéxkiai tjínnele ya kjoásjai ya tʼainni kʼoa tsa ya jña fetʼani.

• Tsa meli nga koa̱ntsen je Barra de navegación, ya tisennelai cuadro jebi.

• Ya tisennelai flecha jebi nga katabakó je libro xi tsʼe Biblia.

• Ya tisennelai jñani Anterior tso nga katabakó kapítulo xi tíjna nga tongini.

• Ya tisennelai jñani Siguiente tso nga katabakó kapítulo xi fisani.

• Ya tisennelai flecha jebi nga katasatíoʼma je libro xi tsʼe Biblia.

Tsa jetíjna grabaciónle je kjoaʼmiya xi chjoéjin, jngo rekuadro bakó nga koa̱n kuinóʼyalai.

• Nga kuinóʼyalai grabación ya tisennelai jñani Tisennelai ibi tso.

• Tsa meli si̱kʼéjnajñá ngotjui grabación, ya tisennelai ya Pausa. Tsa meli kuinóʼya ijngokʼalai ya tisennelai jñani Tisennelai ibi tso.

• Je xi punto kji cha̱nibʼakjái jñani tjen meli kuinóʼyalai.

Tsa kʼuínje̱nkoai je xi tibʼexkiai, tojo koa̱ntsen je rekuadro xi bakó nga koa̱n kuinóʼyalai. Koaan si̱kʼéjnajñá ngotjui jña tjen kichokoai nga tibʼexkiai.