PÁJINA JW.ORG
Tsa jngo xo̱n kʼoa tsa jngo grabación kjoásjai
Ya jñani XO̱N KAO GRABACIÓN tso nʼio nkjín koya jme xi faʼaitʼa, jolani tsa grabación kao video. Kʼiatsa jme xi meli kjoásjai kʼoasʼin tʼintjenngi jotso ibi.
Jósʼin kjoásjai jngo xo̱n, jngo grabación kʼoa tsa jngo video xi jeʼyai
Tsa ʼyai joʼmi jme xi tifasjai, ninga tojngo jao én faʼaitsjenli, koaan i̱sʼin kjoásjai:
Titjásʼain ya XO̱N KAO GRABACIÓN > LIBRO KAO FOYETO.
Ya tisennelai rekuadro jña Ngayeje tso kʼoa chjí kʼai én xi faʼaitsjenli joʼmi jme xi tifasjai. Tobʼelañá, tsakui tifasjai je libro Jmé kjoanni xi bakóya je Biblia, koaan tokui chjí én xi “bakóya” tso kʼoa tokui koakoli jñani faʼaitʼa. Kʼoa kʼia chjoéjin je xo̱n xi tifasjai.
Ya tisennelai jñani Tjasjai tso.
Jósʼin kjoásjai jngo rebista xi jeʼyai
Titjásʼain ya XO̱N KAO GRABACIÓN > REBISTA.
Xi títjon matsentʼa nga sʼa bitjasʼeen kui nga ño rebista ¡Despertad! xi chriansʼa kitjo. Kʼoati matsen nga ño Xo̱n xi Bájinkonná xi chriansʼa kitjo kao nga ño rebista La Atalaya xi sʼeyole chjota, nga jin rebista La Atalaya xi chotʼaya kao nga jin xi choa ñʼai tjín xi chriansʼa kitjo. (Likui ngayeje én nga jetíbitjo jotjín rebista kanikʼaxkiaa). Koaan i̱ sʼiain kʼiatsa jngo rebista tifasjai:
Chjoéjin rebista xi tifasjai ya rekuadro jña Katabakó tso.
Ya tisennelai jñani Tjasjai tso.
Jósʼin jchani jme formato tjínle jme xi tifasjai
Jao koya tjío xi koa̱n chjoéjin josʼin meli nga koa̱ntsen je xo̱n kao grabación xi tjío, a kui nga katasatíotʼale xínkjín axo kui nga katasatíongile xínkjín.
Tsakui chjoéjin jñani Katasatíotʼale xínkjín tso, tochoa kʼoatso xi tʼatsʼe je xo̱n kao grabación (toje kʼoasʼin bakó nga sʼa bitjasʼeen).
Tsakui chjoéjin jñani Katasatíotʼale xínkjín tso, kui koakoli portadale je xo̱n kʼoa tsa je grabación, je cuadro jñani ma bisennelee je xi mená chʼa̱jeen kʼoa kao joʼmi. Kʼiatsa ya si̱kʼéjnai je ratón ya jñani ma bisennelee je xi mená chʼa̱jeen kui koakoli je formato xi tjío (ya celular kao tableta tjínnele kuisennelai cuadro jebi).
Koaan chjoéjin jñani Katasatíongile xínkjín tso.
Tsakui chjoéjin koakoli ngayeje formato xi tjío.
Tjío kʼa xo̱n xi yʼai kjoan letrale. Kʼianga kuisennelai je formato xi tjínle (tobʼelañá tsa PDF), ijngo rekuadro koakoli jñani faʼaitʼa je xi letra ʼndí tjínle kao xi letra yʼai tjínle. Tisennelai jñanile xi meli chʼa̱jain.
Jósʼin kjoásjai jngo xo̱n, jngo grabación kʼoa tsa jngo video xi faʼaitsjen kʼali én xi faʼaitʼa
Kʼiatsa tsín machjén nga títjon kjoanla chʼa̱jain kʼoa nga i̱ tjen kʼoéxkiani jme xi tifasjai, koaan si̱chjain jñani Tjasjai tso (jebi kje sʼejnajin nga kao énná.)
Ya tisennelai ya rekuadro jñani Tjasjai tso. Chjí je én xi faʼaitsjenli kʼoa ijngokʼa tisennelai jñani Tjasjai tso. Koaan chjí ngayeje én xi faʼaitsjenli xi faʼaitʼa ya kjoaʼmiya xi tifasjai ánni nga kui títjon koa̱ntsensíni xi meli.
Koaan i̱ sʼiain kʼiatsa tokuikjoan kjoaʼmiya xi faʼaitʼa xo̱n meli nga koa̱ntsen:
Ya tisennelai jñani Nga sasa koa̱nsjainili tso kʼoa tsa yaje̱ jña Xi koa̱n chjoéjin nga sasa koa̱nsjainili tso.
Tʼechoai je rekuadro jñani Xo̱n kao grabación tso ya Jñáni kjoásjai.
Ya tisennelai jñani Tjasjai tso.
