Jaon, jin xi testigole Jeobá maijin nixkiníjin kʼoa chineníjin xki. Ninga nʼio nda nikuindaijin yaonajin, tonga sakʼoaa machjén nga mangínchonlaijin chjinexki (Lucas 5:31). Kʼoa saʼnda chjinexki kʼa je testigole Jeobá ndʼaibi, joni tsa Lucas, jngo chjotale Cristo xi chjinexki koan nga siglo 1 (Colosenses 4:14).

 Tonga kʼiatsa tsín tsjoáʼnde je kjoatéxomale Niná josʼin koa̱nxkinajin alikui bʼaiʼndaijin. Tobʼelañá, je Biblia alikui tsjoáʼnde nga njín si̱chjén, kʼoa kuinga tsín bʼaiʼndesínijin nga kui xinyánajin (Hechos 15:20). Xi ijngosani, je Biblia bʼéchjoa tsakui si̱xkiñá je xki̱ xi kjoabʼenda tjenkao (Gálatas 5:​19-21).

 Nʼio nkjín koya xki xi tsín kontra tjíole jotso je Énle Niná, kʼoa kuinga nga jngó jngó testigole Jeobá xi kuitsoni josʼin koa̱nxkile. Tsakui nichxin tjínkʼa xi tsjoáʼnde josʼin koa̱nxkile kʼoa skoé je xki xi kʼoaile, tonga tjínkʼa xi tsín kʼoasʼin (Gálatas 6:5).