Mai. Je religiónnajin alikui kui kotʼayason jotjío je película, libro kao canción nga je kʼoakuitsoná jñanile xi kʼoéchjoalee yaoná. Ánni nga tsín kʼoasʼínsíni.

  Je Biblia kʼoatso nga je chjotale Cristo tjínnele nga singale kjoafaʼaitsjenle nga jngó jngó nga koa̱nle kjoaʼajin jméni xi ndatjín kʼoa jméni xi chʼaotjín (Hebreos 5:14).

  Je Énle Niná faʼaitʼa kjoafaʼaitsjen xi basenkaoná nga koa̱n kui chjoéjiaan xi ndatjín kʼianga bʼetsaojiaan. a Tojmeni xi nʼia, je xi mená kuinga kui kʼoasʼiaan ngantsjai jmeni xi “Sasénkon Nainá” (Efesios 5:10).

  Je Biblia kʼoatso nga je xi Nʼai ma ngʼajko tíjnale yaniʼyale, kui xi tsonile nga tjínle ʼnde tsa tsín tsjoáʼnde nga kui kʼoetsaojinkao je xi tjío ya yaniʼyale jmeni xi tsín kixi tjío (1 Corintios 11:3; Efesios 6:1-4). Tonga aliʼya xi tiʼndele nga kʼoakuitso jñanile película, canción axo je chjota xi faʼa ya televisión xi tsín koa̱n chótsenlee (Gálatas 6:5).