Nʼio choa ñʼai josʼin ʼmiyalaijin je chjota jmeni xi tsoya Biblia. Kʼianga chótʼayai Biblia nkjín koya tjínni josʼin koasenkaoli. Tobʼelañá:

•   Nga tsjoa sʼe̱ tokuin.

•   Nga miyole Niná koai̱n.

•   Jchani jmeni xi tso Biblia tʼatsʼe nichxin xi sʼa nroa.

Kataʼyai jmeni xi ngisa kjonangi je chjota tʼatsʼe josʼin bakoyaijin Biblia.

•  Jósʼin bakoyao

•  A bʼechjíñá kʼianga chotʼayá

•  Jókjitse chotʼayá nga jngó jngó kʼa

•  Jmé xi tjínnele sʼian tsa mena skotʼaya

•  A koaan tsa toñandiala skotʼaya

•  Tsa skotʼayalaña, a tjínnele nga testigole Jeobá koa̱n

•  A koaan kui sichjén Biblia xi kijnana

•  A koaan tsa ʼyasa xi kʼoaxínle nga katanrʼoé kʼianga kʼuínyana

•  A koaan skotʼaya ijngokʼa tsa saje kiskotʼaya Biblia kao testigole Jeobá ngasʼa

•  Jósasʼin koa̱n skotʼaya Biblia kʼiatsa tsín mena nga jngo chjota kuitsoyana

 Jngó jngó koya ʼmiyalaijin je chjota jmeni xi nchja̱ni je Biblia. Kao kui libro Koaan nda kuiyoaa kʼuínyanili kʼianga chótʼayai, bijbi koa̱njinli jmeni xi tso Biblia kʼoa nʼio koasenkaoli jmeni xi kʼuínyali. Tsa mesali jchai josʼin bakoyaijin, chótsenlai video jebi.

 Mai. Jin xi testigole Jeobá maijin nitjosonníjin jmeni xi kitsole Jesús je chjotatjenngile kʼianga kitsole: “Tokjoatjao kitsʼaino, tokjoatjao tʼainio” (Mateo 10:8). Alikui nikʼéchjíjin je chjota kʼoa alikui batenalaijin je xo̱n xi bʼailaijin nga ʼmiyalaijin, kʼianga chótʼayai kʼoai jngoli Biblia kao jngo xo̱n xi ʼmi Koaan nda kuiyoaa.

 Je libro xi kʼuínyali 60 kjoaʼmiya tjínle. Ji xi síni jótjín kʼa meli chótʼayai nga jngo xomana. Tjínkʼa chjota xi jngo kjoaʼmiya kotʼaya nga jngo xomana kʼoa tjínkʼa xi ngisa nkjín kotʼaya.

1.  1. Tʼendai formulario jebi. Jmeni xi kʼoétʼai kui si̱chjainjin nga kuinókjoalaijin.

2.  2. Jé kuinchja̱li je xi kuitsoyali Biblia. Kʼoakuitsoli josʼin koasenkaoli nga chótʼayai Biblia kʼoa kuitsoyali tojmeni xi chjónangilai.

3.  3. Koaan chobayaño kao xi kuitsoyali Biblia kʼiáni kʼoakoa̱nno nga chótʼayao. Koaan tsa je koaikonli xi kuitsoyali, tsa ji kʼuínchonlai, tsa teléfono, videollamada kʼoa tsa correo si̱chjaon nga chótʼayao.

 Jaon. Tʼendai formulario jebi. Kʼianga kuinchja̱li je xi kuitsoyali kʼoatʼinlai nga toñandiala chótʼayai kʼoa nga skan kʼoakʼuínlai tsa koa̱nmesali chótʼayai. Kui folleto Koaan nda kuiyoaa sichjén je xi kuitsoyali kʼoa to ján kjoaʼmiya tjínle folleto jebi.

 Mai. Kʼianga ʼmiyalaijin Biblia je chjota kao kjoatsjoa kʼoanʼianijin kʼoa alikui bʼenelaijin nga testigole Jeobá katama. Kao kjoaxkóntokon ʼmiyalaijin jotso je Biblia kʼoa ʼyaníjin nga tiʼndená nga jngó jngoá nga chjoéjiaan josʼin koa̱nkjainná (1 Pedro 3:15).

 Jaon. Koaan si̱chjain tojñanile Biblia xi meli. Jin xi testigole Jeobá maijin kui nichjainjin je Biblia Traducción del Nuevo Mundo nga̱ ñaki kʼoakjoánsʼin jaʼatoya kʼoa ngotjo majinniná jmeni xi tso. Tonga tjínkʼa chjota xi ngisa sasénle nga kui síchjén je Biblia xi kjiole.

 Jaon. Koaan kʼoakʼuínlai ngatsʼi je familiali, miyoli kʼoa toʼyani xi meli.

 Jaon. Tsakui nichxin saʼnda ngisa koa̱nmeli chótʼayai ndʼaibi. Nga tíʼmiyale chjota ndʼaibi kui ngisa kuenta kjima jmeni xi machjénle. Alikui tikʼoamani joma ngasʼa, ndʼaibi chobayañá jme xi tichotʼayá, faʼaitʼa sén kʼoa kao video xi basenkaoná nga ngisa nda majinná.

 Tjínkʼa chjota xi ngisa nda majinle jmeni xi tso Biblia kʼianga tjín xi tsoyale, tonga kʼoati tjínkʼa xi toje kjoanla kotʼaya nga títjon. Jmeni xi faʼaitʼa jñani “Xi koasenkaoná nga chótʼayá Biblia” tso, koasenkaoli nga ngisa nda koa̱njinli jme xi tso Biblia. Tobʼelañá:

•   Video xi tsʼe Biblia: Video jebi tochoatse faʼa kʼoa kui tsoya jmeni xi machjén nga jchaa kʼianga tosʼa chotʼayá Biblia.

•   Jmeni xi chjonangiaa xi tʼatsʼe Biblia. Nkjín koya tjínni xi faʼaitʼa jmeni xi chjonangiaa xi tʼatsʼe Biblia.

•   Textos bíblicos explicados. Tsoya je én xi ñʼai tso kao josʼin tsoyanile jngo textole Biblia.