Jaon. Nga̱ je Jesús i kitso: “An nía xi ndiaa, an nía xi kjoakixi, an nía xi kjoabijnachon. Nitoʼyajin xi faʼaikonle Nʼainá, tsa tsian nga an” (Juan 14:6). Makjainnajin nga ya ngʼajmi jaʼaini Jesús kʼoa nga kui xá jaʼaini nga kitsjoa kjoabijnachonle nga tsakʼéchjíntjainá (Mateo 20:28). Kʼoa nga kʼoasʼin kinikʼien kʼoa jaʼáyanile, kui xi koasenkaoná nga so̱koná kjoabijnachon xi tsínkʼia fetʼa kʼiatsa koa̱nkjainná xi tʼatsʼe (Juan 3:16). Kʼoati makjainnajin nga je Jesús xi Rey sʼin tíjna ya ngʼajmi kʼoa nga jeme kjoaʼaikao kjoanyʼán ngakjijnda Sonʼnde (Apocalipsis 11:15). Tonga je Jesús i kitso: “Je Nʼainá ngisa títjon kaoni tsa an” (Juan 14:28). Je én jebi kʼoatso nga tsín tsa jejin Jesús je Niná xi ngisasa tse nganʼio tjínle, kʼoa kuinga tsín je bʼetsʼoasínilaijin.