Je én griego xi koanchjén nga kichji Biblia, je xi sakʼoa “yo̱ngo̱” sʼin faʼatoya, kui xotsole jngo jtín chjota xi kixi fitʼale Niná kʼoa ali tsa jejin je ʼnde.

 Tobʼelañá, je pastro Pablo kʼianga kiskile je chjotale Cristo xi tsakatio ya Roma, kisikasénle kjoatiʼnda je Áquila kao Priscila, kʼoa i kitsosa: “Kʼoatisʼin titiʼndao je yo̱ngo̱ xi ya batiojtín ya niʼyale” (Romanos 16:5, Nueva Versión Internacional). Je xi yo̱ngo̱ kitsole Pablo jé chjota xi ya tsakatiojtín ya ndʼiale Áquila kao Priscila, kʼoa jé xi kjoatiʼnda kisikasénle. a

 Kʼoa kuinga tsín yo̱ngo̱ ʼmisíni ya jña ʼyaxkuínjin Niná, tosa Ndʼia jña kotʼaya je testigole Jeobá tsakʼinlaijin.

 Nkjín koya tjínni anni. Kataʼyala kʼaa.

•   Ya jña biyojtínjin jngoní ndʼia, kʼoa yaa maña chjota.

•   Kui xá biyojtínnijin nga je Jeobá chʼasjengʼaijin, je Niná xi nchja̱ni Biblia, kʼoa nga bakoyaijin xi tʼatsʼe (Salmo 83:18; Isaías 43:12).

•   Kʼoati kui xá biyojtínnijin nga chotʼayaijin xi tʼatsʼe Chjotaxále Niná, je xi nʼio kinchja̱ni je Jesús (Mateo 6:9, 10; 24:14; Lucas 4:43).

 Koaan kʼuínchotsain ya Ndʼia jña chótʼayaijin xi chrian koa̱nli, ánsíni nga jchani jméni xi ma kʼianga batiojtín je testigole Jeobá.