Nʼio nkjín chjota xi jetjínle relijiónle xi mandosinle nga kui nokjoakaonijin tʼatsʼe Biblia. ʼYaníjin nga je chjota tjínle ʼnde nga je skoéjin jme xi koa̱nkjainle, kʼoa kuinga liʼya xi bʼenenilaijin nga katamakjainle jme xi ʼmiyaijin.

 Kʼianga ʼmiyaijin tʼatsʼe Énle Niná, bʼenelaijin yaonajin nga mangíntjenngijin jotso je Biblia nga kao “kjoandʼé kao kjoaxkóntakon” ʼmiyalaijin je chjota (1 Pedro 3:15). ʼYaníjin nga tsín tongatsʼi nga sa̱sénle je Énle Niná (Mateo 10:14). Tonga tsa tsínlani chjakoaijin toʼya chjotani, alikuijin josʼin jchanijin ʼyani xi koa̱nndosinle je Énle Niná. Kʼoa sakʼoani bʼantjaiya josʼin síkjaʼaitsjen je chjota.

 Tobʼelañá, tsaojinníjin je chjota xi tsín ale kʼoa likui nrʼoénajin nga kʼia, tonga nga ale nda basénñonajin. Tsakui nichxinje̱, tjín chjota xi kjoa faʼatojin kʼoa kui xosíkao nga básjai jotso je kjoatéxomale Niná xi faʼaitʼa ya Biblia. Kuinga kjitʼa mangínchonnilaijin je chjota.