Tsa jngo testigole Jeobá xi jekisʼenngindá xi tsín titsoyasonni kʼoa xi tsín tifini je kjoajtín xi satíonajin, ʼndele nga tokuinjíotokuinjin, tosaa binyakoaijin nga nda katabʼejna ijngokʼani ngixko̱n Niná.

 Kʼiatsa jngo testigole Jeobá xi kui jée koa̱njngí xi ai tíjna, ma bichonsjejin. Tonga ali tsa tokjoánjin kʼoanikao. Tsa tokʼoasʼinntsjai nga kjoaʼatone kjoatéxomale Niná kʼoa likui kʼoakoa̱nnile jéele, kʼianí nga bichonsjejin kʼoa alikui tiʼya xi je fákaoni. Je Biblia itso: “Chja̱ʼaxion tsokʼoa je chjotatsʼen xi tíjnajinno nga jon” (1 Corintios 5:13).

 Kʼoa jméni xi ma kʼiatsa jngo xi xʼin bichonsjejin tonga tsa je chjoónle kʼoa xtile tojo testigole Jeobá ma. Ningalani likui tiñatjen skoe̱xkónni Niná, je chjoónle kao xtile tojo tsjoake koa̱n nga̱ tojo xínkjín mani.

 Je xi jetsakichonsjejin koa̱n koai kjoajtínnajin, kʼoa tsa je xi kʼoasʼin mele kʼoati koa̱n sijéle nganʼio je xi chjotajchínga sʼin tjío ya jinjtín. Tsa sitjoson ijngokʼa je kjoatéxomale Niná koaan nga testigole Jeobá koa̱n ijngokʼani. Tsa ʼyani xi jetsakichonsjejin kʼoa likui tikui xi chʼaotjín kʼoasʼínni kʼoa bakó nga tísítjoson jotso kjoatéxomale Niná, koaan testigole Jeobá koa̱n ijngokʼa.