Jótjín mani je jaʼaínle Niná
Jmeni xi tso Biblia
Je Niná tojngo jaʼaín tjínle. Nga én hebreo isʼin chji יהוה kʼoa nga én kastia “Jehová” sʼin jaʼatoya. a Je profeta Isaías i kitsole je Niná: “Anña Jeobá. Kui jebi jaʼaínna” (Isaías 42:8). Je jaʼaínle Niná me 7,000 kʼa faʼaitʼa je rollo jchá xi kichjitʼa ngasʼa, tikʼoajinni joʼmile kʼoa jmesa jaʼaín xi faʼaitʼa ya Biblia. b
A tjíosale Jeobá xi kjaʼaí jaʼaín
Ningalani tojngo jaʼaín tjínle je Niná, tonga nkjín koya joʼmile xi bakó jokjoan. Ya recuadro faʼaitʼa kʼa josʼin bʼaijaʼaínle je Niná kʼoa josʼin tsoyanile. Josʼin bʼaijaʼaínle kui bakó jokjoan je Jeobá.
Josʼin bʼaijaʼaínle |
Jña faʼaitʼa Biblia |
Josʼin tsoyanile |
|---|---|---|
Alá |
(Lijña faʼaitʼa) |
Én árabe je én xi Alá tso. Ali tsa ñaki jaʼaínjin tokui josʼin bʼaijaʼaínle je “Niná”. Kʼianga jaʼatoya je Biblia nga én árabe kʼoa kao xi kjaʼaísa én, je én xi Alá tso Niná sʼin tsoyanile. |
Alfa kao Omega |
Je xi Alfa ʼmi, kui je letra xi fitsʼianile je alfabeto griego kʼoa xi omega ʼmi kui je letra xi fetʼani. Kui xi tsonile nga je Jeobá “xi títjon kʼoa xi fetʼa” tsa maije̱ “je xi totsʼinle kʼoa je xi ʼndatjonle”, kui xi tsonile nga tsínkʼia tsakʼejna jngo niná xi kʼoakji nganʼio kisʼele joni je kʼoa alikui kʼia kʼoéjna (Isaías 43:10). |
|
Joni jngo xi tii sínda |
Nga je tjínle ʼnde nga batéxomale chjota kao naxinandá, tojo sʼín jngo xi tii sínda nga je tjínle ʼnde josʼin sínda tii (Romanos 9:20, 21). |
|
Xi nʼio ngʼa tíjna |
Nga to je xi nʼiosa ngʼa xá tjínle. |
|
Chjotajchínga xi jekjoatse tíjna |
Nga tsín ʼya xi kisinda, xi tokʼoa tíjna saʼnda ngasʼa, tongini nga kjesa jme xi sʼe kʼoa nga kjesa ʼya xi manda (Salmo 90:2). |
|
Nga tojekjoan kataʼyaxkón |
Nga tsín tsjoáʼnde nga kjaʼaí niná sʼe̱tsʼoale. |
|
Xi kisinda |
Nga je kisinda ngayeje jmeni xi tjín. |
|
Niná |
Kʼoaʼmile tojmeni xi sʼetsʼoale kʼoa kʼoati ʼmile ʼyani xi nʼio taja. Je én hebreo xi ʼElohím tso, nkjín koya tínchja̱ni, jolani nga nʼio jeya tíjna, nga toje bakinle nga jchaxkón kʼoa nga nʼio nda chjota Jeobá. |
|
Niná xi tsjoa tjínle |
Kui bakó nga nʼio tsjoa tjínle (Salmo 104:31). |
|
Xi ñaki Niná |
Nga je Niná xi ngisasa ngʼa tíjna tikʼoajinni “je niná xi tsín jme chjíle” (Isaías 2:8). |
|
Maestro |
Xi bándiaaná kʼoa xi bakóyaná ánni nga nda kuiyoñá (Isaías 48:17, 18). |
|
Xi tsakʼénda |
Nga je tsakʼénda ngayeje jmeni xi tjín (Apocalipsis 4:11). |
|
Xi nrʼoé kjoabʼetsʼoa |
Nga nrʼoéná nga jngó jngoá kʼianga ñaki kʼoatjín tokoán nga bʼetsʼoalee. |
|
Nʼai |
Je xi tsjoá kjoabijnachon. |
|
Pastor |
Nga síkuinda xi je bexkón. |
|
Xi tsakatseyaná |
Nga je bʼasjentjainá xi tʼatsʼe jée kao kjoabiya nga kitsjoa kjoabijnachonle Jesús (Juan 3:16). |
|
Chjotatítjon xi batéxomantsjai |
Nga je xi tokʼoa tíjna saʼnda ngasʼa kʼoa nga kʼoéjna tokʼia saʼndani. |
|
Na̱xi̱ |
Nga je basenchjoaná kʼoa bʼasjentjainá. |
|
Xi bʼasjentjai |
Nga bʼasjentjainá kʼianga xkón biyoaa kʼoa nga ʼya xi mele síkʼienná. |
|
Xi nʼio tsje |
Nga toje xi nʼiosa tsje tikʼoajinni toʼyani. |
|
Nai |
Je én hebreo xi ʼAdhóhn kʼoa xi ʼAdhoním tso, nai tsonile kʼianga énná. |
|
Xi batéxomale ngayeje |
Nga toje xi tiʼndele batéxomale ngayeje jmeni xi tjín. Kʼianga én hebreo ’Adhonái bixoán. |
|
Tojé xi nʼiosa ngʼa tíjna |
Nga to je xi nʼio ngʼa tíjnale ngayeje jmeni xi tjín. |
|
Xi ngisasa tse nganʼio tjínle |
Nga nijmejinla kʼoa niʼyajinla xi bichóle jokji nganʼio tjínle. Nga én hebreo xi ’El Schaddái tso, “Niná xi ngisasa tse nganʼio tjínle” sʼin tsoyanile kʼoa ñato kʼa faʼaitʼa Biblia. |
|
Yahvé Sebaot, Señor de los ejércitos |
Isaías 1:9, Romanos 9:29, Biblia de Jerusalén, 1998 |
Nga je séntítjonle ngatsʼi ánkje xi tjío ngʼajmi. Kʼoati “Jeobá xi tsʼe chjotakjoajchán” ʼmile kʼoa tsa maije̱ “Nainá xi Naile sondado” (Romanos 9:29). |
An koa̱n jmeni xi mena koa̱n |
Nga tsín tsa tokuijin bakó nga tíjna kjoaixi je Niná, josʼin tsoyanile jaʼaínle kʼianga én hebreo kui xi tsonile nga kʼoasʼín tojmeni, tojoni nga kuitjoson jmeni xi tjínndajinle. Je én jebi kʼoati koa̱n i̱sʼin si̱kʼatoyaa “An xosʼian nga kʼoakatama” kʼoa tsa maije̱ “An koa̱n tojmeni xi koa̱nmena koa̱n”. Én jebi kui xi basenkaoná nga majinná josʼin tsoyanile je jaʼaínle Niná nga Jeobá ʼmi, tojosʼin faʼaitʼa Éxodo 3:15. |
Jaʼaínle ʼnde xi faʼaitʼa ya Escrituras Hebreas
Tjínkʼa jaʼaínle ʼnde xi faʼaitʼa ya Biblia xi me kʼoati ʼmi joʼmi je Niná, tonga ali tsakuijin xi tsonile nga kʼoati jaʼaínle Niná jebi.
ʼNde |
Jña faʼaitʼa Biblia |
Josʼin tsoyanile |
|---|---|---|
Jehová-nisí |
“Je Jeobá jéní choa̱ xi basenkaona”. Je Jeobá jngo Niná xi nda chjota nga̱ ma síjéle nganʼio je naxinandále kʼoa basenkao (Éxodo 17:13-16). |
|
Jehová-salom |
“Je Jeobá kjoanyʼánní”. |
|
Jehová-sama |
Ezequiel 48:35, Reina-Valera |
“Jékjoanni Jeobá xi ya tíjna” |
Jehová-yiré |
“Jé Jeobá tsjoáná xi machjénná”. |
Ánni nga nʼio chjísínile nga jchaa kʼoa nga si̱chjén je jaʼaínle Niná
Je Niná nʼio chjí be je jaʼaínle nga Jeobá ʼmi, nga̱ jmi kʼa tsakʼétʼa ya Biblia (Malaquías 1:11).
Je Jesucristo xi ʼndíle Niná ma, nkjín kʼa kʼoakitso jokji chjíle je jaʼaínle Niná. Tobʼelañá, kʼianga tsakʼétsʼoale Jeobá i kitso: “Kataʼyaxkón jaʼaínli” (Mateo 6:9; Juan 17:6).
ʼYani xi be kʼoa xi síchjén je jaʼaínle Niná kui bakó nga mele miyole koa̱n (Salmo 9:10; Malaquías 3:16). ʼYani xi kʼoasʼin símiyo tse kjoanda sokóle. Je Niná itso: “Nga kʼoasʼin tsjoakena je, kʼoasjentjaiña. An sikuinda nga̱ be je jaʼaínna” (Salmo 91:14).
Ya Biblia itso: “Nda tsa kʼoasʼin tjín xi Niná ʼmile, axo ya ngʼajmi, axo i̱ sonʼnde (nga kʼoasʼin nkjín niná tjín, kʼoa nkjín xi nai ma)” (1 Corintios 8:5, 6). Nga ʼyaa je jaʼaínle Niná nga Jeobá ʼmi, kʼoasʼin ʼyañá nga je Niná xi kixi (Salmo 83:18).
a Tjínkʼa chjota chjine hebreo xi “Yahweh” kʼoa “Yahvé” sʼin síkʼatoya je jaʼaínle Niná.
b Je jaʼaín xi Jah tso ñachantela kʼa faʼaitʼa Biblia. Tobʼelañá, je én xi Aleluya tso, chʼa̱sjengʼao Jah sʼin tsoyanile (Apocalipsis 19:1).
Tsa kʼoati meli jchai xi tʼatsʼe jebi
JMENI XI CHJONANGIAA XI TʼATSʼE BIBLIA
ʼYáni xi Jeobá ʼmi
Jé xi Niná ma jngo tjíjtsa Sonʼnde, ali tsa to jngojin naxinandá kjinentsja.
XI MACHJÉN NGA JCHAA
A tjínle jaʼaín je Niná
Nkjín koya josʼin ʼmile Niná, jolani xi kisindaná, Señor kʼoa Nʼainá. Tonga je xi ñaki jaʼaínle kjoanni ñatola jmi kʼa faʼaitʼa ya Biblia.
XI TʼATSAINJIN
Tijái nga kataʼmiyali Biblia
Kataʼyai jme xi tsoya Biblia kʼoa tsa tʼatsʼe testigole Jeobá.