Yaa Biblia faʼaitʼa je kjoafaʼaitsjen xi ngisa nʼio nda basenkaoná. Tsa kjitʼa kʼoéxkiaa, si̱kjaʼaitsjenjiaan kʼoa kʼoasʼiaan jmeni xi tso, nda kuiyoaa (Josué 1:8; Salmo 1:​1-3). Kʼianga kʼoéxkiaa Biblia kʼoati jchaa xi tʼatsʼe Niná kao tʼatsʼe ʼNdíle, kʼoa kui xi koasenkaoná nga kuitjo̱ntjé (Juan 17:3).

Nkjín koya josʼin koa̱n kʼoéxkiaa je Biblia. Tsa si̱chjain programa jebi koaan kʼoéxkia chʼin chʼin, kʼoa tsa maije̱ koaan chjoéjin jmé tʼatsʼeni xi meli kʼoéxkiai. Tobʼelañá, koaan kʼoéxkiai josʼin tsakatiokao Niná je naxinandá Israel. Kʼoa tsa maije̱ kui kʼoéxkiai jósʼin kitsʼiani jtín xi tsʼe chjotale Cristo kʼoa jósʼin koannkjínya. Tsa jao jan capítulo kʼoéxkiai nga nyaon nyaon, jngo nó kʼoéxkiani ngakjijngo je Biblia.

Tsa meli jchai jósʼin koa̱n kʼoéxkiai Biblia, tsa meli nga nyaon nyaon kʼoéxkiai kʼoa tsa meli nga jngo nó kʼoéxkiani ngayeje, je programa jebi koasenkaoli. Tʼetsʼiakaoni ndʼai. Chʼa̱jain programa jebi xi ʼmi Jósʼin koa̱n kʼoéxkiai Biblia kʼoa tsa maije̱ koaan sʼiain imprimir.