Nga jenichxin fetʼa tiyoaa sa ñʼai sa ñʼai koa̱nchon, ngisaa sʼe̱ kjoasi, ni̱kjeson chjota kʼoa sʼee kjoajchán (Ap 6:4). Jméni xi koa̱n sʼiaan nga tongini kuiyondaa nga kjesa kui kjoa bitjatojinjián.

• Ñaki kʼoakʼoé tokoán nga kixi kjuintʼalee Niná. Si̱kjaʼaitsjenjiaan jmeni xi tso je Biblia kʼoa kao choa̱ xi ya faʼaitʼa, xi koasenkaoná nga ngisa koa̱nnʼiotʼaa je Jeobá, je naxinandále kʼoa xi koasenkaoná nga kixi kjuintʼalee je Niná (Pr 12:5; jr-S 125, 126 párr. 23, 24). Machjén nga si̱miyoaa ndʼaibi je ndsʼee xi tjío ya jinjtín (1Pe 4:7, 8).

• Tongini koationda xi koa̱nchjénná. Tongini koationda je tsojmi xi ma chine kʼoa tongini chósonnilee josʼiaan tsa tiya ndʼianá kuiyoñá. Tongini kʼoéndajiaan jósʼiaan kʼiatsa tjínnele tokjitʼanangi kuitjoaa. Chótʼaa jmeni xi tjíoya je mochila xi jetíjnandaná, koaan kʼoéjnaya choaa tao̱n kʼoa jmesani xi koa̱nchjénná, jolani tsa guante kʼoa tsa jmeni xi kʼoéʼa nkjaan. Kʼoati kuenta sʼiaan tsa tjíole je xi chjotajchínga sʼin tjío je númerole teléfononá kʼoa tsa kʼoati tjíoná je númerole (Is 32:2; g-S17.5 3-7).

Kʼianga jekjoasi tjín, alikui kuinjíotokoán je xále Niná (Flp 1:10). Si̱tjosoán jmeni xi kʼuínná kʼoa tokʼiakjoán kuitjoaa tsa nʼio tjín xá (Mt 10:16). Kʼoai choalee xi ngikʼa jmeni xi tjínná (Ro 12:13).

KʼIANGA JECHÓTSENLAI JE VIDEO A TIJNANDANÍ TSA TOTSENI TJÍN XI KOA̱N, CHÓTʼAYAJIN KJOACHJONANGI JEBI:

• Jósʼin basenkaoná je Jeobá kʼianga kjoa sʼe.

• Jméni xi koa̱n sʼiaan nga tongini kuiyondaa.

• Jósʼin kuinyakoaa xíngiaa.