22-28 sá julio
SALMOS 66-68
Kjoajnda 7 kao kjoabʼetsʼoa | Én xi sʼe̱tsʼiakaoni (1 min.)
1. Jé Jeobá basenkaoná nga nyaon nyaon
(10 min.)
Je Jeobá nrʼoéná kʼianga bʼetsʼoalee (Sl 66:19; w23.05 12 párr. 15).
Je Jeobá kuenta sʼín je xi ma̱ tjíosíjchá yaole (Sl 68:5; w10-S 1/12 23 párr. 6; w09-S 1/4 31 párr. 1).
Je Jeobá nyaon nyaon basenkaoná (Sl 68:19; w23.01 19 párr. 17).
TIKJAʼAITSJENJIN JEBI: Jméni xi sʼiaan nga kʼoaiʼndelee Jeobá nga je katabasenkaoná.
2. Kjoásjaiyaa én xi nʼio chjíle xi nya Biblia
(10 min.)
-
Sl 68:11. ʼYáni xi “jo chjotakjoajchán chon” tsole texto jebi (w24.01 16 párr. 3).
-
Jméni xi koansjaino jña koanxkia Biblia xomana jebi.
3. Jña koa̱nxkia Biblia
(4 min.) Sl 66:1-20 (th kjoaʼmiya 11)
4. Katamali josʼin chja̱kaonajmí chjota
(3 min.) NGA XKI̱ NDʼIA ʼMIYASOÁN. Je chjota kjaʼaísʼin ngale (lmd kjoaʼmiya 5 punto 3).
5. Tʼinchón ngindialai
(4 min.) NGA XKI̱ NDʼIA ʼMIYASOÁN. Tosi tonda kui chótʼayajion je tratado xi tsakajnalai je chjota nga sa kichochonlai (lmd kjoaʼmiya 9 punto 3).
6. Tʼinyalai
Kjoajnda 102
7. Kuinyakoaa xíngiaa nga tsínkui nʼio katasíkjáojin je kjoa xi tjíofaʼatojin
(15 min.) Kao je jtín chótʼayajin.
Ñá xi choʼndale Jeobá maa, alikui toñá tiyoaa ninga tse kjoa bitjatojiaan (2Cr 20:15; Sl 127:1). Jé Jeobá basenkaoná (Is 41:10). Kui Biblia kao naxinandále síchjén nga kʼoatsoná jósʼiaan kʼianga kjoa bitjatojiaan (Is 48:17). Tsjoáná je nganʼiotsjele (Lu 11:13). Kʼoa jé ndsʼee síchjén Jeobá nga sínʼio tokoán kʼoa nga binyakaoná (2Co 7:6). Jé Jeobá xosʼín nga binyakoaa je ndsʼee ánni nga tsín nʼio katasíkjáojinni je kjoa xi tjíofaʼatojin.
Takui je VIDEO Koakolee kjoatsjoacha je xi tjío ya jinjtín: Xi jekoanjchínga. Xijekoa̱n, chjónangi jebi:
-
Jósʼin kuinyakoaa je ndsʼee xi jekoanjchínga nga tsínkui nʼio katasíkjáojin je kjoa xi tjínle.
Takui je VIDEO Koakolee kjoatsjoacha je xi tjío ya jinjtín: Xi ñaki to xále Niná tjíosʼín. Xijekoa̱n, chjónangi jebi:
-
Jósʼin kuinyakoaa je ndsʼee xi ñaki to xále Niná tjíosʼín nga tsínkui nʼio katasíkjáojin je kjoa xi faʼatojin.
Takui je VIDEO Koakolee kjoatsjoacha je xi tjío ya jinjtín: Xi xin naxinandále. Xijekoa̱n, chjónangi jebi:
-
Jósʼin kuinyakoaa xi xin tsʼe nga tsínkui nʼio katasíkjáojin je kjoa xi faʼatojin.
