JONʼIA XI CHJOTALE CRISTO MAA
Jósʼiaan nga ndasa kʼuínyasoán: Tʼinyalai je xi tibʼailai estudio nga katabʼejnanda
ÁNNI NGA NʼIO CHJÍNILE: Tsa tongini kʼoéjnanda je xi tibʼailai estudio, ngisaa ngotjo koa̱njinnile kʼoa ngisaa ngotjo kjoaʼaítsjennile jmeni xi ʼmiyaa. Jebi kui xi koasenkao nga ngisa ngotjo koa̱ntajani kjoamakjainle. Kʼianga jekoaisʼenngindá tojo koa̱nchjénle nga tongini kʼoéjnandale je kjoajtínná kʼoa nga mangínkʼinyasoán, kui jebi xi koasenkao nga tjenyatokon kʼoéjna (Mt 25:13). Nʼio koasenkao tsa kʼoasʼin singale yaole nga tongini kʼoéjnandale jmeni xi chotʼayá. Josaʼnda kʼianga títjon kʼoailee je estudio, kuisenkoaa nga tongini katabʼejnandale je kjoaʼmiya jñani chótʼayá.
JÓSʼIAAN:
-
Nda choa̱ tʼejnalai (Ro 2:21). Je kuenta tʼiain je xi tibʼailai estudio nga kuijnandalai jme xi kʼuínyalai (km 11/15 p. 3). Takolai nga tjíchoa̱li je xo̱nli.
-
Kʼoatʼinlai nga tongini katabʼejnanda. Kʼianga jekjitʼa chótʼayao kʼoatʼinlai josʼin koasenkao tsa tongini kʼoéjnanda. Tʼailai kjoafaʼaitsjen jmeni xi koa̱n sʼin nga sikʼaya nichxin nga skótʼaya. Tjínkʼa je ndsʼee xi kui síkinyale je xo̱nle xi jetjíchoa̱le kʼianga bakóyale ánni nga beni josʼin basenkaoná nga bʼechoaa je xo̱nná. Kʼiatsa tongini kʼoéjnanda je xi tibʼailai estudio kʼoatʼinlai nga nda kasʼín.
-
Tʼinyalai josʼin kʼoéjnanda. Kʼianga tosʼa bʼétsʼiakao nga tsjoále estudio je chjota tjínkʼa publicador xi kui bakóyale josʼin tongini koationdale jmeni xi skótʼaya.