29 sá abril–5 sá mayo
SALMOS 34, 35
Kjoajnda 10 kao kjoabʼetsʼoa | Én xi sʼe̱tsʼiakaoni (1 min.)
1. “Kʼoasjengʼa ʼndeʼndeña je Jeobá”
(10 min.)
Je David tsakʼasjengʼaa je Jeobá ninga kʼia nga tse kjoa jaʼatojin (Sl 34:1; w07-S 1/3 22 párr. 11).
Je David ñaki tsjoa tjín kon nga kinchja̱ni xi tʼatsʼe Jeobá kʼoa tsín toje tsakʼasjengʼa yaole (Sl 34:2-4; w07-S 1/3 22 párr. 13).
Nga tsakʼasjengʼa Jeobá je David tsakinyakao xi kjaʼaí (Sl 34:5; w07-S 1/3 23 párr. 15).
Jé Jeobá tsakasenkao David nga tsín jokisikao Akís, xi kʼoati Abimélec tsakʼin. Xijekoan 400 chjota kichotjenngile ya ʼndekixí xi ya kitsjoanganʼiole. Chjota jebi alikui nda kikao rey Saúl (1Sa 22:1, 2). Tsakui nichxin je chjota jebi kisikjaʼaitsjen David nga kiski jotso Salmo 34 (Sl 34, én xi tjítʼa jña fitsʼiani capítulo).
TIKJAʼAITSJENJIN JEBI: “Kʼianga ʼya xi kjoakaonajmía nga sʼe̱jna kjoajtín, jméni xi koa̱n xián xi kʼoasjengʼa je Jeobá”.
2. Kjoásjaiyaa én xi nʼio chjíle xi nya Biblia
(10 min.)
-
Sl 34:7. Jméni xi kisikjaʼaitsjen David nga i̱ kitso: “Tsoʼba jngotjondaile”. Kʼoa jmé xi bakóyaná jebi (w22.01 6 párr. 12, 13).
-
Jméni xi koansjaino jña koanxkia Biblia xomana jebi.
3. Jña koa̱nxkia Biblia
(4 min.) Sl 34:1-22 (th kjoaʼmiya 5)
4. Katamali josʼin chja̱kaonajmí chjota
(2 min.) TOJÑANI TITSOMAA. Kʼia tikjetʼai én nga kjesa chjakaonajmíjinni chjota xi tʼatsʼe Biblia (lmd kjoaʼmiya 1 punto 4).
5. Tʼinchón ngindialai
(4 min.) TOJÑANI TITSOMAA. (lmd kjoaʼmiya 2 punto 4).
6. Tʼeyanajmí josʼin makjainli
(5 min.) Xi faʼachoya. lff kjoaʼmiya 44 punto 1-3. Xi kuinchja̱ni: Jméni xi kuenta sʼín je testigole Jeobá tsa koa̱n kʼoasje jngo sʼuí kʼoa tsa mai (th kjoaʼmiya 17).
Kjoajnda 59
7. Jan koya josʼin chʼasjengʼaa Jeobá ya jinjtín
(15 min.) Kao je jtín chótʼayajin.
Kʼianga satíoná kjoajtín jé Jeobá chʼasjengʼaa. Janla koya kataʼyaa.
Kʼianga chobanajmiá. Kui cho̱bayañá jokji nda chjota Jeobá (Sl 145:1, 7). Koaan kʼoakʼuínlee je xi chja̱kaonajmiá josʼin tsakasenkaoná tsa jmeni xi tsakʼexkiaa kʼoa tsa jmeni xi kinoʼyalee. Tsa nda kinrʼoéná chjota nga tsakʼinyasoán. Jósʼin tsakasenkaoná jmeni xi kitso je ndsʼee kʼoa jmeni xi kisʼin. Jméni xi nʼio tsjoachaa xi kisinda Niná. Tʼatsʼe Jeobá nroani ngayeje kjoanda jebi (Snt 1:17). Koaan cho̱bayañá jebi kʼiatsa tongini kuichoaa nga kjesa fitsʼiajin kjoajtín.
Nga bʼé comentario. Koaan kʼoee comentario tsa jngokʼa kʼoa tsa nkjínsa kʼa (Sl 26:12). Tokuikjoán kʼoakuixoán jme xi tíchjonangi, kʼoati koa̱n kui si̱kʼaxkiaa jmesani xi majngokao jme xi tíchjonangi, koaan jngo texto kuixónyaa kʼoa tsakuije̱ jmeni xi bakóyaná je sén xi faʼaitʼa. Kʼoati koa̱n kui kʼoakuixoán jósʼin koasenkaoná jme xi tíchotʼayajin. Nkjín comentario si̱katíondaa ánni nga kʼoakaoniná kuinókjoaa. Tsa to 30 segundo kuinókjoaa kʼoa tsa ngisasa choa, nkjínsa ndsʼee xi koa̱n tsjoá comentario nga kʼoasjengʼa Niná (Heb 13:15).
Kʼianga jndaa. Kao kjoatsjoa kuijndá (Sl 147:1). Sakʼoajin tsín kʼoakaoná comentario kʼianga satíoná kjoajtín, ngisaa tsa nkjín mani xi bichó. Tonga koaan kuijndálee je Niná. Kʼoa ninga kʼoasʼin nikjaʼaitsjeen nga tsín maná jndaa, tsjoa sʼe kon Jeobá nga jndalee (2Co 8:12). Tonga kʼoati koa̱n nga tongini chótʼayá ya niʼyaná.
Takui je VIDEO Jokoan ngasʼa kʼoa jokjima ndʼai: Kjoajnda xi bʼasjengʼa Jeobá (xi títjon). Xijekoa̱n, chjónangi jebi:
Jósʼin tibakoá saʼnda nichxin kjoatse nga chjí ʼyatokoán nga jndalee Jeobá.
