17-23 sá marzo
PROVERBIOS 5
Kjoajnda 122 kao kjoabʼetsʼoa | Én xi sʼe̱tsʼiakaoni (1 min.)
1. Kuinyaxinlee je kjoachajngi
(10 min.)
Tsakui nichxin kʼoasʼin si̱kjaʼaitsjeen nga tsín chʼaotjín nga nichajngiaa (Pr 5:3; w00-S 15/7 29 párr. 1).
Kʼianga nichajngiaa nʼio tse kjoa biyojiaan nga maskanni (Pr 5:4, 5; w00-S 15/7 29 párr. 2).
Kuinyaxinlee je kjoachajngi (Pr 5:8; w00-S 15/7 29 párr. 5).
Je tichjaa alikui tsjoále númerole je ti xi kui síjéle.
2. Kjoásjaiyaa én xi nʼio chjíle xi nya Biblia
(10 min.)
-
Pr 5:18, 19. Jósʼin tíjna ngixko̱n Jeobá kʼianga xínkjín fayokao je chjota (lff kjoaʼmiya 41 punto 1).
-
Jméni xi koansjaino jña koanxkia Biblia xomana jebi.
3. Jña koa̱nxkia Biblia
(4 min.) Pr 5:1-23 (th kjoaʼmiya 5)
4. Katamali josʼin chja̱kaonajmí chjota
(3 min.) JÑANI NKJÍN CHJOTA TJÍN. Kʼoatʼinlai nga katafi nga kjoaʼaítsjenya Kjoabiyale Cristo jngo chjota xi tsín makjainle xi tʼatsʼe Jesús. Tʼinyalai jósʼin koasjai ya jw.org nga skoe̱ jñáni chrian koa̱nle (lmd kjoaʼmiya 6 punto 4).
5. Tʼinchón ngindialai
(4 min.) NGA XKI̱ NDʼIA ʼMIYASOÁN. Kʼianga sa kichjakaonajmí je chjota kiskoé je xo̱n xi nikʼabísoán nga faʼaitsjenya Kjoabiyale Cristo kʼoa koanndosinle (lmd kjoaʼmiya 9 punto 5).
6. Tʼinyalai
(5 min.) lff kjoaʼmiya 16 “Xi kachotʼayá”, “Jmé xi kamajinli” kao “Kʼoatʼiain jebi”. Je chjota xi Biblia ʼmiyalai kʼoatso tsa chixan Jesús. Tʼinyalai nga jesoa katabásjaiya (lmd kjoaʼmiya 11 punto 4).
Kjoajnda 121
7. Tsje tangínkao yaono kʼiatsa sʼa titsomakao xíngio
(15 min.) Kao je jtín chótʼayajin.
Kuinga xínkjín bʼetsomakaoni jngo chjoón kao jngo xʼin nga kjimatsjoake xínkjín. Nga xínkjín tjíotsomakao sakʼoa nkjín mani nga bʼetsoma kʼoa tsa toje bʼetsomakao xínkjín, tsa jetjíojinle xi ngikʼa kʼoa tsa kje ʼya xi jotsojinle nga xínkjín tjíotsomakao. Tsa ñaki fáo nga̱ʼa, tsa teléfono nchja̱le xínkjín kʼoa tsa to mensaje síkasénle. Ñá xi testigole Jeobá maa ali tsa tokjoaskájin maná nga xíngiaa bitsomakoaa, kuinga kʼoanʼiañá nga mená kuixaan. Ni sʼa xtiaa kʼoa ninga jejchíngaa, jméni xi sʼiaan nga tsje koanngínkoaa yaoná kʼiatsa tjín xi titsomakoaa (Pr 22:3).
Takui je VIDEO Jósʼin kuiyondaa kʼiatsa mená kuixaan. Xi títjon: A jetijnanda nga tjín xi kʼoamjekoa (video xi tochoa tíjna). Xijekoa̱n, chjónangi jebi:
-
Kʼiatsa kje tsojin kon nga kuixan jngo chjoón kʼoa tsa jngo xʼin, ánni nga tsín koa̱n xínkjín kʼoétsomakaoni (Pr 13:12; Lu 14:28-30).
-
Jméni xi ngisa sasénli josʼin tsakasenkao tsotile je xijchá xi bakó je video.
Tʼexkiai Proverbios 28:26. Xijekoa̱n, chjónangi jebi:
-
Jmé xi tjínnele sʼin je xi xínkjín tjíotsomakao nga tsín kjoachajngi jtsaojin.
-
Ánni ndatjínni nga tongini kjaoyani je xi xínkjín tjíotsomakao josʼin koakole kjoatsjoacha xínkjín, jolani tsa ntsja skoé xínkjín kʼoa tsa kʼoendsoʼa xínkjín.
Tʼexkiai Efesios 5:3, 4. Xijekoa̱n, chjónangi jebi:
-
Jmé xi tjínnele kuenta sʼin je xi xínkjín tjíotsomakao jotso én kjoakao xínkjín kʼiatsa teléfono kuinchja̱le kʼoa tsa mensaje sikasénle xínkjín.
8. Nga chotʼaya Biblia
(30 min.) bt kjoaʼmiya 24 párr. 1-6
