6-12 sá mayo
SALMOS 36, 37
Kjoajnda 87 kao kjoabʼetsʼoa | Én xi sʼe̱tsʼiakaoni (1 min.)
1. Ali yaolijin nijtilai tʼatsʼe jme xi sʼín je chjota
(10 min.)
Je chjota totaon bená kʼoa síkiʼaonná jme xi sʼín (Sl 36:1-4; w17.04 11 párr. 4).
Kʼoati síkiʼaonná nga yaoná nijtilee tʼatsʼe jme xi sʼín je chjota (Sl 37:1, 7, 8; w22.06 10 párr. 10).
Nda sʼe tokoán nga makjainná jmeni xi tsoná Jeobá nga sʼin (Sl 37:10, 11; w03-S 1/12 13 párr. 20).
TIKJAʼAITSJENJIN JEBI: “A kui nio sisian jmeni xi sʼín kʼoa jmeni xi tso je chjota”.
2. Kjoásjaiyaa én xi nʼio chjíle xi nya Biblia
(10 min.)
-
Sl 36:6. Jngo xi kiski Salmo kʼoakitso nga “je kjoatéxomakixile Jeobá yaa mangóson je nindo xi síxkón kji ngʼa” kʼoa je nota kʼoatso nga ya “mangóson je nindole Niná”, jmé xi kinchja̱ni (it-2-S 424).
-
Jméni xi koansjaino jña koanxkia Biblia xomana jebi.
3. Jña koa̱nxkia Biblia
(4 min.) Sl 37:1-26 (th kjoaʼmiya 10)
4. Katamali josʼin chja̱kaonajmí chjota
(3 min.) NGA XKI̱ NDʼIA ʼMIYASOÁN. (lmd kjoaʼmiya 1 punto 5).
5. Tʼinchón ngindialai
(4 min.) TOJÑANI TITSOMAA. Kʼoatʼinlai tsa mele skótʼaya Biblia je chjota xi kaile kotʼaya ngasʼa (lmd kjoaʼmiya 9 punto 4).
6. Kjoanokjoaya
(5 min.) w14 1/10 pág. 31. Xi kuinchja̱ni: Tojo tso Salmo 37:25, a kui xi tsonile nga nikʼiajin tsjoáʼnde Jeobá nga jngo chjotale Cristo ñʼai koa̱nle je tsojmi xi ski̱ne (th kjoaʼmiya 13).
Kjoajnda 33
7. A tiyondañá kʼiatsa totseni kjoaxkón kjoaʼaínená
(15 min.) Kao je jtín chótʼayajin.
Kʼianga kjoaxkón sʼe kʼoa tsa jme xi sʼín chjota, je ndsʼee síchaa jmeni xi tjínle kʼoa tjínkʼa xi sícha xínkjín (Sl 9:9, 10). Nga toʼima nga kjoaxkón faʼainená kuinga machjénni nga tongini kuiyondaa.
Jmésani xi koa̱n sʼiaan tsa jetjíondaná xi koa̱nchjénná. a
-
Alikui koa̱n nga nʼio si̱kjáojiaan. Si̱kjaʼaitsjenjiaan nga toxá kjoaxkón sʼeni kʼoa kui kuenta sʼiaan jósʼin kuiyondalee tsa kʼoakoa̱n. Kʼiatsa tsínkui nʼio tjentʼalee jmeni xi tjínná ngisaa jchaa josʼiaan kʼoa tsínla kui si̱kjaʼaitsjeen kʼiatsa machjén nga kjitʼanangi kuitjoaa ya jñani tsaan kʼoa tsakuije̱ nga kuinyakoaa xíngiaa (Gé 19:16; Sl 36:9). Kʼianga jekafaʼato kjoaxkón, alikui nʼio si̱kjáojiaan tsa tsín tikui si̱kjaʼaitsjenjinñá je tsojmi xi kinichaa (Sl 37:19).
-
Tosi tonda nʼio katasʼejna je kjoamakjainná. Je Jeobá si̱nʼiotʼaa kʼoa ñaki kʼoéjngoaa tokoán nga je sikuindaná (Sl 37:18). Kuenta sʼiaan nga je Jeobá síkuindaa choʼndale kʼoa bándiaale ninga tsín tijme xi tjínnile (Sl 37:23, 24; Jer 45:5).
Nga tjínjngo tokoán nga sitjoson jmeni xi tso Jeobá, tsjoánganʼioná kʼianga kjoa faʼainená (Sl 37:39).
Takui je VIDEO A tijnandaní tsa totseni tjín xi koa̱n. Xijekoa̱n, chjónangi jebi:
-
Jósʼin basenkaoná Jeobá nga toʼima kjoaxkón faʼainená.
-
Jméni xi sʼiaan nga tongini kuiyondaa.
-
Jósʼin koa̱n kuinyakoaa je xi kjoaxkón bichóne.
8. Nga chotʼaya Biblia
(30 min.) bt kjoaʼmiya 9 párr. 8-16
