Tsa toñá kuinókjoaa. Alikui koa̱n tsa toñá kʼoakuixoán ngayeje jmeni xi tibakoyaa. Kʼianga kitsoya je Jesús kjoachjonangi kisichjén (Mt 17:24-27). Kʼianga kjoachjonangi nichjén nga bakoyaa ngisa tsjoa sʼená nga bakoyaa kʼoa ʼyañá jmeni xi makjainle je chjota xi tibʼailee estudio kʼoa tsa kjimajinleje̱ jmeni xi tiʼmiyalee (be-S p. 253 párr. 3, 4). Kʼianga jmeni xi chjónangilee je chjota xi tiʼmiyalee, tsejta katamaa kʼoa chóyala josaʼnda nga tsjoá énle. Kʼiatsa tsín be jokuitso, alikui koa̱n ñá kʼoakuixoán, tosa kjaʼaí kjoachjonangi si̱katíolee xi koasenkao nga koa̱njinle (be-S p. 238 párr. 1, 2). Tojbi jbi kuinókjoaa nga koa̱njinle je chjota jmeni xi kje bejin (be-S p. 230 párr. 4).

Tsa toxkia kuinyandoné én. Alikui koa̱n kʼoakʼuínyejelee jmeni xi ʼyaa tʼatsʼe kjoaʼmiya xi tibakoyalee (Jn 16:12). Tokuikjoan kʼuínyalee jmeni xi nʼio tínchja̱ni je párrafo (be-S p. 226 párr. 4; p. 227 párr. 1). Kʼiatsa toxkia kuinyandoné én chjota ninga nʼio tjínle kjoandosin jmeni xi kuixoán, likuijinni koa̱njinle jmeni xi nʼio tínchja̱ni je kjoaʼmiya (be-S p. 235 párr. 3). Kʼiatsa jekamajinle je chjota xi tibʼailee estudio kuitjákoaa párrafo xi fisani.

Josʼin koakoyaa je párrafo. Ali tsa tokʼoéxkiajinlee jmeni xi tso je kjoaʼmiya xi tibakoyalee je chjota xi bʼailee estudio, je xi mená kuinga ñaki katabichókajin ni̱ma̱le (Lu 24:32). Nda si̱chjén je Énle Niná nga koakoyaa je testo xi nʼio tínchja̱ni je kjoaʼmiya (2Co 10:4; Heb 4:12; be-S p. 144 párr. 1-3). Si̱chjén choa̱ xi ngotjo koa̱njinnile je xi tibʼailee estudio (be-S p. 245 párr. 2-4). Kuenta sʼiaan jmeni xi ñʼai male kʼoa kao jmeni xi makjainle kʼoa kʼoasʼin jchañá josʼin kʼuínyalee. Koatiolee kjoachjonangi jebi: “Jósingái ji tʼatsʼe jmeni xi kachotʼayá. Jméni xi bakóyaná xi tʼatsʼe Jeobá. Jósʼin koasenkaoná tsa kjuintjenngiaa je kjoafaʼaitsjen xi kachotʼayá” (be-S p. 238 párr. 3-5; p. 259 párr. 1).