NDA KOAKOYAA ÉNLE NINÁ
Jósʼiaan nga ndasa kʼuínyasoán: kʼoakʼuínlee nga katafi kjoajtín je chjota xi mandosinle Énle Niná
ÁNNI NGA NʼIO CHJÍSÍNILE NGA KʼOASʼIAAN: Je kjoajtín xi satío jndalee kʼoa chʼasjengʼañá je Jeobá nga xki̱ xomana (Sl 149:1). Kʼoati ya ʼmiyaná nga kʼoasʼiaan josʼin mele Niná (Sl 143:10). Je chjota xi mandosinle kʼoa kao xi bʼailee estudio kʼianga fi kjoajtín ngisaa ngotjo matajani je kjoamakjainle.
JOKOA̱N SʼIAAN:
-
Kʼoakʼuín ndi̱to̱nlee nga katafi kjoajtín je chjota xi jtsaojiaan, ninga tsín estudio tibʼailee (Ap 22:17).
-
Je chjota xi mandosinle Énle Niná kʼoakʼuínlee jmeni xi ma kʼianga satíoná kjoajtín kʼoa kʼoéyanajmílee jmeni xi kjoaʼa xi ngindia. Je xi koasenkaoná kui je xo̱n xi sʼeyole chjota nga katafi kjoajtín, je video Jméni xi ma kʼianga biyojtínjin kʼoa kao ya kjoaʼmiya 5 kao 7 xi tsʼe foyeto ʼYáni xi kʼoatjíosʼín ndʼaibi josʼin mele Jeobá.
-
Kuisenkoaa tsa jmeni xi ñʼai koa̱nle. Tobʼelañá, tsa tsín be jñani sʼejna kjoajtín kʼoa tsa tsín be jokjoan najño kʼoakjá. Kʼoa ya kjoajtín ya kuijnatʼalee kʼoa koakolee je xo̱n xi chotʼayá. Koakolee je ndsʼee xi bichó kjoajtín nga katabexkon.
