JOSʼIN BʼAINGANʼIOÁ KAO TAO̱N. Nʼio tse tao̱n feya nga sokó yáxile xi ndakjoan jñani biyoné, nga nda noʼyale sonido kʼoa nda matsen video, kʼoa jmesani xi machjén nga sʼejna kjoajtíntsená kʼoa nga machriantʼasalee Jeobá. Je tao̱n xi batio kʼoasʼin kjimachjén nga kjimachjí ngayeje jebi kʼoa nga tífisonsa Énle Niná jngo tjíjtsa Sonʼnde. Tsa ji xi meli kʼoainganʼiui, tjío ngakjijnda jñani sʼejna kjoajtíntse je kaxa̱ xi cajas de contribuciones tso. Kʼoati koa̱n kui si̱chjáin je página xi tíjnanajin ya Internet nga kʼoainganʼiui, ya donate.pr418.com. Bʼaile kjoanda ngatsʼi jotjín mani xi kʼoasʼin tsjoánganʼio. Je Cuerpo Gobernante kʼoati tsjoáno kjoanda nga kʼoasʼin bʼainganʼio xi tʼatsʼe xále Niná.

PRIMEROS AUXILIOS. Departamento jebi toje sísinle chjota xi tokʼia tjín xi kamale.

TSOJMI XI CHA. Tsa jngo tsojmi koa̱nsjaili xi kacha, ya tʼinkoai ya Departamento de Objetos Perdidos. Kʼoa tsa tjín xi kachali, koaan ya tʼinkjasjai ya ʼnde jebi. Kʼoati koa̱n ya kʼuínkoai tsa jngo tiʼndí kʼoa tsa tsotiʼndí kacha. Tonga nga tsín kʼoakatama, tikuindao ʼndíxtino kʼoa ali tojejin nikatío.

XI KOAISʼENNGINDÁ. Yaa sa̱tíole ʼnde xi tjíotítjon jñani tíjna plataforma je xi koaisʼenngindá, tsa mailani kʼiaa kʼoakʼuínle. Je xi koaisʼenngindá jetjínnele ya tjíone yáxilele tongini nga kjesa fitsʼiajin kjoanokjoaya xi kʼoaile nga xoto tanjio. Tjínnele kʼoa̱ toallale kʼoa kao najño xi sichjén xi tsín chʼaosʼin matsen.

XI MELE SIXÁ. Tsa meli kʼoainganʼiui nga si̱xái ya kjoajtíntse, tʼin ya Departamento de Información kao Servicio Voluntario.

XI SIKATÍONDANÁ. Je xi kui xá sʼe̱le koaan koasenkaoli. Kʼoatʼiain jokuitsoli xi tʼatsʼe jña sʼeyo carro, jñani koa̱n kuitjá, ʼnde xi si̱katioá kʼoa jmesani xi kjaʼaínile.

YÁXILE. Kʼoati machjén nga kuenta tʼiain xi ngikʼa. Koaan toje tatiolai ʼnde xi ñaki familiali mani, je xi ya koaiyakaoli carroli, xi ya tjíokaonili, kʼoa tsa je xi ʼmiyalai Biblia. Alijmejin xi batiosuin je yáxile xi tsínni si̱chjáin.