Kjoaʼmiya 9

Jé choʼndale Niná tjínnele nga tsje koan

Ánni nga tjínnesínile tsje koan tojmeni xi nʼia (1)

Jósʼin tsoyanile nga tsje ʼyaxkoán Niná (2)

Nga tsje koanngikoa kjoabijnachonná (3)

Nga tsje kʼoe kjoafaʼaitsjenná (4)

Nga tsje sóyoa (5) Jñánile én xi chʼaotso xi kʼoechjoale yaoná (6)

1. Jeobá Niná nʼio tsje. Kui xi mele kʼianga je chjotale tsje katabexkón, tsje katafikao kjoabijnachonle, tsje katabʼe kjoafaʼaitsjenle kʼoa tsje katafayo (1 Pedro 1:16). Nʼio kʼoenele yaoná nga tsje kuiyoa ngixkon Niná. Ndʼaibi sonʼnde jndí jña tinijchá yaoná. Xi ijngosani, kui xi chʼaotjín tibixkantʼakoa yaoná. Tonga likui kʼoaiʼnde nga kui sikinjená.

2. Tsje jchaxkoán Niná: Tsa mená nga Jeobá sixále, likuikoan nga kui kjuintʼale kjoaʼmiyale kao costumbrele religión ndiso. Tjínnená nga kuitjokajinle religión ndiso kʼoa nitsejinkoan kʼoai nganʼiole jme xi sʼín (2 Corintios 6:14-18; Apocalipsis 18:4). Kʼianga je kaʼya jotjínni xi kixi tʼatsʼe Niná, tjínnená sikuindale yaoná nga tsín je katabʼanachaná xi kjoandiso bakóya (2 Juan 10, 11).

3.Nga tsje koanngikoa kjoabijnachonná: Jeobá kui xi mele kʼianga chjota xi jé bexkón kui katakjenngile ngantsjai jokisʼin Jesús (1 Pedro 2:12). Jeobá  tíbe ngayeje jmeni xi tinʼia, saʼnda xi toʼma kʼoanʼia (Hebreos 4:13). Tjínnená nga kʼoechjoale yaoná kjoachinga xi mamekon yaoná kʼoa jmesani xi kjoajndí tjenkao xi chon i̱ sonʼnde (1 Corintios 6:9-11).

4. Nga tsje kʼoe kjoafaʼaitsjenná: Tsakui kuinya kjoafaʼaitsjenná xi tsje tjín, kʼoati tsje koanngikoa yaoná (Filipenses 4:8). Tonga tsakui sikjaʼaitsjen xi jndí tjín kʼoati kui kʼoasʼian xi chʼaotjín (Mateo 15:18-20). Likuikoan nga kui chotsenle, kuinoʼyale, kʼoa kʼoexkia je xi sijndí kjoafaʼaitsjenná. Tsa Énle Niná chotʼaya kui xi tsje tjín xinyá kjoafaʼaitsjenná.

5. Tsje sóyoa: Nga chjota tjenngile Cristo ʼminá, tjínnená nga tsje sʼe yaoná kʼoa tsje kjoan najño xi chʼakjá nga jaʼainle Niná nokjoañá. Tjínnená koanejoan ndsaa kʼianga je kamangian baño, kʼoa nga kje bichijian kʼoa kʼianga kʼoenda tsojmi. Tsa tsín jñani fiya ndájma jñani tsan, tjínnele nga kuinyañe je yʼe (Deuteronomio 23:12, 13). Nga tsjenʼia kui basenkaoná nga tsín nanda chʼin sʼená. Je ndʼiale xi chjota tjenngile Cristo ma tjínnele tsje koanchon nitsinle kao yandʼiale. Tsa kʼoasʼin kʼoati skenngi chjota xi kjaʼai nga kʼoati tsje sichon ndʼiale.

6. Én xi ndatso kuinokjoa: Jé choʼndale Niná kui én xi ñaki kʼoatjín nchja. Chjota xi énndiso nchja likui kjoaʼasʼenjin sonʼndenaxó xi sʼejna kʼianga koatéxoma Rey xi kiskoejin Niná (Efesios 4:25; Apocalipsis 21:8). Chjota tjenngile Cristo likui chʼaotso én nchja. Likui énská chinga nrʼoéle kʼoa nikuijinla nchja. ʼYale nga ndatso én nchja ya jña síxá, ya ndʼiaskuela kʼoa kao ya ndai ndʼiale (Efesios 4:29, 31; 5:3).

[Én xi ya faʼaitʼakao sén xi faʼaitʼa ya pájina 18, 19]

Jé choʼndale Niná tjínnele nga tsje koan tojmeni xi sʼin