Kjoaʼmiya 16

Ji xi síni tsa meli sixálai Niná

Jméni xi tjínneli xi sʼiain nga miyole Niná koain (1, 2)

Jósʼin kʼoaitʼalai yaoli Niná (1)

Kʼiáni nga koan kʼuinsʼenngindai (2)

Jósʼin sokóli nganʼio nga kixi kuisain xi kao Niná (3)

1. Kʼianga miyole Niná koain, tjínnele nga katasʼeli kjoankjintokon xi ñaki kixi tjín xi tʼatsʼe Biblia (1 Timoteo 2:3, 4), katasʼeli kjoamakjain tʼatsʼe jmeni xi je kjimajinli (Hebreos 11:6), kʼoakatamanili jéeli (Hechos 17:30, 31), kʼoa li tikʼoajinnʼiani jokinʼiai ngasʼa (Hechos 3:19). Xijekoan, je kjoatsjoachali xi kao Niná kui xo sikaoli nga kʼoaitʼalai yaoli. Tsa meli kʼoasʼiain, jngo kjoabʼetsʼoa kʼoejnalai Niná nga kʼoakʼuinlai nga kʼoaitʼalai yaoli nga kʼoasʼiain josʼin mele (Mateo 16:24; 22:37).

2. Kʼianga je kachotʼayai Énle Niná kʼoa je kabʼaitʼalai yaoli, je koan kʼuinsʼenngindai (Mateo 28:19, 20). Kao kjoachanisʼennginda skoeni chjota kʼianga je kabʼaitʼalai yaoli Jeobá. Kuinga tojé xima fisʼenngindasíni xi je tjínle nó kʼianga je kʼoasʼin kabʼe kon nga Niná sixále. Kʼianga jngo chjota xi fisʼennginda, tjínnele koaisʼennginda ngotjo ngakjijngo yaole a (Marcos 1:9, 10; Hechos 8:36).

3. Kʼianga je kabʼaitʼalai yaoli, kʼoasʼin koyale Jeobá nga kʼoasʼin sitjosuin jokaʼmilai (Salmo 50:14; Eclesiastés 5:4, 5). Jé Na̱i koasjaile josikaoli tojoni nga tsín ti sixánilai Jeobá (1 Pedro 5:8). Tonga tichriantʼalai Niná nga tʼetsʼoalai (Filipenses 4:6, 7). Nyaon nyaon chotʼayai Énle Niná (Salmo 1:1-3). Likʼiajin bisenxinlai je jtín (Hebreos 13:17). Tsa kʼoasʼiain ngayeje jebi, sokóli nganʼio nga kixi kʼuintʼalai Niná. ¡Koan kʼoasʼiain jmeni xi síjéli Niná tokʼia saʼndani!

[Nota xi faʼaitʼa]