Jeobá tsjoá jngo ná xi Bʼasjentjai

29 Jé chjota xi tsín matsen xi kisinda titjon Niná ʼnditjon koan xi kao jé.

Niná nʼió tsjoakie kʼoa jé sichjén nga sikjieson xi chʼaosʼin kʼoa kʼoasjentjai xi sítjoson (Juan 3:16, 36).

30 Jeobá kisikasén ʼNdi le kʼianga i̱ jtsín i̱ Soʼnde. Jesús tsakʼin. Jaʼain le na le, María tsakʼin (Lucas 1:30-35).

31 Kʼianga je koan jchínga Jesús, nʼió nkjín koya xi ndatjín kitsoya. Kitsoya kʼianga to jé Jeobá Niná xi kixi (Marcos 12:29, 30).

Jesús kʼoa kitsó nga to jé Jeobá xi tjínne ná nga jchaxkoan (Mateo 4:10; Juan 4:23, 24).

Kʼoati tsakakóya le chjota xi tʼatsʼe Reino le Jeobá (Lucas 17:20, 21).

 32 Jesús kisindaya xi tjiómʼe kʼoa nʼió sa nkjín xi ndatjín kisʼin. Likui kʼoa kisʼin xi chʼaotjín (Hechos 10:38; 1 Pedro 2:21, 22).

Tonga, ¿jósʼin kʼoasjentjai ná xi tʼatsʼe jée kao kjoabiya?

33 Kui xi kisʼin nga tsakʼejten njín le xi kao Niná kʼianga kʼoasjentjai xi sítjoson le. Nichxin xi jaʼato, Niná kʼoa kitsó le chjota nga njín le cho̱ tsjoatʼa xi tʼatsʼe jée le (Hebreos 7:25, 27).

34 Jesús likui njín le cho̱ kitsjoatʼa. Jé soa kitsjoatʼa yao le kao njín le xi to tʼatsan (Mateo 20:28; Hebreos 10:12).

¿A ʼyani ji án ni?