¿Jmé xi tjínne li xi sʼiain ji?

50 ¿A me li nga ya sijchái yao li ngantsjai ya ʼnde naxó xi naskánachon?

Ngo̱ kui xi sʼiain nga katama sali tʼatsʼe xi títso Niná. Tʼene lai yao li nga katama li jmeni xi títso Biblia kʼianga kʼuéxkiai (Juan 17:3; Apocalipsis 1:3).

51 Katama sa li xi tʼatsʼe Jesús (Deuteronomio 18:18, 19; Juan 3:16; Hechos 3:19-23).

52 Tokui kjoan kʼoatʼiain xi ndatjín kʼoa titjoson lai Jeobá (Romanos 6:17, 18, 22).

 53 Tikjaʼaitsjain, Jeobá kʼoatso nga tsín koan chjota sikʼien (Éxodo 20:13; 1 Juan 3:11, 12).

54 Likui koan chjaʼa le tsojmi le xi kjaʼai (Éxodo 20:15; Efesios 4:28).

55 Nijngo jin xʼin xi koan kʼoejnakao jngo chjoón kʼoa koajnakao tsa tsín chjoón le ma ni (Éxodo 20:14, 17; 1 Tesalonisences 4:3).

56 ¿A faʼaitsjen li jotjín yánchjín kitsjoaʼndé Niná xi koan sʼe le jngo xʼin? ¿Kʼoa jokji tse kʼoejnakao chjoón le jngo xʼin? (Génesis 2:22, 24; Mateo 19:5, 6; 1 Corintios 7:2, 10, 11.)

 57 Kʼoati tikjaʼaitsjain, kʼianga to jé Jeobá xi tjínne ná nga jchaxkoán (Mateo 4:10; 1 Corintios 8:6).

58 Je xkóson kao sén likui koan le koasenkao ná. ¿Án ni? (1 Corintios 8:4.)

¿A nda tsa xkóson kuinya? (Deuteronomio 27:15; 1 Juan 5:21.)

59 ¿Án ni nga chʼaotjín síni nga kui sichjén tsojmi xi nganʼió tjín le tso chjota? (Deuteronomio 18:10-13; Apocalipsis 21:8.)

60 Jé ánkjel xi chʼaosʼin xi na̱i tjengi ʼmi tsakatiochjoa le Niná. Jé sichjen chjine bʼenda nga bʼanacha le chjota (Hechos 16:16).

 61 Tjínne ná nga kʼoetsʼoa le Niná. Je kjoabʼetsʼoa tsoya ni le nga chjakoa Niná, kʼianga kʼoaʼmi lé nga sixá lé, kʼoa kʼianga nijé lé nganʼió (Filipenses 4:6, 7).

62 Tjínne ná nga sitjoson lé Jesús kʼoa nga katamakjain ná xi tʼatsʼe (Hebreos 5:9; Juan 3:16).

63 Tikjaʼaitsjain kui kʼien ni nga tsakʼasjentjai ná (Romanos 5:8).

 64 Tikjaʼaitsjain kʼianga Jesús jé Rey ná xi tsín matsen. Tjínne ná nga sitjoson le (Filipenses 2:9-11; Apocalipsis 19:16).

 65 Jesús kʼoa kitsó kʼianga tjínne li chjakoai xi kjaʼai tʼatsʼe je xi ndatjín xi kjima li, kʼoa ʼyani xi me le sixá le Niná tjínne le skanísʼengindá yao le (Mateo 28:19, 20; Juan 4:7-15).

66 Kuinga ji koan kuinokjoakao si ni je miyo li tʼatsʼe kjoanda jebi (Mateo 10:32).

67 Tsa ji xi koan li nda kʼuéxkiai, nʼió tse xi koan sa li kʼoa ngisa sa nda kʼoai nganʼió lai xi kjaʼai (2 Timoteo 2:15).

 68 Jesús kʼoati kitsoya le xti ʼndi nga sitjoson le Niná. A likʼia nga tsín kisiʼa nga tsakjakao (Mateo 19:13-15).

69 Je xi xijchá tjínne le nga kuitsoyantsjai le xti le nga sitjoson le Niná kʼoa nga nʼio koantsjoakie (Deuteronomio 6:6, 7; Proverbios 6:20-22; Efesios 6:4).

70 Nʼió nkjín koya yango tjín. Kʼoa nʼió nkjín kjoaʼmiya le xi tsín ya nroatʼa ya Biblia. Jeobá kʼoatso ná nga kuitjokajin le religión xi tsín kixi bakoya (Apocalipsis 18:4; Juan 4:23, 24).

 71 Jeobá tjín le chjota i̱ Soʼnde xi koan kuitsoya sa li tʼatsʼe jé. ¿A ʼyani ʼyáni? (Hechos 15:14; Romanos 10:14, 15.)

72 Jé ni testigo le Jeobá. Nyʼan tjiokao xinkjin. ¿A ʼyani án ni? Kuinga tsjoakie ngañá xinkjin (Isaías 43:10-12; Juan 13:34, 35).

73 Kuinga kʼoati tsjoakie Jeobá, nga kanisʼengindá ni yao le. Kʼoasʼin bakó jin le chjota kʼianga je kasikatió je xi tsín ndatjín josʼín tjiófikao yao le kʼoa kui xi me le nga kʼoasʼin sichjén kjoabijnachon le nga Niná sixá le (Hechos 2:41).

 74 Jé testigo le Jeobá koya le nga ya sijcha yao le jña naskánachon jngo ʼnde naxó xi chjotse (Salmo 37:9-11, 29).

¿Jmé xi koan sʼiain ji kʼianga ya sijchái yao li jña koatio jé? (Santiago 1:22, 25; 2:20-26.)

75 Katama li kao jé josʼín sixá lai Jeobá. Jé tsjoakie ni kʼoa sítjoson le Jeobá kao Cristo Jesús. ¿A tsjoacha ni ji? ¿A me li ji kuisenkoai xi kjaʼai nga katabe Niná? (Juan 6:45-47.)

76 Jeobá kao Cristo Jesús tsjoakie li kʼoa me le kʼianga kuijnachuin ngantsjai nichxin ya ʼnde naxó (Juan 3:16).

Je xi koan li kʼianga kichótʼayájin je sén xi tjiotʼa kao xi titso xon jebi likui jao tjín ná nga koan me li nga tsjoa sʼe tokuin xi tʼatsʼe kjoabijnachon xi sʼe ngantsjai i̱ Soʼnde. Tsa me li nga koan sa li xi tʼatsʼe jebi, chjakoai jngo testigo le Jeobá ya jña tinijchai yao li. Tsa me li je̱ koan chjí jngo xon, kʼoa tsa tsín ma li kjaʼai xi katakjí li, kʼoa tikasáin ya oficina xi chrian tijna jña tinijchai yao li, josʼin faʼaitʼa xon jebi xi ma jao ni xjoa.