Jméni xi ngisasa machjénle je ʼndíxtino. Nʼio nkjín koya xi machjénle, jolani nga tsjoacha koaon, nga kjoénlao ndiaa kʼoa nga si̱kuindao. Tonga xi ngisasa chjíle kuinga kʼuínyalao xi tʼatsʼe Jeobá kʼoa jmekjoanni xi bakóya je Énle (Juan 17:3). Kʼoa kui jebi xi koasenkao nga tsjoake koa̱n je Jeobá kʼoa nga ñaki kao kjoatsjoa sixánile saʼnda nga sʼa ʼndí kjoan (Mateo 21:16).

Nkjín xijchá xi kʼoatso nga ngisa ngotjo manile je xtiʼndí nga tochoa choa ʼmiyale. Tsjoa manajin nga kichʼasjaijin xo̱n jebi xi ʼmi Xo̱nna xi tsoyana Énle Niná. Josʼin kisʼenda nga jngó jngó kjoaʼmiya xi faʼaitʼa nʼio choa ñʼai koa̱nno nga kʼuínyalao je ʼndíxtino. Je sén xi faʼaitʼa kʼoa kao én xi tjítʼa jé kisʼendale je xtiʼndí xi sʼa jan nóle kʼoa tsa xi ngisasa ʼndí kjoan. Kʼoati faʼaitʼa jme xi koa̱n kʼuínyasalao ʼndíxtino. Je foyeto jebi ali tsakuijin xá kisʼendani nga tosiskákao je xtiʼndí. Kui xá kisʼendani nga kʼoéxkialao kʼoa nga tsjoá chja̱kaonajmío.

Nʼio nda koasenkaono je xo̱n jebi kʼianga koakoyalao je ʼndíxtino jmekjoanni xi bakóya je Biblia saʼnda nga sʼa ʼndí kjoan (2 Timoteo 3:14, 15).

Xi síkasénno xo̱n jebi jéní,

Cuerpo Gobernante xi tsʼe Testigole Jeobá