XI MAJAONNI
Nga kitsin saʼnda nga kʼien Jesús
Je ánkje Gabriel ya kinikasén nga kinrʼoe jngo chjoónxti xi nʼio nda kisʼin je xi María tsakʼin. Kʼoakitsole nga jngo ʼndí sʼele xi rey koa̱n xi kʼoasʼin koatexoma ngantsjai. Je ʼndí jebi, je Jesús, ya kitsin jña satioʼya cho̱, jñani kichonrʼoe je chjota xi koʼnda cho̱. Xijekoanni, jngo niño tsakándiale je chjota xi ya jaʼaini ya jña tjoni tsʼuí xi ya saʼnda kichokao jña tíjna Jesús. Kʼoati jchaa ʼyáni xi kisikʼatsenle niño xokji, kʼoa jósʼin kitjontjai Jesús ninga nʼio tsakásjaile je chjota nga mele sikʼien.
Xijekoa̱n, kʼoati jchaa nga je tejao nóle Jesús, nga tsakjákao je xi bakóya kjoatéxoma ya yo̱ngo̱. Xijekoanni xjaʼaonjan nó kʼia kiskanisʼenngindá yaole Jesús, kʼoa kʼia tsakʼétsʼiakao nga tsakakóyason josʼin koatexoma Niná i̱ Sonʼnde, nga kui xá kisikasénni Niná. Kʼoati tejao chjota kiskoejin Jesús xi kʼoasʼin tsakasenkao xi tʼatsʼe xá jebi kʼoa pastrole kisikao.
Kʼoati nʼio nkjín choa̱ tsakatío Jesús. Nkjín jmi chjota kisikjen ninga tojao jan jti̱ xi ʼndí kjoan tjíole kao nioxtila. Kisindaya je xi tjíomʼe. Kʼoa saʼnda kisikjaʼáyale je kʼien. Xi fetʼani, kʼoati jchasa ngayeje jmeni xi koantʼain Jesús nichxin nga kinikʼien, kʼoa jókinikao nga kinikʼien. Jan nó basen tsakakóya Jesús, je XI MAJAONNI jebi kʼoa tsʼato kanteño nó tínchjani.
KUI FAʼAITʼA JEBI
KJOAʼMIYA 84
Jngo ánkje kichokonle María
Jngo én kichokaole xi tʼatsʼe Niná. Kʼoakitsole nga jngo ʼndí sʼe̱le xi koatexoma ngantsjai nichxin.
KJOAʼMIYA 85
Jesús ya kitsin jña satíoʼya cho̱
Kʼiatsa rey koa̱n Jesús, ánni nga ya kinikájnayasíni ya jña kjenya cho̱ kʼianga kitsin.
KJOAʼMIYA 86
Jngo niño kitjenngile je chjota
ʼYáni xi tsakándiaale je chjota xi niño kotʼayason nga koansjaile je Jesús. Tokʼoajinkoa̱nli nga jchai ʼyani xokisʼin.
KJOAʼMIYA 87
Sʼa ti Jesús kʼoa ya yo̱ngo̱ tíjna
Je chjotajchínga xi bakóya ya yo̱ngo̱ ñaki tokoanxkónle nga kinrʼoéle je Jesús josʼin kinchja̱.
KJOAʼMIYA 88
Juan kiskanisʼenngindá Jesús
Je Juan Bautista jé chjota xi jée tsakajngi xi kiskanisʼenngindá. Tonga je Jesús alikui jée tsakajngi, ánni nga kiskanisʼenngindáni je Juan.
KJOAʼMIYA 89
Je Jesús kisitsje ya yo̱ngo̱
Kui kjoatsjoacha xi kisʼele Jesús xokisikao nga koanjtinile.
KJOAʼMIYA 90
Je Jesús jngo chjoón tsakjákao ya xjáonandá
Ánni nga kʼoakitsosíni Jesús nga tsín tikoa̱nfatinile chjoón jebi tsakui skʼuí je nandá xi tsjoále.
KJOAʼMIYA 91
Je Jesús ya tsakakóya jña tíjna jngo nindo
Nʼio chjíle jme xi kitsoya Jesús ya jngo jko̱nindo kʼoa machjénná ngantsjai.
KJOAʼMIYA 92
Jesús kisikjaʼáyale je kʼien
Je Jesús kao nganʼiole Niná kisikjaʼáyanile je tsotile Jairo.
KJOAʼMIYA 94
Tsjoake koan xtiʼndí
Je Jesús kʼoakitsole pastrole nga nʼio tse xi koa̱n skénngile je xtiʼndí.
KJOAʼMIYA 95
Jósʼin tsakakóya Jesús
Je Jesús nʼio nkjín choa̱ kisichjén nga tsakakóya, jolani xi tʼatsʼe chjota samaritano.
KJOAʼMIYA 96
Kisindaya Jesús je xi chʼin kisʼele
Jméni xi tsakakó ngayeje kjoaxkón xi tsakatío Jesús.
KJOAʼMIYA 97
Jo Rey sʼin kichó Jesús
Je chjotankjín kiskoéyandaa je Jesús, tonga alikui tsa tongatsʼi chjota nga tsjoa koanle xi tʼatsʼe jebi.
KJOAʼMIYA 98
Ya nindo xi Olivos ʼmi
Je Jesús ño chjotale tsakjákao kʼoa kui kʼoakitsole jmeni xi kjima nichxin xi tiyoaa ndʼaibi.
KJOAʼMIYA 99
Ya tjío jngo cuarto xi sonngʼa tíjna
Ánni nga kʼoakitsosínile Jesús je chjotale nga xki̱ nó katabʼéjna kjoabichi jebi.
KJOAʼMIYA 100
Nga tíjna Jesús ya ʼnde jña Getsemaní ʼmi
Je Judas, ánni nga tsakʼéndsoʼasíni Jesús kʼianga tsakaténa.
