XI MAÑATONI
Nga jaʼáyale Jesús saʼnda nga kinikʼéjnaʼya ndoyá je Pablo
Kʼianga je koanjanni nichxin nga kinikʼien Jesús, jaʼáyanile. Nga kui nichxin aon kʼa tsʼatsenle chjota tjenngile. Ñachan nichxin nga kʼoasʼin tsʼatsenle. Xijekoan, kʼianga tjíokotsen kʼale je chjota tjenngile, je Jesús kimingʼa ya ngʼajmi. Xijekoanni te nichxin je Niná kitsjoale nganʼiotsjele je chjota tjenngile Jesús xi tjíokoya ya Jerusalén.
Xijekoanni je chjota kontrale Niná ndoyá kiskanisʼen je pastro, tonga jngo ánkje tsakʼasjentjai. Je chjota tjenngile Jesús xi Esteban tsakʼin lajao kisikʼienni chjota kontrale. Tonga kʼoati jchaa nga jngo chjota xokjoan xi xá kiskoejinni Jesús nga choʼndale koan, jení xi pastro Pablo tsakʼin nga koanskanni. Xijekoanni jan nó basen nga kinikʼien Jesús, je Niná kisikasén je pastro Pedro nga tsakakóyale jngo chjota xi tsín judío kitjenni, je Cornelio kʼoa kao yaniʼyale.
Tejanla nó nga koanskanni kʼia ki títjon Pablo nga kjin kikakóyason. Xi koanjaokʼani, je kikao Timoteo. Je Pablo kʼoa kao xi tsakʼetsomakao nga kisixále Niná nʼio tse jme xi jaʼatojin. Xijekoanni, ndoyá tsakʼejnaʼya Pablo ya Roma. Xi koanni jao nó tsakʼejnandai, tonga ti kichaníngáni ndoyá nga koanskanni kʼoa kinikʼien. Jebi kui XI MAÑATONI kʼoa kantejao nó tínchjani.
KUI FAʼAITʼA JEBI
KJOAʼMIYA 102
Nga jaʼáyale Jesús
Jngo ánkje tsakjaʼáxin je la̱jao̱ xi séjnachjoale ya tsjó jña kijnaya yaole Jesús kʼoa je sondado ñaki totsakatiojnda kʼoa likui tikoan kisikjanni.
KJOAʼMIYA 103
Jaʼasʼen ninga tíchjoanʼio xo̱ntjoa
Kʼianga jejaʼáyanile Jesús, ánni nga tsín tsabesíni je chjotale tsa jeni.
KJOAʼMIYA 104
Je Jesús ki ijngokʼani ya ngʼajmi
Nga kjesa fijin Jesús ya ngʼajmi ijngosa kjoatéxoma kitsjoale chjotale.
KJOAʼMIYA 105
Ya Jerusalén kiskoya
Ánni nga nganʼiotsjele Niná kitsʼaisínile je chjotale Jesús kʼianga kisʼejna sʼuí Pentecostés.
KJOAʼMIYA 106
Kinikatíondai nga ndoyá tjíoʼya
Je xi nyatítjonle relijión ndoyá kisikatíoʼya je pastro nga tsín tikatatsoyasonni, tonga je Niná jetjínndajinle jme xi sʼin.
KJOAʼMIYA 107
Nga kinikʼienkao lajao je Esteban
Kʼianga kinikʼien Esteban jngo kjoabʼetsʼoa tsakʼéjnale Niná.
KJOAʼMIYA 108
Nga tjíofi ndia Damasco
Je Saulo ñaki tsʼantjaiyaa jokjoan kʼianga jngo lʼí kisiʼisenndaile xi kisixka̱ kʼoa kʼianga jngo jta̱ kinrʼoéle xi ya ngʼajmi jaʼaini.
KJOAʼMIYA 109
Pedro kikonle Cornelio
Je Niná a ngisa chjí bekon kʼa chjota xi kjaʼaísʼin tsen yaole tikʼoajinni xi kjaʼaí.
KJOAʼMIYA 110
Timoteo je xi tsakasenkao Pablo
Je Timoteo kisikʼéjnaa niʼyale nga kikakóyason jña tʼaxin naxinandá kao Pablo.
KJOAʼMIYA 111
Jngo tiʼndí xi tsakajnafe
Je Eutico kisʼefe xi títjon kjoanokjoaya xi kitsjoa Pablo kʼoa xi majaoni kjoanokjoayale Pablo likui titsakajnafeni. Nga jao koya jmeni xi koa̱n to kjoaxkónní.
KJOAʼMIYA 112
Ya kitjontjai jngo ʼnde xi ya tíjnajin ndáchikon
Kʼianga toje kuiyá tsakai ngatsʼi xi tjíoya chitso, jngo én kichole Pablo tʼatsʼe Niná xi kitsjoale kjoachoya.
KJOAʼMIYA 113
Nga tíjna Pablo ya Roma
Jósʼin kisitjoson Pablo je xá xi kisʼele nga pastro koan ninga ndoyá kinikʼéjnaʼya.
