CHÓTSENLALAI chjota xi tjíobijnokesí ti xokji. A ʼyaní ʼyáni. Je Jeremías, xi kinchjaya tʼatsʼe Niná.

Kʼianga je tsakjaʼáxín Josías ngayeje xkóson xi kisʼe ya naxinandá, je Jeobá kʼoakitsole Jeremías nga én xi tsʼe katanchjaya. Tonga Jeremías kʼoakitso nga nʼio sʼa ti kji nga kui xá jebi kʼoaile. Tonga Jeobá kʼoakitsole nga je koasenkao.

Jeremías kʼoakitsole je chjota israelita nga tsínti chʼao katasʼínni, kitsole: “Je niná xi bʼétsʼoale je chjota xi li judíojin to niná ndisoní”. Tonga nkjín chjota israelita xi tosa kui xkóson tsakʼétsʼoale ʼndele nga Jeobá je Niná xi kixi kʼoetsʼoale. Kʼianga je kʼoakitsole Jeremías nga kjoañʼai tsjoále Niná nga chʼao tjíosʼín, je naxinandá to tsakijnoke Jeremías.

Nga je ki nó. Kʼien Josías, kʼoa xi koanni jan sá je xi rey koan je Jehoiaquim tile. Jeremías tojo kʼoatítsole naxinandá: “Sikjeson Jerusalén tsa tsín sikʼantjaiyao yaono”. Je naʼmi kitsoa Jeremías kʼoa tsakʼéjta nga kitso: “Tjínnele sikʼien Jeremías; nga chʼaosʼin tínchjale naxinandáná”.

Jméni xi kisʼin Jeremías. ¡Likui kitsokjon! Kitsole ngatsʼi chjota: “Jé Jeobá kisikasénna nga kʼoatixinno ngayeje jebi. Tsa tsín sikʼantjaiyao yaono nga chʼao tinʼiao, jé Niná sikjeson Jerusalén. Tonga tʼejintokon xi tʼatsʼe jebi: Tsa sikʼiennao, je sikʼaon jngo chjota xi tsínkui xi chʼaotjín kʼoatísʼín”.

Je chjota xi nyatítjon likui kisikʼien Jeremías, tonga je chjota israelita likui kisikʼantjaiya yaole jme xi chʼaokisʼin. Xijekoan, je Nabucodonosor, xi rey koan ya Babilonia, kichonrʼoe Jerusalén nga kiskan. Xijekoan, je Nabucodonosor chan choʼndale kisikao je chjota israelita. Nkjín jmi xi ya kikao ya Babilonia. ¡Tikjaʼaitsjenlaini jókoa̱nli tsa je chjota xi tsín ʼyaxkuin ya koaikaoli jngo naxinandá xi tsín ʼyaxkuin!